IBRANI 3:16 - WUKE SUSI WATTI'U AL᷊AL᷊USASSA

¹⁶ Ne, isai manga taumata apan madaringikka tingikku Ruata see nilumawangnga si Tou? Eteudde anambon taumata apan nipiaṛṛa'i Musa sinumabanga wuassu leta'u Mesir, are?

IBRANI 3:16 Iomraidhean Croise

DARALO 78:17

Arawe i mangitou sidutu ma'ola'a rosa su saruannu Ruata, su wadda'a i mangitou mammangalo su saruannu Apan Atanggaṛṛane.

DARALO 78:40

Aroddi asokkane i mangitou lumawangnga si Tou, wuṛṛu manaddu'a naung-Nge sutempo su wadda'a.

YEREMIA 32:29

wuṛṛu manoṛṛobba na'oman sara masue suadio'a ringannu manga wal᷊en manga taumata ma'asabbangngu asasa'u-U, ana waugu su wowon atuppu manga wal᷊en udde i mangitou mannambunnu amania si Baal wuṛṛu mallal᷊innu ua'e anggore ipassubba manga monganna.

YEREMIA 44:3

Olangnge udde nariaddi ana waugu tumanangnge marosa, na'oman sara i Ya'u nasa'u. I mangitou mangngonggollu sasamba wuṛṛu mattaṛṛamawu su manga monganna apan taambe saran paassa sassubbanni mangitou sassane, i yamiu ara'e al᷊amonanu.

YEREMIA 44:8

Anio i yamiu ma'ola'a manga inolaanna apan maasa'u si Ya'u? I yamiu nirumanta wuṛṛu natana'a su Mesir, wanua apan awaganannu udde, wua'udde i yamiu nassubbate pa'al᷊uanna wuṛṛu nangonggollu sasamba su manga mongannu wanua udde! Apa i yamiu mappulu makkimunsa'a watangannu sassane tadea'u i yamiu heloannu anambon balahanna su runia wuṛṛu arannu ipaatta ipammontoga?

REENGANNA 14:11

Mawu nabbisara si Musa, “Ta'e pira tempo lai al᷊annune manga taumata indi lullawangnga si Ya'u? Sara tingngera i mangitou maddiri mangimanna si Ya'u, salaiwe i Ya'u buatte na'ola'a aroddi anambone al᷊aṛṛidu'a su wallati mangitou?

REENGANNA 14:2

I mangitou sussamboṛṛe si Musa wuṛṛu si Harun wuṛṛu nabbisara, “Mappianne i ite nate su Mesir ara'e su wadda'a indi! Mappianne i ite mate!

REENGANNA 14:24

Arawe tawe aroddi su allang-Ku i Kaleb. I tou sidutu matuṛṛutta si Ya'u. Ana waugu udde i Ya'u sarun mangapiddi tou watukku wanua apan buatte nisuttanni tou. Orassa indi taumatan Amalek wuṛṛu taumatan Kanaan uatana'a su ratakke udde. Arawe wageangngu leta'a udde sarun maola'a pussa'a walahanni Kaleb, allang-Ku udde. Tiṛṛabbi yamiu ṛinone mabelengnga wuṛṛu inai su wadda'a watukku Tongokku Akaba.”

REENGANNA 14:30

Suliuddi Kaleb wuṛṛu i Yosua, tawe saran sangkatou su wallatti yamiu apan uukke ruan pul᷊o ire'e sarun maasutta su wanua apan Ta'u pina'ire si yamiu udde.

REENGANNA 14:38

Wuassu siri mapul᷊o dua matataṛṛaso'o udde tumba'u i Yosua wuṛṛu i Kaleb apan ta'e wiakka.

REENGANNA 14:4

Ana see i mangitou uahahattote sangkatou ringannu waine, “Mappianne i ite mamile sangkatou piaṛṛangnge wuṛṛu mabelengke watukku Mesir!”

REENGANNA 26:65

Mawu buatte nabbal᷊o manungku i mangitou sarangkanambone sarun mate su wadda'a. Wuṛṛu atonna i mangitou sarangkanambone nate, tumba'u i Kaleb ana'i Yefune wuṛṛu i Yosua ana'i Nun.

TAHIUL᷊E 1:38

Arawe paatana'a naungngu masasumbalanu, i Yosua ana'i Nun. Ete i tou apan sarun mamiaṛṛa'u Israel mangaṛṛo leta'a udde.’

YUDAS 1:5

Sarangkanambone udde i yamiu masingkatte. Arawe i ya'u maapulu mapaanaungngi yamiu su ola'u ereapa Mawu manal᷊amatta walahannu Israel wuassu leta'u Mesir, arawe wua'udde namate manga taumata apan tawe mangngimanna su wallatti mangitou.