IBRANI 7:10 - WUKE SUSI WATTI'U AL᷊AL᷊USASSA

¹⁰ Salaiwe i Lewi taambe niasungkanga, arawe wotongnge iwisara i tou sulal᷊umpen badangngi Abraham iupungnga al᷊amonane, su tempo i Melkisedek nassomban Abraham.

IBRANI 7:10 Iomraidhean Croise

PANDARIADDI 35:11

Ana see Ruata nabbisara apia, “Ete i Ya'u Ruata Lembontaṛṛino. I'o pabbalage ringannu manambo-nambo! I'o sarun manossokku manga balahanna wuṛṛu maola'a iamangngu al᷊amona manga ratu.

PANDARIADDI 46:26

Papapulunni Yakub apan nabatukku Mesir sarangkanambone annumu pul᷊o annumma su atoune, tawe nasutta manga mananambone.

1 MARARATU 8:19

Arawe, wal᷊ine i'o, ewe'e ete anangngu apan ma'ola'a wal᷊e-U udde.’

IBRANI 5:6

Su wageangnge waine Ruata nabbisara lai, “I'o uddewe Imam sara mal᷊annu-l᷊annu, naal᷊ihida Imam Melkisedek.”

IBRANI 7:11

Su al᷊ungngu piaṛṛa'u manga Imam Lewi, titan agama Yahudi nionggolla su taumatan Israel. Ana waugu manga Imam Lewi dorone udde tawe maaola'a ringannu masuungnga apa apan mammanaranne, ne ṛinone pia imam baine, eteudde apan ere Imam Melkisedek, wuṛṛu wal᷊ine lai wuassu wageangngu Imam Harun!

IBRANI 7:5

Sulal᷊ummu titan agama Yahudi tinantuna manungku manga imam papapulunni Lewi ṛinone manganu sambau wuassu mapul᷊o addapatu taumatan Israel, eteudde manga tuṛṛangi mangitou sassane, salaiwe i mangitou suadio'a papapulunni Abraham.

IBRANI 7:9

Wotongnge iwisara, manungku i Lewi – apan papapulunne nanengkamma sambau wuassu mapul᷊o asombangu walahannu Israel – namaekka lai wageangnge udde si i Abraham, su tempo Abraham namaekka si Melkisedek.