IBRANI 3:1 - WUKE SUSI WATTI'U AL᷊AL᷊USASSA

¹ Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

IBRANI 3:1 Iomraidhean Croise

DARALO 110:4

Ringannu sasalu Mawu buatte na'ire, i Tou tawe mangul᷊e apia, “Ete I'o imam sarangkal᷊o'engnge, ere i Melkisedek.”

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

YESAYA 41:20

Ne anambon taumata sarun maasilo wuṛṛu maasingkatta manungku i Ya'u, Mawu, apan na'ola'a udde. I mangitou sarun manutukka wuṛṛu maasunna, Ruata na'ukkassu Israel na'ola'a udde nariaddi.”

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

YEHEZKIEL 12:3

Ana waugu udde, ei taumata apan mattate, tantal᷊anna allo ta'e allatune, pandiahite manga saranapanu su lal᷊ummu sambau wungkusanna ere inanaramanna a'olaannu taumatan buanganna. Tantal᷊anna ṛabbi taambe, tantanga'e wal᷊enu su saruanni mangitou ere taumata apan iapidda su pamamuanganna. Ola'e loṛṛangnga su darandungngu wal᷊enu ringannu aellehannu taumata mal᷊awangnga udde, wuṛṛu apira'e pinampiunanna apan lal᷊oṛṛoannu manga saranapanu udde see sabbangnga wuassu loṛṛangnga udde. Pasante pinampiunanna udde su wambangngu. Amatte sulal᷊ummu wasa tuudda; taapete matanu ma'oman sara i'o tawe maasilo lal᷊anna apan a'amatannu. Wala'e ahewallu walahannu Israel maasilo sarangkanambone apan niolangngu udde, tadea'u maola'a pananaunganna si mangitou. Asinungka i mangitou sarun maatinnau manungku i mangitou udde lumal᷊awangnga.”

YEHEZKIEL 18:28

I tou buatte naatutukka al᷊awo'u inolaanne ana see nangillol᷊ote ma'ola'a rosa. Ringannu aroddi i tou sarun tawe mate, ewe'e sidutu wiakka.

HAGAI 1:5

Annama'e, panutukka olangngu!

HAGAI 2:15

Mawu nabbisara, “Annama'o, panutukka apa apan nariaddi tantal᷊anna taambe allo indi, eteudde tantal᷊anna Wal᷊e-U indi taambe niola'a apia! Ereapa olangnge sutempo udde?

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 20:21

See Mawu Yesus nabbisara si mangitou paassa lai, “Sal᷊amatta wuṛṛu paddarame si yamiu. Ere lai Iamangnga nandolo-U aroddi lai Ya'u mandolokki yamiu.”

YOHANES 20:27

Wua'udde Mawu Yesus nabbisara si Tomas, “Pa'ellege lima-U, wuṛṛu addoa'e tal᷊imadonu isindi. Ul᷊uṛṛa'e limanu wuṛṛu addoa'e su sandiṛṛang-Ku. Arie mapapadua lai ewe'e pangimante!”

WATTI'U MANGA RASUL 1:15

Su allo sambau, su tempo i mangitou tantal᷊anna uaammulla – iraṛṛangngo pia maṛṛasutta ruam pul᷊o su atoune nirumanta – i Petrus dirumarisikka mabbisara. I tou nabbisara,

ROMA 11:17

Sangkawageanganna wuassu manga rannang alu zaitun – eteudde manga taumatan Yahudi – niattibba. Wuṛṛu su lanna'u attibba udde nireeta rannan kalu zaitunna lul᷊u, eteudde manga tuṛṛangnga apan wal᷊ine Yahudi. Tuṛṛangnga nireeta isudde tadea'u tuṛṛangnga maattemma al᷊awo'a apan mapia wuassu pabbawiakku ṛimuudu manga taumatan Yahudi.

ROMA 15:27

Ringannu naungnga mal᷊uassa i mangitou nakkawessa ma'ola'a udde. Atonna ṛinone i mangitou mantul᷊ungngu manga tuṛṛangnga apan asiangnga su Yerusalem; ana waugu wuassu manga taumatan Yahudi udde, manga taumata wal᷊ine Yahudi buatte nanengkamma al᷊amatta wuassu Ruata. Nariaddi manga taumata wal᷊ine Yahudi ṛinone lai mantul᷊ungngu taumatan Yahudi ringannu manga al᷊amatta ere manga darotongnga.

