IMAMATTA 10:2 - WUKE SUSI WATTI'U AL᷊AL᷊USASSA

² Ne Mawu nandantan putungnga apan nanutungnga sitarua na'oman sara nate su Rasannu Mawu.

IMAMATTA 10:2 Iomraidhean Croise

2 SAMUEL 6:7

Orassa udde lai Mawu Ruata nasa'u si Uza, ana waugu inolaanne udde naola'a sambau aal᷊uandaga su Mawu. I Uza nipate-Ne sutampa udde, maranin Wantallu Pa'aire.

1 MARARATU 13:28

I tou naasangkalla winal᷊unannu nabi wuassu Yehuda udde ta'e uatattere su lal᷊anna ringannu keledai wuṛṛu singa maranine. Singa udde tawe tinumambo keledai udde, wuṛṛu tawe inuminassa winal᷊unanna udde.

1 MARARATU 18:38

Ana see Mawu nangirimmu putungnga wuassu langitta wuṛṛu nanoṛṛobba na'oman sara nepodda sasamba udde suaddio'a ringannu alune, manga watune wuṛṛu letangnge see nilumewa ua'e su hote udde na'oman sara nasue.

2 MARARATU 1:10

“Amungkangu i ya'u indi atonna allangu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛṛenggenu ma'oman sara masue!” Orassa udde lai sinumossokke putungnga wuṛṛu nanutungnga tembonannu tantara udde see lai siri liman pul᷊o su atoune tantarane.

2 MARARATU 1:12

“Amungkangu atonna i ya'u allangngu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛenggenu ma'oman sara masue!” Orassa udde lai sinumossoke putungnga wuassu Ruata wuṛṛu nanutungnga tembonannu tantara udde see lai siri liman pul᷊o tantarane na'oman sara masue.

1 TAWARIKH 13:10

Orassa udde lai Mawu nasa'u si Uza ana waugu inolaanne udde naola'a sambau aal᷊uandaga su Mawu. Ana see i Uza nipaten Mawu isudde. Ne nanattakka orassa udde tampa udde nisago “Peres-Uza”. I Daud nasa'u, ana waugu Mawu namate si Uza.

1 TAWARIKH 15:13

Sutempo Wantalla udde paarorone niingkatta, i yamiu tawe isudde nangapidda. Ana waugu udde Mawu, Ruatan kite, nakkuumanni ite ana waugu i ite massubba si Tou tawe nassul᷊ungngu apulu-Ne.”

AYUB 1:16

Sutempo i tou ta'e uahahatto, nirumantate lai allangnga aruane wuṛṛu nabbisara, “Manga domban Tuangnga wuṛṛu mallal᷊u'adde buatte niamettu sawallo na'oman sara nate abbi. Tumba'u allangngu sassane apan naatal᷊angnga na'oman sara napabbal᷊o si Tuangnga.”

DARALO 50:3

Ruatan kite nirumanta wuṛṛu tawe uatatana'a matammuda, i Tou niliuṛṛoroannu putunga apan nilumewa, wuṛṛu papal᷊iwutannu tandi'a apan masaddata.

SASABANGNGA 24:1

Wua'udde Mawu nabbisara si Musa, “Rangante sumaruanna si Ya'u, i'o suadio'i Harun, i Nadab wuṛṛu i Abihu, wuṛṛu pitun pul᷊o piaṛṛa'u walahanna, wuṛṛu al᷊intudate passubba si Ya'u wuassu marau.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

IMAMATTA 10:5

I mangitou nirumanta wuṛṛu nangapiddu manga winal᷊unanna apan ta'e lal᷊uṛṛeannu laubba udde watukku liuddu paddasananna, ere buatte nirolokki Musa.

IMAMATTA 16:1

Napawe ana'i Harun ruan katou nate su tempo mangonggolu sasamba putungnga apan tawe ipaapulun Mawu, Mawu nabbisara si Musa,

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

REENGANNA 16:49

Ingana'a nate su tempo udde, 14.700 su atoune, tawe nasutta i mangitou apan nate sulal᷊ummu i Korah namangalo.

REENGANNA 26:61

I Nadab wuṛṛu i Abihu nate su tempo itarua nangonggolu sasamba putungnga apan tawe ipaapulun Duata.

WATTI'U MANGA RASUL 5:10

Orassa udde lai awingngi Ananias nawantingnga wuṛṛu nate su saruanni Petrus. Wuṛṛu su tempo manga umbasanna udde sinumutta, i mangitou naaratingnga si tou natete. See i mangitou nangapiddu winal᷊unanne su liudde see nilabingnga su sandiṛṛannu awingnge.

WATTI'U MANGA RASUL 5:5

Aroddi i Ananias naaringikka manga wisara udde, i tou nawantingnga see nate. Anambon taumata apan naaringikka olangnge udde nata'utta.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

1 SAMUEL 6:19

Arawe ana waugu taumatan Bet-Semes udde nangintanno sulal᷊ummu Wantallu Paairen Mawu, pitun pul᷊o su atoune suwallatti mangitou nipaten Mawu. Ana see tumana'u soa nilumal᷊o ana waugu Mawu nandanta si mangitou sambau asasilaka apan aroddi ahewalle.