IBRANI 9:27 - WUKE SUSI WATTI'U AL᷊AL᷊USASSA

²⁷ Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

IBRANI 9:27 Iomraidhean Croise

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

2 SAMUEL 14:14

I ite sarangkanambone sarun mate; i ite indi naal᷊ihidda ua'e apan nabboso su leta'a wuṛṛu tate iaammulla apia. Ruata lai tawe mapaawiakku taumata apan natete; ana waugu udde ṛinone doronganna i Tuangku maṛṛingida tadea'u taumata niwuangnga udde sarun mapul᷊e apia.

AYUB 14:5

Anambon uukku taumata buatte nitantun-Nu; anambon bul᷊anne I'o buatte nangatokka. I'o buatte nanantunnu lai manga panginsueannu pabbiaṛṛanna; i tou tawe mapalliu udde.

AYUB 19:25

I ya'u masingkatta manungku su surga pia Mananambaa'u; panginsueanne i Tou sarun dumanta mangontolla si ya'u.

AYUB 30:23

I ya'u masingkatta, I'o nangapi'u su runian papate, tampan al᷊awo'u apan biakka niammulla.

DARALO 89:48

Naungewe i ya'u aroddi aaunne wia'u indi, I'o nandiadi taumata sangkatou riadianna apan wotongnge mate.

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

MANNANASE 12:14

Ruta sarun makkuungngu al᷊awo'u inolaanni ite; apan mapia wuṛṛu apan lal᷊eo, ewe'e apan uawuni lai.

MANNANASE 12:7

Waddangngi ite sarun mawelengnga apia, mabbal᷊i awu su runia. Sasangngon pabbiaṛṛanni ite sarun mabbelengnga ringannu Ruata. Ete i Tou apan nangonggolla naola'a al᷊amatta.

MANNANASE 3:2

Ruata nanantunnu tempo ipanungkangnga wuṛṛu tempo mate, tempo massuanna wuṛṛu tempo mangabbutta,

MANNANASE 3:20

I mangitou mattudda watukku tampa apan uasul᷊angnga. I mangitou niola'a wuassu awu wuṛṛu sarun mabbelengnga lai ringangu awu.

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

MANNANASE 9:5

Suapan wotongnge, taumata wiakka masingkatta manungku papate uaṛṛaddo si tou, wuṛṛu taumata nate waggan apa-apa. Si tou tawe baweakke ara'e lal᷊antakke, wuṛṛu aranne tinimbul᷊ianante.

LUKAS 20:32

Panginsueanne wawine udde lai nate.

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

ROMA 5:12

Rosa sinumutta sulal᷊ummu runia wuassu sangkatou taumata, wuṛṛu wuassu rosa udde nilumappute papate. Sombangnge, papate udde nangeṛṛoten anambon taumata, ana waugu sarangkanambone marosate.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

2 TIMOTIUS 4:1

Kristus Yesus sarun rumanta apia su runia indi mamarikissa manga taumata apan wiakka wuṛṛu nate; wuṛṛu i Tou sarun rumanta mamarenta ere sangkatou Ratu. Ana waugu udde i ya'u sumal᷊ande si yamiu su saruannu Ruata wuṛṛu Kristus Yesus;

IBRANI 10:27

Tumba'u sambau apan piate si ite eteudde sumaruanna pamamarikisannu Ruata ringannu putungngu asasa'une apan sarun manutungnga ma'oman sara masue manga taumata apan lullawangnga si Tou!

IBRANI 6:2

ara'e pinangianannu al᷊aṛṛa'a su ola'u pananaṛṛani ara'e mangaddon lima su wowon taumata, ara'e su ola'u mabbiakka apia napawe natete, ara'e ṛuumanna saran mal᷊annu-l᷊annu.

1 YOHANES 4:17

Darangngu niola'a nasuungnga sulal᷊ummu watanganni ite, tadea'u i ite pia awawaṛṛani su Allo Pamamarikisanna. I ite sarun pia awawaṛṛani, ana waugu wiakki ite sulal᷊ummu runia indi ere lai wiakki Kristus.

YUDAS 1:15

ana waugu makkuumannu anambon taumata. Mawu sarun makkuumannu manga taumata lal᷊eo ana waugu manga inolaanni mangitou apan tawe matataṛṛino. Wuṛṛu i Tou sarun makkuumannu taumata marosa wuṛṛu lal᷊eo, ana waugu anambon manga wisarane apan ipangngal᷊uandaga.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.