IBRANI 2:9 - WUKE SUSI WATTI'U AL᷊AL᷊USASSA

⁹ Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.

IBRANI 2:9 Iomraidhean Croise

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

YESAYA 11:1

Pallaṛṛiten Ratu Daud ere alu apan buatte nituwangnga. Arawe su ereapa wuassu tuidde tinumuwo solla wakku, aroddi lai wuassu pallaṛṛiten Daud sarun sumabbangnga sangkatou ratu.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

MATIUS 6:28

Anio i yamiu sussinggawangnga su ola'u peddennu? Panutukka manga wunga bakung apan tuttuwo su wadda'a. Anambon wungane udde tawe mammanara wuṛṛu tawe mandadu'a;

MARKUS 9:1

“Asingkate!” unnu Mawu Yesus, “Wuassu wallatti yamiu isindi piaddu apan tawe mate, tantal᷊anna taambe maasilo Ruata mamarenta ringannu taṛṛino-Ne!”

LUKAS 9:27

Asingkatewe: wuassu wallatti yamiu isindi pia sangkatou tawe mate tantal᷊anna i tou taambe naasilo Ruata mamarenta.”

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YOHANES 10:17

Iamangnga mandangngu si Ya'u ana waugu i Ya'u mannantillu niawa-U, see manengkamma apia.

YOHANES 12:32

Arawe i Ya'u indi, amungkangngu i Ya'u suete niruitta su wowon runia, i Ya'u sarun mamago anambon taumata rumanta ringang-Ku.”

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

YOHANES 8:51

Mangke atonna wisara-U indi, taumata apan tuttuṛṛutta wisara-U, tawe mate saran mal᷊annu-l᷊annu.”

YOHANES 8:52

See manga taumatan Yahudi udde nabbisara Mawu Yesus, “Orassa indi yami masingkatta I'o indi atonna-tonna niasuttannu setanna! I Abraham sassane natete, aroddi lai manga nabi. Arawe I'o mabbisara, ‘Taumata apan tuttuṛṛutta wisara-U, tawe mate saran mal᷊annu-l᷊annu.’

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

WATTI'U MANGA RASUL 3:13

Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou.

ROMA 5:18

Nariaddi, su ereapa lal᷊awangngu sangkatou taumata nangeṛṛon anambon taumata iṛṛuumanna, aroddi lai inolaannu sangkatou taumata apan tuttuṛṛutta apulun Duata, na'ola'a anambon taumata nal᷊iu wuassu pasasal᷊a wuṛṛu nionggol᷊annu wiakka.

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

2 KORINTUS 5:15

Kristus nate ana waugu anambon taumata, tadea'u manga taumata apan wiakka, tate lai mabbiakka hunan wadangnge sassane, arawe mabbiakka hunan Kristus apan buatte nate wuṛṛu niapaawiakka apia ana waugu hunane si mangitou.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

GALATIA 4:4

Arawe napawe su temponete, Ruata mandolokku Anang-Nge su Runia. Anang-Nge udde niasungkanga wuassu sangkatou wawine wuṛṛu mabbiakka su al᷊ungngu parentan titan agama.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

IBRANI 1:9

I'o ma'apulun atatul᷊idda, wuṛṛu maddantinu awawengkola; ana waugu uddewe Ruata, Ruata-Nu namile Si'o, wuṛṛu nangonggolu awawantuga Si'o apan mandantan al᷊al᷊uassa, nilumambalanna wuassu manga hawe-Nu.”

IBRANI 10:5

Ana waugu udde su tempo i Kristus sinumutta su runia, i Tou nabbisara su Ruata, “I'o tawe ma'apulun aonggola wuṛṛu sasamba; arawe I'o suete nanaddia wadanga, si Ya'u.

IBRANI 11:5

Ana waugu mangngimanna, ne i Henokh tawe nate, ewe'e nasengkenga wuṛṛu niapiadda ringannu Ruata. Tawe saran sangkatou apan botonge maisasomban tou, ana waugu i tou suete niapaasengkengu Ruata. Sulal᷊ummu Wuke Susi uawoṛṛetta manungku tantal᷊anna i Henokh taambe niapaasengkenga, i tou ma'al᷊uassa naungngu Ruata.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 2:7

Su tempo apan mal᷊ihakka I'o mandiaddi si tou mabbawoanna adio'a wuassu mala'ekatta. I'o nangonggolu ai'ananna si tou apan mawantuga wuṛṛu lembon a'addatanna.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

IBRANI 8:3

Al᷊awo'u imam bahewa nitenega iapa'onggolu sasamba ara'e aonggola su Ruata. Aroddi lai Imam Bahewang kite; i Tou ṛinone pia dorotongnga olaanna sasamba.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

SONDAPPA 19:12

Mata-Ne naal᷊ihidda ṛenggamu putungnga wuṛṛu su pua-Ne i Tou ual᷊uṛṛe manambo araposan araratuanna. Su wada-Nge uawoṛṛetta sambau aranna; wuṛṛu tumba'u i Tou sassane masingkatu aranna udde.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.