IBRANI 2:4 - WUKE SUSI WATTI'U AL᷊AL᷊USASSA

⁴ Su liuddu udde, Ruata mannohassa tatiala manga taumata udde ringannu na'ola'a al᷊awo'u hatin al᷊aṛṛindu'a wuṛṛu manga inolaanna apan bahewalla see lai nattahia manga aonggolu Ghaṛṛahon Ruata tumuṛṛuttu apulu-Ne sassane.

IBRANI 2:4 Iomraidhean Croise

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

MARKUS 16:20

Ne manga mallal᷊aṛṛenggen-Ne inaite wuṛṛu namasingkattem batti'a wuassu Ruata su al᷊awo'u tampa. Wuṛṛu Mawu lai mammanara su sampunna ringanni mangitou wuṛṛu mapaal᷊iatta'a lai ringannu manga al᷊aṛṛindu'a manungku watti'i mangitou udde atonna.] [

MARKUS 6:14

Manga watti'a su ola'u anambon arariadianna udde na'omate lai ringanni Ratu Herodes, ana waugu arannu Mawu Yesus niasingkatante su al᷊awo'u tampa. Pia taumata mabbisara, “I Yohanes Mananaṛṛani nabbiakke apia! Ana waugu udde i tou pia taṛṛino ma'ola'a al᷊aṛṛindu'a udde.”

YOHANES 15:26

I Ya'u sarun mandolokku Mantatal᷊ungnga si yamiu apan darantane wuassu Iamangnga. Ete i Tou Ghaṛṛaho apan sarun mapaal᷊iatta'u taṛṛino Ruata. Amungkangngu i Tou rumanta, i Tou sarun mangonggolu tatiala su ola'u riri-U.

YOHANES 4:48

Mawu Yesus nabbisara su mammamanaran tembonanne udde, “Amungkangngu i yamiu tawe maasilo manga al᷊aṛṛindu'a, i yamiu tawe mangngimanna.”

WATTI'U MANGA RASUL 14:3

Ana waugu udde i Paulus wuṛṛu i Barnabas natana'a mal᷊annu isudde. Wuṛṛu ringannu waṛṛani i mangitou mabatti'u wisara Mawu. Ne Mawu lai napaal᷊iatta'a manungku watti'i mangitou su ola'u darangngu-Ne udde atonna; i Tou nangonggolu taṛṛino si mangitou ma'ola'a al᷊aṛṛindu'a wuṛṛu inolaanna waine.

WATTI'U MANGA RASUL 4:10

Ne, manga mawu sarangkanambone ṛinone maasingkatta wuṛṛu anambon walahannu Israel ṛinone lai maasingkatta manungku taumata indi uarisikka orassa indi ringannu wadangnga apan mapia su saruannu manga mawu, ana waugu atatohassa wuṛṛu taṛṛino wuassu Mawu Yesus Kristus taumatan Nazaret. Manga mawu suete nangarussa Mawu Yesus udde, arawe Ruata suete napaawiakki Tou apia.

WATTI'U MANGA RASUL 5:32

Ete i yami manga mattatialane su ola'u sarangkanambone udde – yami wuṛṛu lai Ghaṛṛahon Ruata apan nionggolu Ruata su manga taumata apan matuṛṛutta si Tou.”

EFESUS 1:5

ne, i Tou buatte nanantuna paarorone manungku sulal᷊ummi Yesus Kristus, i Tou sarun manga'u si ite maola'a manga al᷊aṛṛanang-Nge sassane. Wuṛṛu atonna eteudde apan tipusanni Tou.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

EFESUS 4:7

I ite sangkatou-sangkatou mannengkamma sambau aonggola tumuṛṛuttu apa apan nionggoli Kristus.

IBRANI 6:4

Ana waugu, manga taumata apan suete nassinaadu Ruata, tate wotongnge aṛṛaanna apia. I mangitou dorone sulal᷊umpen asasemakka wuassu Ruata, wuṛṛu suete naatemma aonggolu Mawu. I mangitou lai suete niintaṛṛoannu Ghaṛṛahon Ruata.