IBRANI 3:5 - WUKE SUSI WATTI'U AL᷊AL᷊USASSA

⁵ I Musa matuṛṛuta ere sangkatou mangangaṛṛa'a su Wal᷊e Mawu wuṛṛu mabatti'u manga inolaanna apan sarun iapaasingkatu Ruata su tempo apan sarun rumanta.

IBRANI 3:5 Iomraidhean Croise

NEHEMIA 9:14

Allon Sabat apan na'ukkassa ṛinone ilaghu mangitou, wuṛṛu wuassi Musa Tita-Nu I'o nangonggolla.

DARALO 105:26

Ana see i Tou nandolokki Musa allang-Nge wuṛṛu i Harun taumata nipile-Ne.

SASABANGNGA 14:31

Napawe taumatan Israel naasilo ereapa Mawu ringannu taṛṛino-Ne apan bahewalla naparugin taumata Mesir, i mangitou tinumiangnga na'oman sara mangngimante si Tou wuṛṛu si Musa, allang-Nge udde.

SASABANGNGA 40:16

I Musa tinumuṛṛutta sarangkanambone ere buatte niparentan Mawu.

REENGANNA 12:7

Arawe tawe aroddi su allang-Ku i Musa. Ete i tou taumata apan atuṛṛutanne su wallatu al᷊aṛṛana-U.

MATIUS 24:45

Mawu Yesus nabbisara apia, “Amungkangngu aroddi, mangangimbe suapane apan matuṛṛutta wuṛṛu pande? Ete i tou sarun itenegu mawune maola'a tembonannu manga mangangimbe waine, tadea'u i tou mangagillu anna si mangitou su tempone.

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

WATTI'U MANGA RASUL 28:23

Ne i mangitou wuṛṛu i Paulus nanantunnu sambau allo pasasombanna. Su allo udde manambo taumata nirumanta su tampa atatanaanni Paulus. Wuassu rua'allo madatingngu bawallo i Paulus mannal᷊a'a wuṛṛu mabatti'a si mangitou watti'a su ola'u ereapa Ruata mamarenta ere sangkatou Ratu. Ringanni nappaattu manga tatialane sulal᷊ummu Wuke Musa wuṛṛu Wuke Manga Nabi, i Paulus mangke maddea'a tadea'u i mangitou mangngimanna Mawu Yesus.

WATTI'U MANGA RASUL 7:37

Ete i tou lai Musa apan nabbisara su walahannu Israel, ‘Ruata sarun mangonggolla si yamiu sangkatou nabi apan nipile wuassu wallatti yamiu sassane, ere lai i Tou namile si ya'u.’

ROMA 3:21

Arawe orassa indi Ruata buatte namantingiddu lal᷊anne ereapa taumata maaukka ringanni Tou; wuṛṛu lal᷊anne udde tawe sul᷊ungnge ringannu titan agama Yahudi. Manga Wuken Musa wuṛṛu Wuken Manga Nabi mabal᷊o lai olangnge udde,

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

TAHIUL᷊E 34:5

Ana see i Musa natete allangngu Mawu udde su leta'u Moab, ere buatte niwisaran Mawu paarorone.

1 TIMOTIUS 1:12

I ya'u maadiangkamanna si Kristus Yesus Mawun kite. I Tou suete nangonggolu atatohassa si'u ipangimbe si Tou, wuṛṛu i Tou mammendama manungku i ya'u wotongnge su manara udde,

IBRANI 1:1

Su tempo rorone Ruata masokka uahahatton iupungngi ite sulal᷊ummu manga nabine ringannu mappaattu anambon dal᷊anna.

IBRANI 3:2

I Tou matuṛṛuta Ruata apan suete namile si Tou su manara udde, ere lai Musa rorone matuṛṛuta mappaamattu manarane su Wal᷊en Ruata.

IBRANI 3:4

Atonna al᷊awo'u wal᷊e piaddu mapararisikke, arawe namangunna sarangkanambone eteudde Ruata sassane.

IBRANI 8:5

Manara apan a'olaanni mangitou ere sangkatou imam udde, tumba'u sambau hambaranna ara'e lintau wuassu apa apan su surga. Udde suete niapaasingkatu Ruata si Musa rorone, su tempo i Musa ma'apulu mapararisikku Rasannu Mawu. Ruata nabbisara arendi si Musa, “Naunge! Sarangkanambone udde ṛinone olaannu tumuṛṛuttu tul᷊adane apan niapaasilo si'o raso su wowone.”

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

YOSUA 1:15

I yamiu ṛinone mantulungngi mangitou ma'oman sara i mangitou maawanua su leta'a su samba'an waṛṛata Sal᷊ukku Yordan indi apan nionngolu Mawu Ruatanu si mangitou. Napawe Mawu buatte nangonggolu atatammudda su anambon balahannu Israel, wakkute udde i yamiu wotongngete mabelengnga su letangngu sassane su samba'an da'in Yordan indi, apan nionggoli Musa allangu Mawu udde si yamiu.”

YOSUA 1:2

Mawu nabbisara, “Allang-Ku i Musa natete. Ne orassa indi mappianne i'o wuṛṛu anambon ṛuangannu Israel pandiahite inai tumumbe Sal᷊ukku Yordan, wuṛṛu sumutta su leta'a apan Ta'u ionggola si yamiu.

YOSUA 1:7

Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.

YOSUA 8:31

Meddan sasamba udde niolange uasul᷊ungu manga tatantiro sulal᷊ummu Wuke Musa, allangu Mawu udde, su manga taumatan Israel: “Sambau meddan sasamba wuassu manga watu apan taambe saran paassa nimmanara manga pakakassa wuassu atta'a.” Su wowon meddan sasamba udde taumatan Israel nangonggola su Mawu: sasamba itattambuna wuṛṛu lai sasamban paddarame mangitou.

YOSUA 8:33

Manga taumatan Israel, wuṛṛu manga piaṛṛange, manga tembonannu tantara, manga mallaṛṛuunga, wuṛṛu lai manga taumata raho apan uatana'a ringanni mangitou, uarisikka uatangnga Wantallu Pa'aire Mawu uasaruanna manga imam Lewi apan uapasanna Wantallu Pa'aire udde. Sambageanganna wuassu manga taumata udde uasaruanna watukku Wowon Gerizim, wuṛṛu sambageanganna lai uasaruanna watukku Wowon Ebal. I Musa, allangu Mawu udde buatte namarenta tadea'u i mangitou ma'ola'a olange udde napawe nia'omante tempone i mangitou manengkama al᷊amatta apan pina'ire Mawu.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!