IBRANI 6:12 - WUKE SUSI WATTI'U AL᷊AL᷊USASSA

¹² I yami maddiri yamiu mabbal᷊i wolo'a. Arawe i yami maapulu tadea'u i yamiu mabbiakka ere manga taumata apan mannengkama apa apan suete pina'iren Ruata, ana waugu mangngimanna si Tou wuṛṛu ana waugu uaraṛṛaddo ringannu asasabare.

IBRANI 6:12 Iomraidhean Croise

AMSAL 12:24

Araṛṛimadda maaola'a taumata pia taṛṛinone; amamalassa mammata'u taumata maola'a allangnga.

AMSAL 13:4

Iapa malassa apulune manambo arawe saran sambau tawe naompaanne; taumata apan mammanara maṛṛimadda maasomba sarangkanambone apan ipaapulune.

AMSAL 15:19

Arawe taumata malassa sidutu mammendamma asasusa; taumata matul᷊idda tawe maasomba hal᷊ahe.

AMSAL 18:9

Taumata apan tawe manginsue manarane al᷊eone nassul᷊ungngu taumata apan apulune manggohakka.

AMSAL 2:20

Ana waugu udde, ana'u, pangaṛṛusse tul᷊addan taumata mapia, wuṛṛu pabbiakke ere su apulun Duata.

AMSAL 26:14

Naal᷊ihidda ngara tuttiri su hensellene, aroddi iapa malassa u'awilingnga su tattereanne.

AMSAL 28:10

Isai massal᷊o'u taumata matul᷊idda tadea'u ma'ola'a al᷊al᷊eo, i tou sassane manawo sulal᷊ummu sedda. Taumata apan naungnge waresi sarun al᷊amatanna ma'oman sara su lal᷊umanna'a.

ANTARI MAWANTUGA 1:8

Ṛatadde i'o waggan tampane, ei i'o aṛṛamahanne suwallattu wawine? Pallaṛṛenggente lanna'u amatannu amul᷊annu domba wuṛṛu lu'arete manga ambingu maranin paddasanannu manga mallal᷊u'adda.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

MATIUS 25:26

‘I'o mangangimbe apan lal᷊eo wuṛṛu malassa!’ unnu mawune udde. ‘Wal᷊inewe i'o masingkatte manungku i ya'u mangngitingnga su tampa i ya'u tawe massuanna, wuṛṛu mammurutta su tampa i ya'u tawe mangasi'u wualanna?

LUKAS 16:22

Taumata asiangnga udde see natete wuṛṛu niapiddu mala'ekatta watukku tampa awantuhanne su sandiṛṛanni Abraham su surga. Taumata ala udde nate lai wuṛṛu see nilabingnga.

LUKAS 8:15

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

ROMA 12:11

Pammanarate ringannu maṛṛimadda. Arie mangkete wolo'a. Pammanara su Mawu ringannu atatohassa wuassu Ghaṛṛahon Ruata.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

ROMA 4:12

Abraham lai iamangngu manga taumata mangngimanna apan tuttuṛṛutta atorannu sunatta. I tou lai iamangngu manga taumata mangngimanna wal᷊ine tumba'u ana waugu i mangitou tuttuṛṛutta atorannu sunatta, arawe i mangitou lai apan mabbiakka ringannu mangngimanna Ruata, ere lai Abraham su tempo i tou taambe tinumuṛṛutta atorannu sunatta.

2 TESALONIKA 1:4

Ana waugu udde anio i yamiu uahahatto su ola'i yamiu suapan i yami mattembo manga jamaattu Ruata. Ringannu mal᷊uassa i yami mabatti'a ereapa i yamiu siddutu mangngimanna si Kristus sulal᷊ummu pananansara wuṛṛu asasusa apan niapendamanni yamiu.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 10:36

I yamiu ṛinone masabare, tadea'u i yamiu wotongnge mapa'ola'a apulun Ruata wuṛṛu ringannu aroddi yamiu manengkamma apa apan suete nipa'iren Tou.

IBRANI 11:33

Ana waugu mangngimanna, ne i mangitou suete napaarugi manga araratuanna. I mangitou ma'ola'a apa apan su ṛinone, na'oman sara naasengkamma apa apan suete pina'iren Ruata. I mangitou nanggattumu manga moṛṛongu singa,

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.

IBRANI 5:11

Su ola'u a'iannu Mawu Yesus ere sangkatou Imam Bahewa, manambo apan iapaasingkati yami si yamiu, arawe masahadda manal᷊a'an udde, ana waugu i yamiu mal᷊iwue atonna massunna.

IBRANI 6:15

Abraham uaṛṛado ringannu sabare, ne i tou nanengkamma apa apan pina'iren Ruata si tou.

YAKOBUS 1:3

Ana waugu i yamiu masingkatta, manungku amungkangu i yamiu siddutu mangngimanna Mawu su tempo wabbono'anna, asombange eteudde: i yamiu maola'a masabare.

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

1 YOHANES 2:25

Wuṛṛu ete indi apan pina'iren Kristus sassane si ite: wiakka tutune wuṛṛu saran mal᷊annu-l᷊annu.

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”