IMAMATTA 12:8 - WUKE SUSI WATTI'U AL᷊AL᷊USASSA

⁸ Amungkangngu wawine udde tawe maasaddia sambau ana'u domba, i tou ṛinone mangapiddu ruan bau manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba itattambunna wuṛṛu sambau lai maola'a sasamba ipangampungnga rosa. Imam ṛinone ma'ola'a lal᷊aghun ipamappassa rosan bawine udde, ne i tou nabbal᷊ite waresi.

IMAMATTA 12:8 Iomraidhean Croise

IMAMATTA 1:14

Amungkangngu niola'a sasamba udde sambau manu'u winalanganna, ṛinone manu'a bakiangnga ara'e merpati wakku.

IMAMATTA 12:7

Imam ṛinone manantillu sasambane su Mawu wuṛṛu ma'ola'a lal᷊aghun ipamapassa rosan bawine udde, ma'oman sara i tou mabbal᷊i waresi. Nariaddi eteudde apan manarannu sangkatou wawine napawe i tou buatte nanungkangnga.

IMAMATTA 13:1

Mawu nangonggolu manga parenta indi si Musa wuṛṛu si Harun;

IMAMATTA 14:21

Amungkangngu taumata udde asiangnga wuṛṛu tawe addapanne, ne su sasamba lal᷊anna'a arugianna i tou wotongnge mangapiddu sambau ana'u domba esakka maola'a sasamba itoggokka su Mawu. Wal᷊ine wua'udde lai sangkilo taponna lo'annu lanan zaitun maola'a sasamba ia'imbe, wuṛṛu mal᷊oara ahewabbal᷊anne lanan zaitun.

IMAMATTA 14:22

I tou lai ṛinone mangapiddu darua manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba ipangampunga rosa wuṛṛu sambau lai maola'a sasamba itattambunna.

IMAMATTA 15:14

Su allo aual᷊une i tou ṛinone mangapiddu darua manu'a merpati saṛṛen tumuwo ara'e manu'a bakiangnga saṛṛen tumuwo watukku saruannu ngaran Dasannu Mawu ana see manantilla su imam.

IMAMATTA 15:15

Imam ṛinone mangonggollu manu'a sambau maola'a sasamba aampungnga rosa, wuṛṛu sambau lai maola'a sasamba itattambunna. Ringannu aroddi imam na'ola'a lal᷊aghun pamamaresi taumata udde su saruannu Mawu.

IMAMATTA 15:29

Su allo aual᷊une i tou ṛinone mangapiddu darua manu'a merpati saṛṛen tumuwo ara'e bakiangnga saṛṛen tumuwo ringannu imam su saruannu ngaran Dasannu Mawu.

IMAMATTA 4:26

Wua'udde anambon tawan binatangnga udde ṛinone itambunna su wowon mezbah, ere lai su sasamban paddarame. Etearoddi olangnge imam mangngonggolu sasamba ipangampunga rosan taumata tembonanne, ne taumata udde sarun ampungannu Mawu.

IMAMATTA 5:11

Amungkangngu taumata nassal᷊a tawe maasaddia sampare manu'a bakiangnga ara'e manu'a merpati olaanna sasamba ipangampunga rosa, i tou ṛinone mangapiddu taponna sangkilo. Taponna udde tawe wotongnge lo'annu lanan zaitun ara'e lal᷊o'annu amania, ana sasamba uddewe sasamba aampungnga rosa wuṛṛu wal᷊ine sasamba ia'imbe.

IMAMATTA 5:7

Arawe amungkangngu taumata nassal᷊a udde tawe maasaddia domba ara'e ambinga ipanubbussa rosane, i tou ṛinone mangapiddu sampare manu'a bakiangnga ara'e manu'a merpati saṛṛen tumuwo, sambau maola'a sasamba ipangampunga rosa, wuṛṛu sambau lai maola'a sasamba itatambunna.

MATIUS 21:12

Wua'udde Mawu Yesus sinumuttate su Wal᷊e Mawu wuṛṛu nallimbuakka manga taumata apan uawawalli isudde. I Tou namal᷊insuangngu manga meddam pananu'aranna roitta, wuṛṛu manga wangko mabawal᷊u'u merpati.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.