IBRANI 7:2 - WUKE SUSI WATTI'U AL᷊AL᷊USASSA

² Ne i Abraham nangonggola si Melkisedek sambau wuassu mapul᷊o apan niaaṛṛon tou. (Aranna Melkisedek atappasanne, paarorone, “Ratun Atatul᷊idda”; pia atappasanne lai “Ratum Paddarame”.)

IBRANI 7:2 Iomraidhean Croise

PANDARIADDI 28:22

Wuṛṛu i ya'u sarun mangonggolu samban wuassu mapulon kawageanganna su Mawu wuassu al᷊awo'a apan nionggolu Mawu si ya'u. Watu pananaunganna apan ta'u niapaarisikka indi sarun maola'a tampa patataṛṛamawuanna su Mawu.”

2 SAMUEL 23:3

Ruatan Yakub buatte nabbisara; ete si ya'u mallal᷊u'addu Israel nabbisara: “Ratu apan uaparenta tumanangnge ringannu atatul᷊idda apan uapiaṛṛa'a ringannu tatuṛṛutta su Mawu,

2 SAMUEL 8:15

Etearoddi i Daud namarenta ahewallu Israel wuṛṛu uariaga tadea'u tumanangnge sidutu paparentanna ringannu atatul᷊idda wuṛṛu apapia.

1 TAWARIKH 22:9

Salaiwe aroddi, i Tou buatte nangonggolu pa'aire indi si ya'u: ‘I'o sarun maasomba sangkatou ana'a esakka apan sarun mamarenta ringannu mal᷊angnganna, ana waugu i Ya'u sarun mantul᷊ungngi tou ma'oman sara tawe seetta apan mamangalo si tou. I tou sarun isaggo i Salomo ana waugu sutempo i tou uaparenta i Ya'u sarun mangonggolu al᷊al᷊angnganna wuṛṛu atatahul᷊andimma su ahewallu Israel.

DARALO 72:7

Antimanna atatul᷊idda aatambanna su al᷊o'engngu tempo wuṛṛu paa'ala mannambo su al᷊o'engngu ta'e pia bul᷊anna.

IMAMATTA 27:32

Sambau wuassu mapul᷊o winatanga papadul᷊iananna udde tatahuanannu Mawu. Amungkangu winatanga udde ireengnga, suapan sambau winatanga appul᷊one maola'a tatahuanannu Mawu.

REENGANNA 18:21

Unnu Mawu si Harun, “Al᷊aawo'u sasamba sambau wuassu mapul᷊o apan nionggolu taumatan Israel Ta'u ionggola su manga taumatan Lewi. Eteudde wageangngu pussa'an mangitou wawaekku manara mangitou su Rasang-Ku.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

ROMA 3:26

Arawe orassa indi i Tou mammangalo rosa ana mapaal᷊iatta'u atatul᷊idda. Ringannu olangnge aroddi i Tou mapaal᷊iatta'a manungku watangan-Ne tawe bahiane; wuṛṛu anambon taumata mangngimanna Mawu Yesus, nareengnga taumata apan naaukke apia ringannu Ruata.

IBRANI 7:1

I Melkisedek indi eteudde sangkatou ratu wuassu Salem wuṛṛu imam wuassu Ruata Lembon Atanggaṛṛanne. Su tempo i Abraham nawelengnga wuassu pangalo nalluṛṛugu manga ratu, i Melkisedek nirumanta nanal᷊oho si tou wuṛṛu nangal᷊amatta.

IBRANI 7:3

Su ola'i Melkisedek indi tawe tal᷊aane suapa-suapa manungku i tou pia hagurangnga ara'e iupungnga; tawe lai tal᷊aane su ola'u niasungkanganne ara'e papatene. I tou nassul᷊unga ere Ana'u Ruata; i tou udde imam saran mal᷊annu-l᷊annu.

1 SAMUEL 8:15

Wawail᷊anna wuṛṛu waillu anggore sarun aṛṛiaannu wose sepeṛṛe mapul᷊o wuassu wuane, ana see sarun ionggolli tou su manga piaṛṛangnge, wuṛṛu su manga mamanaran araratuanne.

1 SAMUEL 8:17

Sepeṛṛe mapul᷊o wuassu anambon ambingnga dombanu sarun anuanni tou. Wuṛṛu i yamiu lai sarun maola'a allangnge.