IMAMATTA 1:10 - WUKE SUSI WATTI'U AL᷊AL᷊USASSA

¹⁰ Amungkangngu niola'a sasamba udde sambau domba ara'e ambinga, winatangnga udde ṛinone esakka wuṛṛu tawe sangkulle.

IMAMATTA 1:10 Iomraidhean Croise

PANDARIADDI 4:4

Ana see i Habel nanganu ana'u domba pahul᷊une sambau wuassu manga dombane, niṛṛata, ana see nangonggollu wageangnge apiane su Mawu. Mawu mal᷊uassa si Habel wuṛṛu aonggolle,

PANDARIADDI 8:20

I Nuh napararisikku sambau mezbah hunan Mawu. I tou nanganu sambau su wallattu manu'u winalanganna wuṛṛu winatangnga waine apan tawe ipappalli, ana see nionggolla su Mawu naola'a sambau sasamba itattambunna su wowon mezbah udde.

SASABANGNGA 12:5

I yamiu wotongnge mamile domba ara'e ambinga, arawe ṛinone esakka, uukke santonna wuṛṛu tawe sangkulle.

YEHEZKIEL 43:22

Tiṛṛabbine i'o ṛinone mangonggollu sasamba sambau ambinga mendangenna apan tawe sangkulle tadea'u maola'a sasamba aampunga rosa. Ukkasse mezbah udde ringannu daṛṛan ambinga udde, nassul᷊ungngu apa apan niolangngu ringannu sapi esakka apan ta'e saṛṛen tumuwo udde.

IMAMATTA 14:10

Su allo aual᷊une taumata udde ṛinone mangapiddu darua ana'u domba esakka wuṛṛu sambau ana'u domba wawine uukke santonna, apan sambau-sambau tawe sangkulle. Wal᷊ine wua'isudde lai tatallu su kilone taponna apan buatte nilo'annu lanan zaitun wuṛṛu sepertiga su literene lanan zaitun.

IMAMATTA 16:3

Tumba'u ringannu mangonggolu sapi esakka saṛṛen tumuwo maola'a sasamba ipangampungnga rosa wuṛṛu sambau domba esakka maola'a sasamba itattambunna, i Harun botongnge maasutta su Wabbo'a Lembon Susi.”

IMAMATTA 16:5

Ana see ṛuangannu Israel nanantillu ambinga esakka darua si Harun maola'a sasamba ipangampungnga rosa wuṛṛu sambau domba esakka maola'a sasamba itattambunna.

IMAMATTA 23:12

Su allo i yamiu mangonggolu gandumma udde, i yamiu ṛinone mangonggolu lai sasamba itattambunna sambau ana'u domba esakka uukke santonna wuṛṛu tawe sangkulle.

IMAMATTA 3:1

Amungkangngu sangkatou mangonggolu sapi maola'a sasamban paddarame, sapi udde wotongnge esakka, wotongnge lai wawine, arawe imbaṛṛangnga pia sangkulle.

IMAMATTA 4:23

ne napawe i tou naatutukka, i tou ṛinone mangonggolu sambau ambinga esakka apan tawe sangkulle ipangampungnga rosane.

IMAMATTA 4:3

Amungkangngu na'ola'a rosa udde Imam Bahewalla, na'oman sara balahannu Israel nassal᷊ate lai, i tou ṛinone mangonggolu sambau sapi esakka saṛṛen tumuwo apan tawe angngone su saruannu Mawu tadea'u manga rosane ampunganna.

IMAMATTA 5:15

Amungkangngu pia sangkatou ringannu tawe nipattatudda na'ola'a rosa ana waugu wolo'a sulal᷊ummu manantillu manga sasamba apan itattitan Mawu, ne taumata udde ṛinone mangapiddu sasamba ipallana'a arugianna. Sasamba udde ṛinone sambau domba ara'e ambinga esakka apan tawe sangkulle, wuṛṛu niarega tumuṛṛuttu arega apan ipappaatta su Rasanna Mawu.

IMAMATTA 9:2

Unni Musa si Harun, “Panganute sambau sapi esakka saṛṛen tumuwo wuṛṛu sambau domba esakka, itarua udde ṛinone tawe sangkulle. Onggol᷊a'e binatangnga darua udde su Mawu, sapi esakka maola'a sasamba ipangampungnga rosa, wuṛṛu domba esakka maola'a sasamba itattambunna.

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

REENGANNA 19:2

iapaonggolu manga atoranna indi su walahannu Israel: Panganute sambau sapi esakka wawine wambul᷊une maṛṛamu apan tawe sangkulle wuṛṛu taambe nipaatta niapapasanna winabbawa.

REENGANNA 6:14

ringannu mangapidda su Mawu tatallu winatangnga apan tawe sangkulle; sambau ana'u domba esakka uukke santonna maola'a sasamba itattambunna, sambau lai ana'u domba wawine uukke santonna maola'a sasamba aampungnga rosa, wuṛṛu sambau domba esakka maola'a sasamban paddarame.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

1 PETRUS 1:19

ewe'e sambau saranapa apan lembon maarega; eteudde wadangi Kristus sassane, apan naola'a ere domba nionggolla sasamba su Ruata ringannu tawe angngone.