IBRANI 2:3 - WUKE SUSI WATTI'U AL᷊AL᷊USASSA

³ Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

IBRANI 2:3 Iomraidhean Croise

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 20:6

Sutempo udde manga taumata apan uatana'a su apanne sarun mabbisara, ‘pa'ellege apa apan nariaddi su walahanna apan ipangngasakki ite tadea'u mallu'adda si ite wuassu ratun Asyur. Ereapa wotongnge i ite masal᷊amatta?’ ”

YESAYA 51:5

Asasal᷊amatta apan Ta'u ionggolla maranite; tempon auntungang-Ku maranite ma'oma. I Ya'u sassane sarun mamarenta manga walahanna. Manga wanua apan marau mangke uaraṛṛaddo si Ya'u wuṛṛu uaantimma inolaang-Ku apan matohassa.

YESAYA 51:8

I mangitou sarun mate wuṛṛu mawul᷊i, naal᷊ihidda laubba niannu wa'u'a wuṛṛu mal᷊aṛṛenessa wambul᷊un domba niannu wa'u'a. Arawe asasal᷊amatta apan Ta'u nionggolla sidutu sarangkal᷊o'enge, auntungang-Ku uata'a sara maṛṛana'a mappulunna.”

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”

YEHEZKIEL 17:15

Arawe ratun Yehuda namangalo see nandolokku darol᷊oṛṛanna inai su Mesir tadea'u maasomba awal᷊o wuṛṛu tantara apan manambo. Apa i tou sarun maauntungnga? Apa i tou sarun iwala maal᷊assanga? Tawe mariaddi i tou massinaaddu paaire ringannu tawe iṛṛuumanna.

YEHEZKIEL 17:18

Ana waugu i tou buatte nilumawangnga sasalu wuṛṛu paairene, i tou tawe maatal᷊angngu watanganne.

MATIUS 23:33

I yamiu lal᷊eo wuṛṛu papapulunnu taumata lal᷊eo! Ereapa i yamiu wotongnge manal᷊amatta wadangngi yamiu wuassu ṛuumanna su naraka?

MATIUS 4:17

Nanattakke su tempo udde Mawu Yesus namasingkatta, “Awal᷊ute wuassu manga paddarosanu, ana waugu Ruata mal᷊ihakke rumanta mamarenta ere sangkatou Ratu!”

MARKUS 1:14

Napawe i Yohanes niṛṛuumante, Mawu Yesus inaite su Galilea, wuṛṛu namasingkattu Watti'u Al᷊al᷊uassa wuassu Ruata poiaroddi.

LUKAS 1:2

I mangitou namoṛṛetta nassul᷊ungngu apan niwatti'a si ite wuassu manga taumata apan naasilo sassane manga arariaddianna udde wuassu panattaṛṛanne, ana see namasingkattu watti'a udde.

LUKAS 1:69

I Tou nangonggolla si ite mananal᷊amatta matohassa, papapulunni Daud, allang-Nge.

LUKAS 24:19

“Watti'a apa?” aiwal᷊o Mawu Yesus. “Watti'a apan naṛṛia'a su Mawu Yesus, taumata Nazaret udde,” sasimbakki mangitou. “I Tou sangkatou nabi. Manga wisara-Ne wuṛṛu manga manara-Ne pia taṛṛinone – mapia su aellegu Ruata aroddi lai su aellegu awada'alla!

YOHANES 15:27

Wuṛṛu i yamiu lai ṛinone mangonggolu tatiala su ola'u riri-U ana waugu i yamiu uaaukke ringang-Ku ro'en paarorone.

WATTI'U MANGA RASUL 2:22

Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta.

WATTI'U MANGA RASUL 4:12

Tumba'u sulal᷊ummu Mawu Yesus sassane taumata masal᷊amatta. Ana waugu su ahewallu runia indi su wallattu taumata tawe saran sangkatou taumata waine maasomba taṛṛino wuassu Ruata ipanal᷊amatta si ite.”

ROMA 11:14

I Ya'u mangngantimma, i ya'u wotongnge mapaal᷊apputu naungnga lal᷊eo su walahannu sassane, tadea'u ringannu lal᷊anne udde i ya'u wotongnge manal᷊amatta sambageanganna wuassi mangitou.

ROMA 2:3

Arawe i yamiu, manga tuṛṛangnga, ma'ola'a sassane lai manga inolaanna apan ipangngansilli yamiu su manga taumata waine! Wuṛṛu su ṛingiddi yamiu, i yamiu wotongnge mal᷊iudda wuassu ṛuumannu Duata?

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

1 TIMOTIUS 1:15

Mangke atonna wisara indi – ana waugu udde ṛinone sengkamanna wuṛṛu pangimananna – : “Kristus Yesus nirumanta su runia indi ana waugu manal᷊amatta taumata marosa.” Wuṛṛu ete i ya'u taumata marosa apan lembon al᷊al᷊eoanne.

TITUS 2:11

Ana waugu Ruata suete napaal᷊iatta'u darangngu-Ne ipanal᷊amatta anambon taumata.

IBRANI 1:1

Su tempo rorone Ruata masokka uahahatton iupungngi ite sulal᷊ummu manga nabine ringannu mappaattu anambon dal᷊anna.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.

IBRANI 4:11

Ana waugu udde, wette i ite maddea'a ringannu atonna-tonna ana see maasengkamma allom pangangillol᷊oanna apan suete nipa'iren Ruata udde. Arie pia sangkatou wuassi ite tawe maasomba ere i mangitou rorone, ana waugu tawe mangngimanna Ruata.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

1 YOHANES 1:1

Lal᷊oṛṛon suratta indi mannal᷊a'a ola'u Ṛengetanna apan mangngonggolu wiakka, eteudde Ṛengetanna apan piate ro'en wuassu al᷊amonane. I yami suete naaringikka, wuṛṛu suete naasilo matan kami sassane. I yami suete naellega, wuṛṛu suete nangagasu liman kami.

YUDAS 1:17

Arawe tuṛṛangku apan arangnguanna, paanaunge apa apan dorone niwisaran manga rasulu Mawun kite Yesus Kristus.

SONDAPPA 7:10

See ringannu tingikka ma'ikkatta i mangitou u'ui, “Asasal᷊amatti ite darantane wuassu Ruatang kite, apan ua'ianna su adderan araratuanna, wuṛṛu wuassu Ana'u Domba udde!”