IBRANI 9:2 - WUKE SUSI WATTI'U AL᷊AL᷊USASSA

² Sambau rasanna niapararisikka, apan wageangnge su saruanne nisaggo Wabbo'a Susi. Isudde pia aianannu sol᷊o, wuṛṛu pia lai medda ringannu roti apan ipasubba Ruata.

IBRANI 9:2 Iomraidhean Croise

SASABANGNGA 25:23

“Pa'ola'e sambau medda wuassu alu akasia al᷊o'engnge 88 sentimetere, al᷊alakke 44 sentimetere, wuṛṛu atanggakke 66 sentimetere.

SASABANGNGA 25:30

Medda udde ṛinone iaddo su saruannu Wantallu Pa'aire, wuṛṛu su wowon medda udde ṛinone sidutu uaraddo roti annananna.”

SASABANGNGA 25:31

“Pa'ola'e leddan sol᷊o wuassu wul᷊awanna tutune. Apampakke wuṛṛu pangagasanne ṛinone olaanna wuassu wul᷊awanna nisassala; manga bunga lal᷊ogakke, nasutta lai lal᷊uwone wuṛṛu sasabangannu wungane ṛinone iṛṛaitta sambau ringannu apampakke wuṛṛu pangagasanne.

SASABANGNGA 26:1

“I Ya'u ola'ete Rasanna wuassu mapul᷊on bau mal᷊aṛṛenessa linen al᷊ussa, iraddu'u wolla ma'elomma, ungu wuṛṛu maṛṛamu. Sujite mal᷊aṛṛenessa udde ringannu hambarannu mala'ekatta.

SASABANGNGA 26:33

Addoa'e mal᷊aṛṛenessa su al᷊ungngu raddagu aaitta su atuppu Rasanna. Su liuddu mal᷊aṛṛenessa udde ṛinone iaddo Wantallu Pa'aire apan lal᷊oṛṛoannu watu darua udde. Mal᷊aṛṛenessa udde uawallata Wabbo'a Susi wuṛṛu Wabbo'a Lembon Susi.

SASABANGNGA 26:35

Meddan sasamba ṛinone iaddo su liuddu Wabbo'a Lembon Susi su wageangngu sawannakka, wuṛṛu leddan sol᷊o su wageangngu timukka sulal᷊ummu Rasanna udde.

SASABANGNGA 29:1

“Ete arendi olangnge i Harun wuṛṛu al᷊aṛṛanangnge nitenega maola'a imam tadea'u i mangitou wotongnge mangimbe si Ya'u. Panganute sambau sapi esakka saṛṛen tumuwo wuṛṛu darua domba esakka apan tawe angngone.

SASABANGNGA 29:35

Lal᷊aghun patatenegi Harun wuṛṛu manga anangnge ṛinone olaanna pitu allo al᷊annune, ere buatte Ta'u nirolokka si yamiu.

SASABANGNGA 40:2

“Pararisiṛṛa'e Rasang-Ku su allo paarorone su wul᷊anna paarorone.

SASABANGNGA 40:4

Addoa'e medda ringannu saranapane. Sutta'e lai leddan sol᷊o wuṛṛu re'omete sol᷊one.

MATIUS 12:4

I tou sinumutta sulal᷊ummu Wal᷊en Duata; see inumanna roti apan suete niola'a sasamba su Ruata. Sumbal᷊i tumuṛṛuttu titan agamang kite, i tou wuṛṛu manga taumatane tawe wotongnge umanna roti udde – tumba'u manga imam udde wotongnge.

MATIUS 5:15

Tawe taumata mande'omma sol᷊o, see sol᷊o udde luuwannu wensada. I tou sarun mangaddon sol᷊o udde su tampane, tadea'u mangagillu asasemakka su al᷊awo'u taumata sulal᷊ummu wal᷊e.

IBRANI 9:25

Imam wahewan Yahudi suapan tonna sussutta watukku Wabbo'a Lembon Susi sulal᷊ummu Wal᷊e Mawu ringannu uaapiddu ṛaṛṛan sambau winatangnga. Arawe i Kristus tawe sinumutta manantillu watangan-Ne masokka-sokka.