ROMA 15:8

Ana waugu, paanaunge, manungku Kristus suete nangimbe taumatan Yahudi tadea'u mapaal᷊iatta'a manungku Ruata atonna mannuungngu paaire-Ne su iupungngu al᷊amonan kite.

ROMA 9:24

Ete i ite apan buatte niwaggoan-Ne, wal᷊ine tumba'u wuassu walahannu Yahudi, arawe lai wuassu manga walahanna waine.

1 KORINTUS 10:17

Ana waugu tumba'u pia sambau roti, wuṛṛu i ite sarangkanambone u'anna roti sambau udde lai, ne i ite apan manambo indi naal᷊ihidda wadangnga sambau.

1 KORINTUS 9:23

Sarangkanambone udde ta'u niola'a hunan Watti'u Al᷊al᷊uassa wuassu Ruata, tadea'u i ya'u lai al᷊amatanna.

2 KORINTUS 1:7

I yami sidutu mangngimanna wuṛṛu tawe humago'a su ola'i yamiu, ana waugu i yami masingkata manungku i yamiu lai suadio'a uatataṛṛanga ringanni yami. Wuṛṛu ana waugu udde i yamiu lai nitohassa suadio'a ringanni yami.

2 KORINTUS 9:13

Wuṛṛu wuassu apapian kamiu udde, manambo taumatan Saṛṛani su Yudea sarun maddalo Ruata ana waugu i mangitou naasilo tatuṛṛuti yamiu su Watti'u Al᷊al᷊uassa su ola'i Kristus apan tatantalonganni yamiu udde. I mangitou lai maddalo Ruata, ana waugu i yamiu naungnge mapia mattahia si mangitou wuṛṛu su anambon taumata waine sarannapa apan pia si yamiu.

EFESUS 3:6

Addapingnga udde ete indi: Sulal᷊ummu Watti'u Al᷊al᷊uassa udde, taumata wal᷊ine Yahudi, maapendamma lai manga al᷊amattu Ruata apan dorone nissaddia tumba'u su taumatan Yahudi. Manga taumata wal᷊ine Yahudi naola'e wageangngu wadangnga sambau, wuṛṛu manengkamma lai suadio'a apa apan suete pina'ire Ruata sulal᷊ummi Kristus Yesus.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

EFESUS 4:4

Tumba'u pia badangnga sambau, wuṛṛu Ghaṛṛaho sambau. Aroddi lai yamiu suete niwagoanna su pangangantimma sambau apan uasul᷊ungnga.

FILIPI 3:14

Ana waugu udde i ya'u sidutu tuttal᷊angnga mattuddan tampa panguddusanne ana see maasomba auntunganna, eteudde mabbiakka su surga; ana waugu udde Ruata namaggo si ite sulal᷊ummi Kristus Yesus.

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

1 TESALONIKA 5:27

Sulal᷊ummu taṛṛinon Mawu, i ya'u sumal᷊ande tadea'u i yamiu mabbasan suratta indi su anambon tuṛṛanga apan sambau su pangangimanna.

2 TESALONIKA 1:11

Ana waugu udde i yami sidutu u'al᷊iomanni yamiu. I yami u'al᷊iomanna tadea'u Ruata ma'ola'a si yamiu wotongnge mabbiakka tumuṛṛutta apulu-Ne; ana waugu udde i Tou namaggo si yamiu. Doronganna Ruata, ringannu taṛṛino-Ne, manuungngu apulu-Ne ma'ola'a apapia, wuṛṛu manuungngu anambon manara apan a'olaanni yamiu ana waugu mangngimanna si Kristus.

2 TESALONIKA 2:14

Ana waugu udde Ruata namaggo si yamiu sulal᷊ummu Watti'u Al᷊al᷊uassa apan niapaasingkati yami si yamiu. Ruata namaggo si yamiu, ana waugu i Tou maapulu tadea'u i yamiu lai maapendama awawantugu Mawun kite Yesus Kristus.

1 TIMOTIUS 6:12

Pabbiakke atonna-tonna maola'a sangkatou taumatan Saṛṛani tadea'u i'o wotongnge maapal᷊aṛṛo aonggolu wiakka tutune wuṛṛu mal᷊annu-l᷊annu. Ana waugu eteudde Ruata namaggo si'o su tempo i'o nanga'u su saruannu awadaalla manungku i'o mangngimanna si Kristus.

