IBRANI 6:10 - WUKE SUSI WATTI'U AL᷊AL᷊USASSA

¹⁰ Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

IBRANI 6:10 Iomraidhean Croise

NEHEMIA 13:22

Wua'udde manga taumatan Lewi ta'u nirolokka mapaamattu lal᷊aghun pamamaresi watanganne wuṛṛu mandiagga manga ngara wahewalla ipallu'adda tadea'u manga taumata mangaddatta allon Sabat. I ya'u niumal᷊iomanna, “Oh Ruata, naungewe i ya'u ana waugu olangnge udde lai, wuṛṛu akkanaawe i ya'u uasul᷊ungngu ringannu darangngu-Nu apan wahewalla.”

NEHEMIA 13:31

Ta'u niatokka lai tadea'u su manga tempo buatte nitantunna, alu anutungnga hunan sasamba itattambunna wotongnge saddianna wuṛṛu tumana'a wotongnge mangapiddu sasamba hessin pangitinganna apan paarorone. Panginsueanne i ya'u niumal᷊iomanna, “Ruata'u, naungetewe sarangkanambone indi wuṛṛu al᷊amatewe i ya'u.”

NEHEMIA 5:19

I ya'u sumal᷊ande oh Ruata, naungete sarangkanambone apan buatte ta'u niola'a su walahanna indi wuṛṛu al᷊amatewe i ya'u.

DARALO 20:3

Antimanna i Tou nangonggollu sasumbala wuassu Wal᷊en-Ne, wuṛṛu mangonggolu aontola wuassu Wuiddu Sion.

SASABANGNGA 1:20

Ne Ruata nangal᷊amatta manga biangnga udde wuṛṛu nangonggolu papapulunna sitarua, ana waugu itarua mangngaddata Ruata. Wuṛṛu taumatan Israel aatambanna anambone wuṛṛu matohassa.

AMSAL 14:31

Isai ma'ola'a mapia su taumata asiangnga, i tou mangngaddata Ruatane; isai mangngallangnga taumata lome, mallobbossa Mandariaddine.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

MANNANASE 11:1

Addoa'e roinnu salal᷊ummu manara su wanua waine. I'o sarun maasomba auntunganna su allo sal᷊immurine.

YEREMIA 18:20

Wotongngewe apapia wal᷊isannu al᷊al᷊eo? Arawe i mangitou buatte naal᷊i loṛṛangnga tadea'u i ya'u mawontolla sulal᷊umme. Naungete manungku i ya'u buatte nanamba'a si mangitou su saruan-Nu, tadea'u I'o tawe masa'u si mangitou.

YEREMIA 31:16

Illol᷊oa'e lal᷊uainu wuṛṛu peddate allo matanu! Sahaddu sarun pia lal᷊antakke su al᷊aṛṛanangngu. Si'o sarun pia bawal᷊inne, manga anangngu sarun mapul᷊e wuassu wanuan seetta.

MATIUS 10:42

Isai-sai mappa'inumma, salaiwe tumba'u ua'e tallangnga, su sangkatou su wallattu manga taumata asiangnga indi, ana waugu i tou mallal᷊aṛṛenggeng-Ku, pangimanna i tou sarun manengkamma lal᷊antakke!”

MATIUS 20:7

Manga taumata udde sinumimbakka, ‘Tawe taumata mapamanarang kami.’ ‘Amungkangngu aroddi,’ unnu tatahuannu wailla udde, ‘roote i yamiu pammanara su waillu anggore'u.’

MATIUS 25:17

Aroddi lai mangangimbe apan nanengkamma rua ṛiwu roitta wul᷊awanna udde, naasomba auntunganne lai rua ṛiwu.

MARKUS 9:41

Paanaunge! Taumata apan mappa'inummi yamiu, ana waugu yamiu mallal᷊aṛṛenggennu Ratum Punnu Sal᷊amatta, i tou sarun manengkamma lal᷊antakke.”

YOHANES 13:20

Mangke atonna wisara-U indi: Isai manarimmattu taumata Ta'u nirolokka, mannarimma-U lai. Wuṛṛu isai mannarimma-U, i tou lai manarimmatti Tou apan nandolo-U.”

WATTI'U MANGA RASUL 10:31

I tou nabbisara, ‘Kornelius! Ruata suete nadaringikka aal᷊iomannu wuṛṛu uanaungnga sasaṛṛionto'u naungngu.

WATTI'U MANGA RASUL 10:4

I Kornelius nanutuda mala'ekatta udde ringannu atata'utta see nabbisara, “Pia apa Mawu?” Mala'ekatta udde sinumimbakka, “Aal᷊iomannu wuṛṛu asasaṛṛionto'u naungngu sinengkampen Ruata wuṛṛu Ruata mannaungnga si'o.

WATTI'U MANGA RASUL 11:29

Ne anambo mallal᷊aṛṛenggennu Mawu Yesus na'ire mapaapiddu sumbala su manga tuṛṛangnge apan uatana'a su Yudea, sangkatou-sangkatou nangonggolla tumuṛṛuttu asombangnge.

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

2 KORINTUS 9:1

Ṛinone i ya'u lai lasa'e mamoṛṛettu suratta si yamiu su ola'u sasumbala apan tantal᷊anna niroho su walahannu Ruata su Yudea.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

IBRANI 10:32

Naungete ereapa ola'u manga tuṛṛanga su tempo nal᷊iu. Su tempo udde, napawe semakku Ruata nilumansiangnga si'o, i yamiu anamboanne uatataṛṛanga, arawe i yamiu sidutu mammanara ringannu maṛṛimada.

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.