IBRANI 9:26 - WUKE SUSI WATTI'U AL᷊AL᷊USASSA

²⁶ Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

IBRANI 9:26 Iomraidhean Croise

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

2 SAMUEL 24:10

Arawe napawe i Daud buatte nandeengngu walahanna udde, i tou naapendamma pasasal᷊a, wua'udde i tou nabbisarate Mawu, “Oh Mawu, i ya'u tumaniten marosa! Ampungewe i ya'u, ana waugu inolaangku udde tumaniten longonna.”

AYUB 7:21

Apa I'o tawe mapangampungnga rosa'u? Tawe wotongnge I'o mapamappassa pasasal᷊a'u? Ete addio'a lai i ya'u lumallowangnga su lal᷊abbinganna, ne amungkangngu I'o maddea'a si ya'u, i ya'u tate asombangan-Nu.”

DARALO 103:12

Araune wuassu ra'i maddatingngu waṛṛata, araune udde lai niramme-Ne manga rosan kite.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

DANIEL 10:14

I ya'u nirumanta tadea'u ma'ola'a si'o maasunna apa apan sal᷊immurine mariaddi su walahannu. Sondappa indi su ola'u allo addantane.”

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

MIKHA 4:1

Su manga allo addantane wuidda, tampan Wal᷊en Duata sarun dumarisikka matul᷊idda wuṛṛu u'innuitta matanggakka nangampal᷊iu manga wowone wuṛṛu manga wuidda Anambon walahanna uawawambio inai poiaroddi.

MATIUS 13:39

Seetta apan nangasi'u akke, eteudde Setanna. Tempo mangitingnga eteudde Allong Kiamatta, wuṛṛu manga taumata apan mangitingnga, eteudde manga mala'ekattu Ruata.

MATIUS 13:40

Su ereapa manga akke iammulla wuṛṛu tutungannu putungnga, aroddi lai mariaddi su allom panginsueanne.

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

GALATIA 4:1

Arawe ṛinone ta'u ital᷊a'a ringannu masemakka, tantal᷊anna sangkatou mallol᷊ossa pussa'an iamangnge uukke ta'e mamawo, pia taumata apan ual᷊u'adda si tou wuṛṛu mammadul᷊i si tou ma'oman sara iamangnge wotongnge manantilu pussa'a udde si tou. I tou a'olaanna naola'a ere allangnga salaiwe ṛinone i tou uatahuannu anambon darotongnge udde.

EFESUS 1:10

Manara udde eteudde tadea'u al᷊awo'a, mawae udde su surga ara'e su runia, maola'a sambau ringanni Kristus ere sangkatou tembonanne. Wuṛṛu olangnge udde sarun insueannu Ruata amungkangu nia'omante tempone.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

IBRANI 10:10

Yesus Kristus suete tinumuṛṛuta apa apan ipaapulun Ruata wuṛṛu nanantillu watanganne maola'a sassamba. Ringannu sasamba udde, apan niolangnge tumba'u paassa ma'oman sara mal᷊annu-l᷊annu, i ite sarangkanambone niwaresi wuassu rosa.

IBRANI 10:12

Arawe i Kristus tumba'u nangonggolu sambau sasamba ipanubbusa rosa, wuṛṛu sasamba udde ipappaatta saran mal᷊annu-l᷊annu. Napawe suete nanantillu sasamba udde, i Kristus inuma'ianna su uanannu Ruata wuṛṛu mammarenta suadio'a ringanni Tou.

IBRANI 10:26

Ana waugu amungkangu watti'a apan atonna wuassu Ruata suete niapassingkata si ite, arawe i ite sidutu ma'ola'a rosa ringannu apulu naungnga, ne tate lai sasamba ipamappasa rosang kite.

IBRANI 10:4

ana waugu atonna ṛaṛṛan sapi wuṛṛu ṛaṛṛang kambinga esakka tawe maatubusa rosa.

IBRANI 4:3

Arawe i ite apan mangngimanna manengkamma pangangillol᷊o apan suete nipa'iren Ruata udde. Udde uasul᷊unga ringannu apa apan suete niwal᷊on Ruata, arendi, “I Ya'u nasa'u wuṛṛu nassalu, ‘I mangitou sarun tawe maasutta wuṛṛu maasomba pangillol᷊oanna su sambau ringang-Ku.’ ” Ruata nabbisara aroddi salaiwe manara-Ne nasuete ro'en i Tou nandiadi runia indi.

IBRANI 7:27

I Tou tawe ere manga imam wahewa waine, apan miallo-miallo ṛinone mangapiddu sasamba ana waugu manga rosane sassane rorone, wua'udde ana waugu rosan walahanna. Mawu Yesus nangapiddu sasamba tumba'u paassa ma'oman sara mal᷊annu-l᷊annu, su tempo i Tou nattingkaola'u wadang-Nge sassane naola'a sambau sasamba.

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

1 PETRUS 1:20

Kristus nipilen Duata ro'en runia indi taambe niriaddi. Wuṛṛu su miallo-miallo maddanin panginsueannu tempo indi, Tou nirumanta su runia tadea'u i yamiu iapaasal᷊amatta.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 YOHANES 3:5

I yamiu masingkatta manungku Kristus nirumanta ana waugu mamappasa manga rosan taumata, wuṛṛu paddarosa tawe sulal᷊ummu watangan-Ne.

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.