1 TIMOTIUS 6:2

Manga allangnga apan mawune taumatan Saṛṛani, tawe wotongnge mangngaddio'a mawune ana waugu i mangitou labbisa taumatan Saṛṛani. Ewe'e ṛinone i mangitou mangimbe mawu mangitou udde ringannu lembon apiane lai, ana waugu mawu apan a'imbeanna ringannu mapia, eteudde sambau taumata mangngimanna apan arangnguanna. Sarangkanambone indi ṛinone iaṛṛa'a wuṛṛu itantironu.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

2 TIMOTIUS 2:7

Ṛingira'a wisara'u udde, ana waugu Mawu sarun mangonggolu ṛingidda si'o ipassunna sarangkanambone udde.

IBRANI 10:19

Ne, Manga tuṛṛangnga, ana waugu papate Mawu Yesus udde i ite orassa indi waṛṛani sumutta su Wabbo'a Lembon Susi.

IBRANI 10:21

Wuṛṛu i ite orassa indi uatahuanna sangkatou imam bahewalla, apan uariagga Wal᷊e Ruata.

IBRANI 10:23

Ṛinone i ite uaagasa atonna su antima apan pangimananni ite, ana waugu Ruata wotongnge apangimananna wuṛṛu i Tou sarun manuungngu pa'aire-Ne.

IBRANI 13:22

I ya'u sumal᷊ande tadea'u i yamiu tumuṛṛutta manga tatantiro'u indi ringannu masabare, ana waugu sura'u indi tawe tumaniten mal᷊o'e.

IBRANI 2:11

Mawu Yesus namaresi taumata wuassu manga rosa mangitou; wuṛṛu i Tou apan namaresi udde; see i mangitou apan niwaresi udde, uatahuanna Mawu Iamangnga sambau. Ana waugu udde Mawu Yesus tawe masili manga'u si mangitou maola'a manga tuṛṛang-Nge.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

IBRANI 6:20

Mawu Yesus suete namu'a lal᷊anna watukku tampa udde si ite, wuṛṛu suete sinumutta poiaroddi naola'a Imam Bahewang kite sara mal᷊annu-l᷊annu, ere Imam Malkisedek.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

IBRANI 7:28

Titan agama Yahudi mappaatenegu taumata apan tawe nasuungnga maola'a imam bahewa. Arawe wuassu tita udde, Ruata na'ola'a pa'aire ringannu sasalu manungku i Tou mapaatenega maola'a sangkatou Imam Bahewa, Ana'a apan suete niola'a Ratum Punnu Sal᷊amatta apan nasuungnga saran mal᷊annu-l᷊annu.

IBRANI 9:11

Arawe i Kristus suete nirumanta ere sangkatou Imam Wahewa wuassu inolaanna apan mapia wuṛṛu piate. Su Rasannu Mawu suapa i Tou mappaamattu manarane ere sangkatou Imam Wahewa eteudde rasanna apan lembon mawantuga wuṛṛu lembon nasuungnga. Udde tawe niola'u taumata; atappasanne wal᷊ine niarantanne wuassu runia apan niriaddi indi.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 3:5

Ringannu olangnge indi su tempo rorone manga wawine pia agamane apan uaantimma Ruata mallogaka ririne ringannu tuttuṛṛuta awingngi mangitou.

1 PETRUS 5:1

I ya'u maddorongnga aellegu manga piaṛṛa'u jamaannu. I ya'u namoṛṛeta indi, ere sangkatou tuṛṛangnga piaṛṛangnge wuṛṛu ere taumata apan suete naasilo sassane asasusan Kristus, wuṛṛu sarun wantuhanna lai suaddio'a, napawe awawantugi Kristus niapaasilote su taumata. I ya'u sumal᷊ande

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

1 YOHANES 1:3

Apa apan suete niasiloanna wuṛṛu niaringiṛṛani yami, eteudde lai apan iappasingkati ami si yamiu, tadea'u i yamiu suadio'a ringanni ami wotongnge maapendamma wiakka uaaukka ringannu Iamangnga wuṛṛu ringannu Anang-Nge Yesus Kristus.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!