IBRANI 2:16 - WUKE SUSI WATTI'U AL᷊AL᷊USASSA

¹⁶ Nilumiatta'e manungku wal᷊ine mala'ekatta apan nitul᷊ungi Tou, ewe'e papapuluni Abraham.

IBRANI 2:16 Iomraidhean Croise

PANDARIADDI 22:18

Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou su ereapa i Ya'u nangal᷊amatta papapulunnu – ana waugu i'o buatte tinumuṛṛutta parenta-U.”

ROMA 2:25

Amungkangngu i'o matuṛṛutta titan agama Yahudi, ne i'o apan buatte nissunatta udde pia gunane lai. Arawe amungkangngu i'o tawe ninumaramma tuttuṛṛutta manga inolaanna apan iradolokka sulal᷊ummu tita udde ne sunatta udde tawe gunane saran kadio'a.

GALATIA 3:16

Manga paaire Ruata niola'u Ruata si Abraham wuṛṛu lai hunane su taumata papapulunni Abraham. Sulal᷊ummu Wuke Susi tawe uawoṛṛetta “wuṛṛu su manga taumata pappapulunni Abraham”, atappasanne eteudde anambon taumata. Apan uawoṛṛetta isudde eteudde “wuṛṛu hunane su taumata papapulunnu”, atappasanne tumba'u sangkatou, eteudde Kristus.

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

IBRANI 12:10

Hagurangngi ite su runia mangngaṛṛa'a si ite tumba'u sulal᷊ummu tempo apan pia patta'al᷊anne, tumuṛṛuttu apa apan su apendami mangitou mapia. Arawe Ruata mangngaṛṛa'a si ite hunane su apapiang kite sassane, tadea'u i ite wotongnge maola'a susi suadio'a ringanni Tou.

IBRANI 2:15

Ringannu olange aroddi i Tou namallosu manga taumata apan su al᷊o'engngu pabbiaṛṛane naola'a allangnga ana waugu matta'uttu papate.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 6:16

Amungkangu manga taumata massalu, i tou massalu ringannu arannu taumata waine apan mattanggaṛṛana wuassi tou, ne sasalu udde mangudusu al᷊awo'u pattatiakka.

1 PETRUS 1:20

Kristus nipilen Duata ro'en runia indi taambe niriaddi. Wuṛṛu su miallo-miallo maddanin panginsueannu tempo indi, Tou nirumanta su runia tadea'u i yamiu iapaasal᷊amatta.