IBRANI 9:7 - WUKE SUSI WATTI'U AL᷊AL᷊USASSA

⁷ Apan sussutta su wageangnge lal᷊umme su rasanna udde tumba'u imam wahewa. I tou mammanara udde tumbau santonna paassa. Udde mammanaranne ringannu mangngapiddu ṛaṛṛa ipassubba Ruata ana waugu watanganne sassane wuṛṛu ana waugu manga rosa apan niola'u pabbawalage su liuddu ṛingiranne.

IBRANI 9:7 Iomraidhean Croise

2 SAMUEL 6:7

Orassa udde lai Mawu Ruata nasa'u si Uza, ana waugu inolaanne udde naola'a sambau aal᷊uandaga su Mawu. I Uza nipate-Ne sutampa udde, maranin Wantallu Pa'aire.

2 TAWARIKH 33:9

Manasye naaola'a tumana'u Yerusalem na'ola'a manga rosa maddal᷊eoanna wuassu rosa apan buatte niola'u manga walahanna apan nilimbuaṛṛannu Mawu wuassu Kanaan sutempo al᷊aṛṛana'u Mawu sinumutta su wanua udde.

DARALO 19:12

Allang-Ngu niapanaungngu sarangkanambone udde; lal᷊antakke apan wahewalla su taumata apan matuṛṛutta.

DARALO 95:10

Appatu pul᷊o su tonnane al᷊annune i Ya'u nuallen mangitou; wisara-U: Atonna, walahanna udde mal᷊awangnga! I mangitou tawe maddaringikka manga parenta-U.

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

YESAYA 29:14

Ana waugu udde i mangitou sarun Ta'u paṛṛindu'anna ringannu puul᷊anna masokka-sokka. Taumata pande sarun mabbal᷊i woddo, wuṛṛu anambon apapande mangitou udde tawe gunane.”

YESAYA 3:12

Uma-U sarun allangannu taṛṛa rea'a auntunganna wuṛṛu ipakkan taumata taṛṛa iṛṛuppa daṛṛa. Uma-U sarun ial᷊iwun manga piaṛṛangnge na'oman sara waggate lai dal᷊anna apan ṛinone amatanni mangitou.”

YESAYA 9:16

Walahanna udde nassina'adde wuṛṛu nal᷊al᷊eote wuṛṛu anambon wisara mangitou lal᷊eo. Ana waugu udde suwallattu manga umbasanna tawe saran sangkatou apan niapaal᷊iu Mawu. I tou tawe niumakkannu wawine wal᷊u wuṛṛu asisitimpal᷊ussa. Arawe Mawu ta'e massa'u wuṛṛu ta'e makkuumanna.

HOSEA 4:12

I yamiu maddorongnga tatantiro wuassu alu sampaddi! Ta'inna sambua mammasingkatta si yamiu apa apan apulu singkatanni yamiu! I yamiu naal᷊ihidda sangkatou awingnga apan sussandaga; i yamiu nanantang-Ku wuṛṛu nanantillu watangannu su manga mawu waine.

IMAMATTA 16:34

Lal᷊aghu udde ṛinone olaanna santonna paassa tadea'u ipamaresi walahannu Israel wuassu al᷊awo'u rosan mangitou. Eteudde manga atoranna apan ṛinone iapaamatti mangitou saran mal᷊annu-l᷊annu. I Musa tinumuṛṛutta ere buatte niparentan Mawu si tou.

IMAMATTA 5:18

Su sasamba ipallanna'a arugianna udde i tou ṛinone mangapiddu sambau domba ara'e ambinga esakka apan tawe sangkulle wuṛṛu niarega tumuṛṛuttu arega apan ipappaatta su Rasanna Mawu. Imam ma'ola'a sasamba ipangampunga rosan taumata udde, ne i tou sarun ampungannu Mawu.

AMOS 2:14

Tumatal᷊angnga apan mal᷊ihakka lai sarun tawe maal᷊assangnga, taumata matohassa sarun awul᷊iannu ikkanne, wuṛṛu taumata waṛṛani tawe mapanal᷊amatta watanganne sassane.

REENGANNA 15:25

Ana see imam ṛinone ma'ola'a lal᷊aghun pangangampungnga rosan balahanna. Ne i mangitou sarun ampunganna ana waugu i mangitou buatte nangapiddu sasamba aampungnga rosa see lai sasamba itattambunna su Mawu.

EFESUS 4:18

Ṛingiṛṛanni mangitou marandumpe. I mangitou tawe maaillal᷊a pabbiaṛṛanna apan nionggolu Ruata, ana waugu i mangitou atonna-tonna tawe asingkatta saran kadio'a su ola'u Ruata. I mangitou aroddi, ana waugu tawe maddaringikka Ruata.

IBRANI 10:3

Arawe wutte'e manga sasamba apan tinantilla suapan tonna udde, ewe'e mappaanaungnga su taumata su ola'u manga rosa mangitou,

IBRANI 6:19

Antimmi ite udde ere wal᷊ango apan ual᷊abinga mal᷊al᷊umma wuṛṛu maola'a sambau pangangal᷊eanna apan matohassa wuṛṛu tawe singkal᷊one su pabbiaṛṛani ite. Antimma udde nallapasa su lal᷊indumu Wabbo'a Lembon Susi su Wal᷊e Mawu su surga.

IBRANI 7:27

I Tou tawe ere manga imam wahewa waine, apan miallo-miallo ṛinone mangapiddu sasamba ana waugu manga rosane sassane rorone, wua'udde ana waugu rosan walahanna. Mawu Yesus nangapiddu sasamba tumba'u paassa ma'oman sara mal᷊annu-l᷊annu, su tempo i Tou nattingkaola'u wadang-Nge sassane naola'a sambau sasamba.

IBRANI 9:3

Su wageangu lal᷊umme, eteudde su liuddu pampele aruane, pia wabbo'a apan isassago Wabbo'a Lembon Susi.