IBRANI 7:1 - WUKE SUSI WATTI'U AL᷊AL᷊USASSA

¹ I Melkisedek indi eteudde sangkatou ratu wuassu Salem wuṛṛu imam wuassu Ruata Lembon Atanggaṛṛanne. Su tempo i Abraham nawelengnga wuassu pangalo nalluṛṛugu manga ratu, i Melkisedek nirumanta nanal᷊oho si tou wuṛṛu nangal᷊amatta.

IBRANI 7:1 Iomraidhean Croise

DARALO 57:2

Akkanaawe i ya'u, oh Ruata, akkanaawe i ya'u, ana waugu ete Si'o i ya'u uatillumma. Sulal᷊ummu al᷊ungngu papaiddu Mawu i ya'u uaimbuni, na'oman sara tandi'a mabbal᷊i mal᷊enakka.

DARALO 76:2

Ruata tinumelengnga su Yehuda; aran-Ne niasingkatanna su Israel.

DARALO 78:35

I mangitou naanaungnga manungku Ruata mallal᷊u'addi mangitou, wuṛṛu manungku Apan Atanggaṛṛanne mananal᷊amatti mangitou.

DARALO 78:56

Arawe i mangitou nilumawanga wuṛṛu nanal᷊u'atta Ruata Apan Atanggaṛṛane manga parenta-Ne tawe daringiṛṛanni mangitou.

DANIEL 4:2

I ya'u mappulu mabbatti'u ola'u al᷊aṛṛindu'a wuṛṛu tiala maatiangnga apan buatte niola'u Ruata Apan atanggaṛṛanne si ya'u.

DANIEL 5:18

Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.

DANIEL 5:21

I tou nilimbuaṛṛanna wuassu ammul᷊annu tumana'u soa wuṛṛu ṛingiranne naola'a ere ṛingirannu winatangnga. I tou mabbiakka ringannu keledain ahuranganna, u'anna nannal᷊o ere sapi wuṛṛu mattiilla su wadda'a na'oman sara maṛṛolo angngukka. Panginsueanne i tou nanga'u manungku Ruata Apan Atanggaṛṛanne uataṛṛino araratuannu taumata wuṛṛu araratuanna udde nionggollu Mawu sisai-sai apan nipile-Ne.

MIKHA 6:6

Apate apan sarun ionggolli ite su Mawu, Ruata su surga, napawe i ite rumanta mattaṛṛamawu si Tou? Ṛinone i ite mangapiddu sapi saṛṛentumuwo apan apianne maola'a sasamba itattambunna ionggolla si Tou?

MARKUS 5:7

Ringannu tingikka apan ma'ikkatta i tou inumui, “Yesus, Ana'u Ruata Apan Atanggaṛṛanne! Sarun urannu i ya'u indi? Ringannu arannu Ruata i ya'u sumal᷊ande, arie panansara si ya'u!” (

WATTI'U MANGA RASUL 16:17

Wawine udde sidutu uatantalongnga si Paulus wuṛṛu si yami lapiddu u'al᷊iata, “Manga taumata indi allangngu Ruata apan ahewal᷊anne! I mangitou nirumanta mapa'asingkatta su manga tuṛṛangnga ereapa lal᷊anne i yamiu masal᷊amatta!”

IBRANI 6:20

Mawu Yesus suete namu'a lal᷊anna watukku tampa udde si ite, wuṛṛu suete sinumutta poiaroddi naola'a Imam Bahewang kite sara mal᷊annu-l᷊annu, ere Imam Malkisedek.

IBRANI 7:2

Ne i Abraham nangonggola si Melkisedek sambau wuassu mapul᷊o apan niaaṛṛon tou. (Aranna Melkisedek atappasanne, paarorone, “Ratun Atatul᷊idda”; pia atappasanne lai “Ratum Paddarame”.)

IBRANI 7:3

Su ola'i Melkisedek indi tawe tal᷊aane suapa-suapa manungku i tou pia hagurangnga ara'e iupungnga; tawe lai tal᷊aane su ola'u niasungkanganne ara'e papatene. I tou nassul᷊unga ere Ana'u Ruata; i tou udde imam saran mal᷊annu-l᷊annu.

IBRANI 7:6

I Melkisedek wal᷊inewe papapulunni Lewi, arawe i tou nanengkamma lai sambau wuassu mapul᷊o asombangi Abraham, wuṛṛu nangal᷊amatta lai si Abraham apan suete lai nanengkamma manga pa'airen Ruata.