IBRANI 3:9 - WUKE SUSI WATTI'U AL᷊AL᷊USASSA

⁹ ‘Poiaroddi iupungngu al᷊amonanu namono'a si Ya'u, wuṛṛu nanalu'atta si Ya'u,’ unnu Ruata, ‘sumbal᷊i i mangitou naasilote inolaang-Ku appatu pul᷊o su tonnane al᷊annune.’

IBRANI 3:9 Iomraidhean Croise

DARALO 95:9

Poiaroddi i mangitou mannal᷊u'atta si Ya'u, salaiwe naasilote inolaang-Ku.

SASABANGNGA 19:4

“I yamiu naasilote apa apan buatte Ta'u niola'a su saruannu taumatan Mesir, wuṛṛu ereapa i Ya'u nangapiddi yamiu ringang-Ku su tampa indi ringannu taṛṛino wahewalla, naal᷊ihidda manu'a rajawali nangapiddu anangnge su wowon papaidde.

SASABANGNGA 20:22

Mawu namarenta si Musa iapaiwal᷊o su walahannu Israel, “I yamiu naasilote ereapa i Ya'u, Mawu, nabbisara si yamiu wuassu langitta.

AMOS 2:10

I yamiu buatte Ta'u niapidda sinumbangnga wuassu Mesir, wuṛṛu Ta'u niehetta niumamattu wadda'u anne appattu pul᷊o su tonane al᷊annune. Leta'u taumatan Amori buatte Ta'u nionggolla si yamiu maola'a wanuanu sassane.

REENGANNA 14:33

Appatu pul᷊o su tonnane al᷊annune al᷊aṛṛanangngu sarun lumallele su wadda'a. Ana waugu i yamiu mal᷊awangnga, al᷊aṛṛanangngu udde sarun matataṛṛangnga, ma'oman sara taumata panginsueanne su wallati yamiu lai nate.

LUKAS 7:22

Nariaddi Mawu Yesus sinumimbakka, “Pabelengke ringanni Yohanes wuṛṛu wal᷊oa'a apa apan suete niaringiṛṛanna wuṛṛu niasiloanni yamiu: taumata wuta naasilo, taumata lome inumamatta, taumata radangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapaasingkatta su taumata asiangnga.

WATTI'U MANGA RASUL 13:8

Arawe i Barnabas wuṛṛu i Saulus siningaddi Elimas taṛṛa wal᷊iimmata udde, ana waugu i Elimas (eteudde aranne sulal᷊ummu wisaran Yunani) maddea'a tadea'u gubernure udde tawe mangngimanna Mawu Yesus.

WATTI'U MANGA RASUL 7:36

Ete i Musa udde apan namiaṛṛa'u walahannu Israel sinumabangnga wuassu Mesir ringannu na'ola'a al᷊aṛṛindu'a wuṛṛu inolaanna apan wahewalla su Mesir, su Tahal᷊oangnga Maṛṛamu wuṛṛu su wadda'a, appatu pul᷊o su tonnane al᷊annune.

TAHIUL᷊E 11:7

Ore, ete i yamiu apan ringannu mata wuṛṛu puanu sasane buatte naasilo anambon al᷊aṛṛindu'a apan niola'u Mawu.”

TAHIUL᷊E 29:2

I Musa nandolokku anambon taumatan Israel niapaammula, ana see nabbisara si mangitou, “I yamiu naasilote sassane inolaannu Mawu su saruannu ratun Mesir, manga mammamanarane wuṛṛu ahewallu wanuane.

TAHIUL᷊E 4:3

I yamiu naasilo sassane sarangkanambone apan niola'u Mawu Ruatanu su Wowon Peor. Suapan taumata apan massubba Baal su tampa udde sarun pateannu Mawu,

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

TAHIUL᷊E 8:4

Su al᷊annune appatu pul᷊o su tonnane indi laungngu tawe naliesa'a wuṛṛu leddanu tawe hinumanne.

YOSUA 23:3

I yamiu nasilote al᷊awo'a apan niola'u Mawu Ruatanu su saruannu anambon walahanna isindi ana waugu i yamiu. Apan nangesakki yamiu, eteudde tumba'u Mawu Ruatanu sassane.

YOSUA 24:7

i mangitou sinumal᷊ande si Ya'u naiontolla. Ne tampa su wallati mangitou wuṛṛu manga taumatan Mesir udde Ta'u niola'a nabbal᷊i marandumma, wuṛṛu taumatan Mesir Ta'u nioopannu ua'en tahal᷊oangnga na'oman sara i mangitou sarangkanambone nal᷊ammissa. I yamiu naasingkatte al᷊awo'u inolaang-Ku su Mesir. Mal᷊annu atonna i yamiu uatana'a su wadda'u anne.