IBRANI 9:28 - WUKE SUSI WATTI'U AL᷊AL᷊USASSA

²⁸ Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

IBRANI 9:28 Iomraidhean Croise

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

IMAMATTA 10:17

“Anio sasamba ipangampunga rosa udde nianni yamiu su tampa apan susi? Sasamba udde lembon susi; Mawu nangonggolla si'o, tadea'u rosan taumatan Israel ampunganna.

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

REENGANNA 18:1

Mawu nabbisara si Harun, “I'o, manga anangngu wuṛṛu taumatan Lewi ṛinone mamasanna pangillul᷊eannu manga pasasal᷊a apan nariaddi su Rasang-Ku, arawe tumba'u i'o manga anangngu apan ṛinone mamasanna pangillul᷊eannu pasasal᷊a sulal᷊ummu manara manga imam.

REENGANNA 18:23

Manatakka orassa indi tumba'u taumatan Lewi apan botongnge mallu'adda Rasang-Ku wuṛṛu sidutu uariaga su manara udde. Atoranna udde ipappaatta lai su papapulunnu saran mal᷊annu-l᷊annu. Taumatan Lewi tawe pussa'a su Israel,

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

YOHANES 14:3

Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu.

WATTI'U MANGA RASUL 1:11

“Ei, manga taumatan Galilea,” unnu taumata darua udde, “anio i yamiu uarisikka isudde uatingngara langitta? Mawu Yesus apan aellehanni yamiu nasengkengnga watukku surga udde su saruanni yamiu, sarun mabelengnga apia ringannu olangnge ereudde lai apan niasiloanni yamiu tanginna.”

ROMA 3:25

Ruata nanantillu Mawu Yesus tadea'u ringannu papate-Ne udde taumata iapaal᷊iatta'a mapallosa wuassu pasasal᷊a amungkangngu i mangitou mangngimanna si tou. Ruata na'ola'a aroddi ana mapaal᷊iatta'u atatul᷊ide. Ana waugu su tempo nal᷊iu Ruata buatte nanabare manga rosan taumata, na'oman sara i Tou tate naṛṛuumanni mangitou.

ROMA 5:15

Arawe itarua udde uapapaṛṛala; ana waugu aonggolu Ruata mannamboanna marau amungkangngu isul᷊ungngu pasasal᷊a apan niola'i Adam. Pasasal᷊an sangkatou naaola'a taumata nambo nate. Lembon ahewal᷊anne lai bawal᷊issu darangngun Duata wuṛṛu asasal᷊amatta apan nionggola su anambon taumata, sulal᷊ummu apapia naungngu sangkatou taumata, eteudde Mawu Yesus Kristus.

ROMA 6:10

Papate apan naṛṛia'a si Kristus eteudde papate ana waugu rosa. Udde nariaddi tumba'u paassa ma'oman sarangkal᷊o'engnge. Wuṛṛu pabbiaṛṛanna apan buatte niamatan-Ne orassa indi eteudde mabbiakka hunane su Ruata.

ROMA 8:23

Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

1 KORINTUS 1:7

na'oman sara i yamiu tawe atalannu al᷊amatta, tantal᷊anna i yamiu uaraṛṛado Mawun kite Yesus Kristus rumanta wuṛṛu ellehannu anambon taumata.

1 KORINTUS 15:54

Amungkangngu wadangnga apan wotongnge mate buatte nihantiannu wadangnga apan tawe mate, wuṛṛu wadangnga wuassu runia, buatte nihantiannu wadangnga wuassu surga, su tempo udde matipusse apa apan uawoṛṛetta sulal᷊ummu Wuke Susi, “Papate buatte nial᷊iuanna; auntunganna nia'omante!”

1 TESALONIKA 1:10

I mangitou uahahatto lai su ola'u ereapa i yamiu mangngantimma darantan Ana'u Ruata wuassu surga, eteudde Mawu Yesus, apan suete niapaawiakku Ruata wuassu papate. Ete Mawu Yesus udde lai apan manal᷊amatta si ite wuassu asasa'un Duata apan sarun rumanta.

2 TESALONIKA 2:1

Su ola'u daranta Mawun kite Yesus Kristus, wuṛṛu su ola'u i ite iammulle iapaatana'a suaddio'a ringanni Tou, ete indi ta'u doronganna si yamiu:

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

TITUS 2:13

Orassa indi i ite tantal᷊anna uaraṛṛaddo Allo apan aantimanni ite udde; su Allo udde runia sarun maasilo awawantugi Yesus Kristus, eteudde Mawu Ahewal᷊anne wuṛṛu Ratun Punnu Sal᷊amatti ite.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 10:10

Yesus Kristus suete tinumuṛṛuta apa apan ipaapulun Ruata wuṛṛu nanantillu watanganne maola'a sassamba. Ringannu sasamba udde, apan niolangnge tumba'u paassa ma'oman sara mal᷊annu-l᷊annu, i ite sarangkanambone niwaresi wuassu rosa.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

IBRANI 7:27

I Tou tawe ere manga imam wahewa waine, apan miallo-miallo ṛinone mangapiddu sasamba ana waugu manga rosane sassane rorone, wua'udde ana waugu rosan walahanna. Mawu Yesus nangapiddu sasamba tumba'u paassa ma'oman sara mal᷊annu-l᷊annu, su tempo i Tou nattingkaola'u wadang-Nge sassane naola'a sambau sasamba.

IBRANI 9:25

Imam wahewan Yahudi suapan tonna sussutta watukku Wabbo'a Lembon Susi sulal᷊ummu Wal᷊e Mawu ringannu uaapiddu ṛaṛṛan sambau winatangnga. Arawe i Kristus tawe sinumutta manantillu watangan-Ne masokka-sokka.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

2 PETRUS 3:12

tantal᷊anna i yamiu uaraṛṛaddo wuṛṛu luṛṛintulu darantan Allon Ruata. Su Allo udde langitta sarun masue matutungnga, wuṛṛu ana waugu sal᷊ihangnge, ne manga sarannapa su langitta sarun monossa.

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

1 YOHANES 3:5

I yamiu masingkatta manungku Kristus nirumanta ana waugu mamappasa manga rosan taumata, wuṛṛu paddarosa tawe sulal᷊ummu watangan-Ne.

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!