IBRANI 2:15 - WUKE SUSI WATTI'U AL᷊AL᷊USASSA

¹⁵ Ringannu olange aroddi i Tou namallosu manga taumata apan su al᷊o'engngu pabbiaṛṛane naola'a allangnga ana waugu matta'uttu papate.

IBRANI 2:15 Iomraidhean Croise

AYUB 18:11

Taumata lal᷊eo niṛṛumoron atata'utta wuassu al᷊awo'u pappi'uanne; atata'utta uatantalongnga su manga lempangnga.

AYUB 18:14

I tou niwangkassa wuassu rasanne, sutampa i tou amanna, ana see niwol᷊engnga iapasaruanna papate.

AYUB 24:17

Si tou, ruaallo tumaniten maata'utta, arawe wasa tuudda, maal᷊uassa.”

DARALO 33:19

I Tou nanal᷊amatta si mangitou wuassu papate, wuṛṛu nappadul᷊i si mangitou su tempo ṛutumma.

DARALO 55:4

Naungku sussinggawanga ana waugu iwabbansagu seetta, wuṛṛu pangangallangu taumata lal᷊eo. Ana waugu i mangitou mapasusan wia'u, wuṛṛu ringannu massa'u maisasee'u.

DARALO 56:13

I ya'u sarun manipussa paaire'u Si'o, oh Ruata, wuṛṛu mangonggolu sasamba adiangkamanna Si'o.

DARALO 73:19

Tumba'u sulal᷊ummu sangkaṛondappa i mangitou nate, panginsuenni mangitou tumaniten maata'utta.

DARALO 89:48

Naungewe i ya'u aroddi aaunne wia'u indi, I'o nandiadi taumata sangkatou riadianna apan wotongnge mate.

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

ROMA 8:21

manungku su sambau tempo pati'uppu runia sarun iapaal᷊iu wuassu taṛṛino apan maawinasa wuṛṛu sarun mawal᷊i sumutta su al᷊al᷊uassa wuṛṛu wantuhanna su sambau ringannu al᷊aṛṛana'u Ruata.

2 KORINTUS 1:10

Ete i Tou apan suete nanal᷊amatta si yami wuassu silaka wuṛṛu papate apan wahewa udde. Wuṛṛu ete i Tou sarun manal᷊amatta si yamiu su allo sal᷊immurine, ana waugu ete si Tou i yami mangngantimma.

GALATIA 4:21

Manga tuṛṛangnga apan maapulu mabbiakka su al᷊ungngu parenta manga titan agama, paddaringikka si ya'u! I ya'u sarun mamasingkata si yamiu apa apan su ṛinone uawoṛṛetta sulal᷊ummu Wuke Titan Musa.

2 TIMOTIUS 1:7

Ana waugu Ghaṛṛaho apan nionggolu Ruata si ite, wal᷊inewe Ghaṛṛaho apan ma'ola'a si ite matal᷊o. Arawe Ghaṛṛahon Duata udde maatohassa si ite, nepenen darangngu wuṛṛu maaṛṛaddannu watanganne.

IBRANI 2:16

Nilumiatta'e manungku wal᷊ine mala'ekatta apan nitul᷊ungi Tou, ewe'e papapuluni Abraham.