IBRANI 8:1 - WUKE SUSI WATTI'U AL᷊AL᷊USASSA

¹ Punnu anambon hatto indi eteudde: I ite uatahuanna Imam Wahewa apan ereudde, apan ua'ianna mammarenta su sambau ringannu Ruata Lembon Ahebal᷊anne su surga.

IBRANI 8:1 Iomraidhean Croise

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

AYUB 37:22

Semakka ere wul᷊awanna nasabbangnga wuassu sawannakka, ne awawantugu Ruata naatiangnga naungngi ite.

DARALO 104:1

Paddalote Mawu, ei ṛimuu'u! Aroddi awantuge I'o, oh Mawu Ruata'u! I'o uapeddettu araṛṛamaga wuṛṛu araṛṛansangnga,

DARALO 110:1

Daralon Daud. Mawu nabbisara si tuangku, “A'iante su samba'a uanang-Ku, ma'oman sara manga seennu Ta'u iapasuṛṛubbawa si'o.”

DARALO 145:12

tadea'u anambon taumata maasingkatta inolaan-Nu wahewalla, see lai araratuan-Nu mawantuga wuṛṛu maṛṛansangnga.

DARALO 21:5

I tou sussal᷊ande wiakka, ne I'o nangonggola si tou, ewe'e lai uukka mal᷊o'engnga saran mal᷊annu-l᷊annu.

YESAYA 24:14

Manga taumata apan nasal᷊amatta sarun mangngantarin lal᷊uassa. Taumata su samba'an waṛṛatta sarun mabbatti'u awawantugu Mawu,

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

MARKUS 16:19

Napawe Mawu Yesus suete nagahatto mangitou, i Tou nasengkengke watukku surga. Poiaroddi i Tou uaparenta su sampunna ringannu Ruata.

EFESUS 6:20

Ana waugu ete Watti'u Al᷊al᷊uassa udde, i ya'u naola'a sangkatou daroloṛṛanna, wuṛṛu orassa indi sulal᷊ummu tuttupanna. Aal᷊iomante tadea'u i ya'u waṛṛani mabbisara su ola'u Watti'u Al᷊al᷊uassa udde, su ereapa i ya'u ṛinone mabbisara.

KOLOSE 3:1

I yamiu suete niapaawiakka apia su sambau ringanni Kristus. Ana waugu udde ṛinone i yamiu mammanara tadea'u maasomba apapia wuassu surga, suapa Kristus uaparenta ringannu Ruata.

IBRANI 1:13

Tawe saran paassa Ruata nabbisara arendi su saran sangkatou mala'ekatta, “Aiana'e su samba'a uanang-Ku, ma'oman sara manga seennu Ta'u iapaasubba Si'o.”

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

IBRANI 10:12

Arawe i Kristus tumba'u nangonggolu sambau sasamba ipanubbusa rosa, wuṛṛu sasamba udde ipappaatta saran mal᷊annu-l᷊annu. Napawe suete nanantillu sasamba udde, i Kristus inuma'ianna su uanannu Ruata wuṛṛu mammarenta suadio'a ringanni Tou.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.