IBRANI 3:12 - WUKE SUSI WATTI'U AL᷊AL᷊USASSA

¹² Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

IBRANI 3:12 Iomraidhean Croise

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

AYUB 21:14

Sumbal᷊i i mangitou buatte nabbisara Ruata, “Pangindaute si yami wuṛṛu roote! I yami tawe maddaringikka wuṛṛu maddiri massunna pandumanna wuṛṛu apulu-Nu su pabbiaṛṛanni yami.”

AYUB 22:17

Ete i mangitou udde apan waṛṛani nanol᷊a'u Apan Lembontaṛṛino, wuṛṛu massunna i Tou tawe maola'a mangapa si mangitou.

DARALO 18:21

Mawu nabbal᷊issa inolaangku apan naṛino; I Tou nangal᷊amatta si ya'u ana waugu i ya'u tawe sal᷊ane.

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

YEREMIA 11:8

wuṛṛu mandolokki mangitou tuttuṛṛutta pa'aire-U udde, arawe i mangitou maddiri maddaringikka wuṛṛu maddiri tumuṛṛutta. Ewe'e lai i mangitou sidutu lullawangnga wuṛṛu lal᷊eo ere dorone. Ana waugu udde al᷊awo'u ṛuumanna apan uawoṛṛetta sulal᷊ummu pa'aire buatte Ta'u niṛṛia'a si mangitou.”

YEREMIA 16:12

Arawe i yamiu ma'ola'a lembon al᷊al᷊eone lai. Puang kamiu maattikka wuṛṛu tumba'u tuttuṛṛutta apulunu sassane apan dal᷊eo. I yamiu tawe tumuṛṛutta si Ya'u.

YEREMIA 17:5

Mawu nabbisara, “Napawe taumata manantangku, Mawune, wuṛṛu uaantimma su taumata wuṛṛu uaasakku ara'e uawansaggu atatohanne, ne i Ya'u sarun makkuumanni tou.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

YEREMIA 18:12

Arawe i mangitou sarun sumimbakka, ‘Apa hunane? I yami sidutu mannan tuṛṛutta apulung kami sassane! I yami sambau-sambau sarun ma'ola'a apulun naungngi yami apan dal᷊eo!’ ”

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

YEREMIA 3:17

Sutempo udde soan Yerusalem sarun isaggo, ‘Aianannu Mawu’, wuṛṛu anambon walahanna sarun ma'ammulla su soa udde massubba Mawu. I mangitou tate lai tumuṛṛutta apulu naungngi mangitou apan maattikka wuṛṛu lal᷊eo udde.

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.

YEHEZKIEL 14:5

Anambon paal᷊uanna udde buatte napaaraun uma-Ku wua dingang-Ku, arawe antimanna ringannu sasimba-Ku udde uma-U sarun mabbelengnga ringang-Ku.’

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”

MATIUS 16:16

I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

MATIUS 24:4

Mawu Yesus sinumimbakka, “Paatehamma, arie ma'oman sara i yamiu awahianna.

MARKUS 13:23

Nariaddi, paatehamma! Sarangkanambone udde suete Ta'u niapaasingkatta si yamiu tantal᷊anna olangnge udde taambe nariaddi.”

MARKUS 13:33

Nariaddi yamiu ṛinone paariaga ana waugu i yamiu wagga tingngerate tempone.

MARKUS 13:9

I yamiu ṛinone paatehamma, ana waugu yamiu sarun sametanna wuṛṛu parikisanna su saruannu mallaṛṛuungnga. I yamiu sarun puul᷊anna su manga wal᷊em pattataṛṛamawuanna. I yamiu sarun parikisanna sumaruanna manga tembonanne wuṛṛu manga ratu ana waugu i yamiu mallal᷊aṛṛenggeng-Ku. Wuṛṛu eteudde temponu manganggillu tatiala su ola'u riri-U si mangitou.

LUKAS 21:8

Mawu Yesus nabbisara, “Paatehamma, arie i yamiu awahianna. Manambo taumata sarun rumanta ringannu arang-Ku, wuṛṛu mabbisara, ‘Ete i Ya'u i Tou!’ wuṛṛu ‘Nia'omante tempone.’ Arawe arie i yamiu tumantalongnga si mangitou.

ROMA 11:21

Ana waugu amungkangngu Ruata tawe umakkannu taumatan Yahudi iramme ere manga ranna tutune udde, arie passunna manungku i Tou mappau mandammenu!

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

IBRANI 10:31

Asasusa eteapa amungkangu manawo su lima Ruata Apan Wiakka!

IBRANI 10:38

Wuṛṛu pabbawala'u apan naṛṛino sarun mangngimanna wuṛṛu mabbiakka; arawe amungkangu pia wuassu wallatti mangitou apan sussoṛṛota ne i Ya'u tawe mal᷊uassa si tou.”

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

IBRANI 3:10

Ana waugu udde i Ya'u nasa'u si mangitou wuṛṛu i Ya'u nabbisara, ‘I mangitou sidutu maddiri tumuṛṛutta wuṛṛu tawe tumuṛṛutta manga parenta-U.’

IBRANI 3:19

Orassa indi i ite naasunnate manungku i mangitou tawe maasutta, ana waugu i mangitou tawe mangngimanna Ruata.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.