IBRANI 3:6 - WUKE SUSI WATTI'U AL᷊AL᷊USASSA

⁶ Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

IBRANI 3:6 Iomraidhean Croise

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

YEHEZKIEL 46:10

Tembonanne ṛinone sumutta su Wal᷊e Mawu suadio'a ringannu tumanangnge wuṛṛu mapul᷊e lai ṛinone suadio'a lai.

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

MATIUS 24:13

Arawe taumata apan matataṛṛangnga saran pangudusanne, sarun masal᷊amatta.

ROMA 11:22

Nariaddi isindi i ite naasilo aroddi apiane Ruata wuṛṛu aroddi aattike lai i Tou. I Tou maṛṛagissa su saruanni mangitou apan marosa, arawe naungngi Tou masaṛṛionto'a si'o – sambal᷊iate i'o sidutu mabbiakka wuassu darangngu-Ne. Amungkangngu tawe, i'o lai sarun iramme.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

ROMA 5:2

Ana waugu i ite mangngimanna Mawu Yesus, ne namalang kite mamendamma darangngun Duata, wuṛṛu ringannu darangngu udde, i ite lulluassa ana waugu i ite pia antimma manungku i ite sarun maapendamma al᷊al᷊uassa apan ionggolu Ruata!

1 KORINTUS 3:16

Masingkatawe tuṛṛangnga manungku eteudde i yamiu Wal᷊en Duata? Wuṛṛu manungku Ghaṛṛahon Duata uatana'a sulal᷊ummi yamiu?

1 KORINTUS 6:19

I yamiu ṛinone masingkata manungku eteudde wadangngu atatanaannu Ghaṛṛahon Duata. Ghaṛṛaho udde uatana'a sulal᷊ummi yamiu. Wuṛṛu Ghaṛṛahon Duata sassane apan nangonggolu Ghaṛṛaho udde si yamiu. Wadangngu wal᷊inewe pussaanu. Udde pussa'an Duata.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

EFESUS 3:12

Ringannu mangngimanna si Kristus wuṛṛu ana waugu uaaukka ringanni Tou, i ite niwala wotongnge mangundanin Duata ringannu napenen pangangimanna.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

1 TESALONIKA 5:16

Ṛinone i yamiu sidutu lulluassa,

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

IBRANI 10:19

Ne, Manga tuṛṛangnga, ana waugu papate Mawu Yesus udde i ite orassa indi waṛṛani sumutta su Wabbo'a Lembon Susi.

IBRANI 10:21

Wuṛṛu i ite orassa indi uatahuanna sangkatou imam bahewalla, apan uariagga Wal᷊e Ruata.

IBRANI 10:23

Ṛinone i ite uaagasa atonna su antima apan pangimananni ite, ana waugu Ruata wotongnge apangimananna wuṛṛu i Tou sarun manuungngu pa'aire-Ne.

IBRANI 10:35

Ana waugu udde, arie naungnga maadio'a, ana waugu amungkangu i yamiu sidutu mangngimanna, ne pia lal᷊antakke apan bahewalla su inolaannu udde!

IBRANI 11:1

Pangangimanna eteudde mangngimanna atonna-tonna su manga apa apan a'antimanna, atappasanne pia pangangantima su apa apan tawe asiloanna.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

IBRANI 4:11

Ana waugu udde, wette i ite maddea'a ringannu atonna-tonna ana see maasengkamma allom pangangillol᷊oanna apan suete nipa'iren Ruata udde. Arie pia sangkatou wuassi ite tawe maasomba ere i mangitou rorone, ana waugu tawe mangngimanna Ruata.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

IBRANI 6:11

I yami ma'apulu taasul᷊unge tadea'u i yamiu sangkatou-sangkatou maṛṛimadda saran panginsueanne, ma'oman sara i yamiu manengkamma apa apan a'antimanni yamiu udde.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

IBRANI 7:19

Titan agama Yahudi tawe maaola'a sambau inolaanna apan masuungnga. Ana waugu udde i ite orassa indi nionggol᷊annu pangangantima lembon apianne; ringannu aroddi i ite wotongnge mangundanin Ruata.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?

SONDAPPA 2:18

“Su mala'ekattu jamaatta su Tiatira, woṛṛetta'a arendi: Ete indi tanata wuassu Ana'u Ruata, apan mata-Ne lukkenggama naal᷊ihida putungnga, wuṛṛu ledda-Ne lukkena naal᷊ihidda witu'a nitambuna.

SONDAPPA 2:25

Arawe ma'oman sara i Ya'u rumanta apia, ṛinone i yamiu sidutu tuttuṛṛuta apa apan suete niatahuananni yamiu.

SONDAPPA 2:26

I mangitou apan naauntunga, wuṛṛu saran pangudusanne ma'ola'a apa ipaapulu-U, sarun Ta'u onggol᷊annu taṛṛino apan uasul᷊ungnga ere Ta'u sinengkama wuassu Iamang-Ku. I mangitou sarun manengkama taṛṛino wuassia-U ipamarenta manga walahanna ringannu ta'inna atta'a, wuṛṛu ipakkimunsa'a manga walahanna udde ere urinna leta'a.

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.