IMAMATTA 16:2 - WUKE SUSI WATTI'U AL᷊AL᷊USASSA

² wisara-Ne, “Wal᷊oa'e si tuṛṛangngu i Harun, manungku tumba'u su tempo apan buatte nitantunna i tou wotonge sumutta su Wabbo'a Lembon Susi apan niwallatannu pampele, ana waugu ete isudde i Ya'u mattingka pasilon batangang-Ku sulal᷊ummu winabbawa su wowon lal᷊uubbu Wantallu Pa'aire. Amungkangngu i Harun lumawangnga parenta udde, i tou sarun mate.

IMAMATTA 16:2 Iomraidhean Croise

1 MARARATU 6:16

Sulal᷊ummu wal᷊en udde, su wageangngu liudde niola'a wabbo'a ringannu napararisikku darandungnga wawallanne wuassu alu cemara, manattaka wuassu apampakke maddatingngu pangketta. Wabbo'a udde nisaggo Wabbo'a Lembon Susi; al᷊o'engnge sio metere.

1 MARARATU 8:6

Wua'udde manga imam nangapiddu Wantallu Paaire udde sulal᷊ummu Wal᷊en Mawu wuṛṛu niaddo su al᷊ungngu manga paal᷊uannu mala'ekatta sulal᷊ummu Wabbo'a Lembon Susi.

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

IMAMATTA 16:13

Dupa udde ṛinone itambunni tou su saruannu Wantallu Pa'aire, ma'oman sara timbulle mangooppa lal᷊ubbu Wantalla udde wuṛṛu i Harun tawe maasilo, ana waugu amungkangngu i tou ma'asilo, i tou sarun mate.

IMAMATTA 16:34

Lal᷊aghu udde ṛinone olaanna santonna paassa tadea'u ipamaresi walahannu Israel wuassu al᷊awo'u rosan mangitou. Eteudde manga atoranna apan ṛinone iapaamatti mangitou saran mal᷊annu-l᷊annu. I Musa tinumuṛṛutta ere buatte niparentan Mawu si tou.

IMAMATTA 8:35

Al᷊annune pitu allo, allo wuṛṛu ṛabbi, yamiu ṛinone uatana'a su saruannu ngaran Dasanna mapaamattu sarangkanambone apan irolokku Mawu. Amungkangngu i yamiu maddiri tumuṛṛutta, i yamiu sarun mate. Eteudde apan nirolokku Mawu si ya'u.”

REENGANNA 17:10

Wua'udde Mawu nabbisara si Musa, “Addoa'e apia ta'inni Harun su saruannu Wantallu Pa'aire. Ta'inna udde ṛinone sahipunanna maola'a pananaunganna su taumatan Israel, apan apulune lullawangnga udde manungku i mangitou sarun mate amungkangngu i mangitou sidutu sussamboṛṛe.”

REENGANNA 18:7

Arawe tumba'u i'o wuṛṛu manga anangngu apan botongnge mapaamattu manara maola'a imam, su al᷊awo'u manara apan pia aukke ringannu mezbah wuṛṛu saranapa su Wabbo'a Lembon Na'ukkassa. Eteudde manaranu, ana waugu i Ya'u buatte nangonggola si yamiu aiananna maola'a sangkatou imam. Suapan taumata apan tawe uatahuanna manara udde, sarun pateanna amungkangngu mangundani manga saranapa udde.”

REENGANNA 4:5

Mawu nangonggola si Musa manga atoranna indi: Amungkangngu nia'omante tempone manggohakku paddasananna, i Harun wuṛṛu al᷊aṛṛanangnge ṛinone sumutta su Rasannu Mawu, manossokku pampele su saruannu Wantallu Pa'aire, wuṛṛu manaappu mal᷊aṛṛenessa su Wantalla udde.

MATIUS 27:51

Pampele apan ua'ele sulal᷊ummu Wal᷊e Mawu nahesa'a natahia darua, wua'doso na'oman sara wowane. Runia inumio'a wuṛṛu manga wuiddu watu napesangnga.

IBRANI 6:19

Antimmi ite udde ere wal᷊ango apan ual᷊abinga mal᷊al᷊umma wuṛṛu maola'a sambau pangangal᷊eanna apan matohassa wuṛṛu tawe singkal᷊one su pabbiaṛṛani ite. Antimma udde nallapasa su lal᷊indumu Wabbo'a Lembon Susi su Wal᷊e Mawu su surga.

IBRANI 9:25

Imam wahewan Yahudi suapan tonna sussutta watukku Wabbo'a Lembon Susi sulal᷊ummu Wal᷊e Mawu ringannu uaapiddu ṛaṛṛan sambau winatangnga. Arawe i Kristus tawe sinumutta manantillu watangan-Ne masokka-sokka.

IBRANI 9:3

Su wageangu lal᷊umme, eteudde su liuddu pampele aruane, pia wabbo'a apan isassago Wabbo'a Lembon Susi.

IBRANI 9:5

Su wowom wantala udde pia darua mala'ekatta, eteudde riadianna pia papaidde apan mammasingkata manungku Ruata uatana'a isudde lai. Papaiddu mala'ekatta darua udde uasiappakka su wowon lal᷊uubu Wantala, eteudde tampam pangangampunganna rosa. Arawe sarangkanambone udde tawe iatal᷊a'a orassa indi sambau-sambau.

SONDAPPA 15:8

Ne Wal᷊en Ruata udde napeneten timbulla wuassu awawantuga wuṛṛu taṛṛinon Ruata. Wuṛṛu tantal᷊anna pitu asasusa apan niapiddu sire pitu mala'ekatta udde taambe nasue, tawe saran sangkatou apan botongnge maasutta sulal᷊ummu Wal᷊en Ruata.