IBRANI 13:4 - WUKE SUSI WATTI'U AL᷊AL᷊USASSA

⁴ Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

IBRANI 13:4 Iomraidhean Croise

PANDARIADDI 2:21

Ana see Ruata napaatiillu taumata udde mal᷊angnga-l᷊angnga, wuṛṛu tantal᷊anna i tou mattiilla, Ruata napaasabangngu sambua rusu'a wuassu wadangngu taumata udde, ana see lannangnge sinoopannu ṛemessa.

PANDARIADDI 2:24

Ana waugu udde taumata esakka manantangngu iamangnge wuṛṛu inangnge, wuṛṛu maaukke ringannu awingnge, ana see itarua nabbal᷊ite sambau.

2 MARARATU 22:14

Ne inaite i Hilkia, i Ahikam, i Akhbor, i Safan wuṛṛu i Asaya nadoronga tatantiro su sangkatou wawine aranne i Hulda. I tou sangkatou nabi apan uatana'a su ampunga wakku su Yerusalem. Awingnge aranne i Salum ana'i Tikwa, pulunni Harhas; i tou mallal᷊u'adda laubbu patataṛṛamawu su Wal᷊en Mawu. Napawe i Hulda naaringikka watti'i mangitou,

AYUB 31:12

Rosa udde maapate ere putungngu naraka, sarangkanambone apan tatahuanangku nasue nisoṛṛobbe.

YESAYA 8:3

Manga pira tempo wua'udde awingku piate illoṛṛo. Sutempo ana'i yami niasungkangnga, Mawu nabbisara si ya'u, “Saggoa'e i tou ‘Mallaṛṛampassa apan Matal᷊ingkassa, Pangangaṛṛo apan Mal᷊ihakka.’

IMAMATTA 15:18

Napawe buatte natatamba, mawae ete esakka ara'e wawine ṛinone mandeno, arawe itarua sidutu ma'arantinna maddatingngu matannallo umattupa.

IMAMATTA 18:20

Imbaṛṛangnga matatamba awingngu waine; inolaanna udde ma'aola'a si'o iya'arantinna.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

1 KORINTUS 6:18

Pangindaute manga inolaanna sussandaga. Ana waugu anambon dosa waine apan niola'u taumata, nariaddi su liuddu wadangngu taumata udde. Arawe taumata apan sussandaga, udde mangal᷊ene ma'ola'a rosa lai su wadangnge sassane.

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

1 KORINTUS 7:38

Apianne eteudde, taumata apan naawingnga, mapia inolaanne, wuṛṛu taumata apan tawe naawingnga, lembon apianne lai inolaanne.

1 KORINTUS 9:5

Apa i ya'u tawe wotongnge mangapiddu sangkatou awingnga taumatan Saṛṛani ringangku sulal᷊ummu amatangku, ere lai niola'u manga tuṛṛangngu Mawu Yesus wuṛṛu manga rasul waine, nasutta lai Petrus?

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

GALATIA 5:19

Apulun pallal᷊agun taumata nilumiatta'a sulal᷊ummu manga inolaanna apan lal᷊eo, nallal᷊uhuranna, wuṛṛu tawe su ṛinone;

GALATIA 5:21

mangngune, mabbu'anna, taṛṛa ramea wuṛṛu al᷊awo'u inolaanna waine. Sulal᷊ummu sarangkanambone udde i ya'u mapaanaungnga si yamiu orassa indi, su ereapa lai ya'u napaananungnga si yamiu rorone, manungku manga taumata apan ma'ola'a inolaanna ereudde tawe maola'a al᷊aṛṛana'u Ruata.

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

TAHIUL᷊E 22:22

Amungkangngu sangkatou esakka niataappa i tou uatatamban awingngu taumata waine, itarua ṛinone iṛṛuumanna pateanna. Ringannu aroddi yamiu mangnginsue al᷊al᷊eo udde.

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.

1 TIMOTIUS 3:12

Masasumabala jamaatta ṛinone awingnge tumba'u sambau. Ṛinone i tou masingkata mangatokku al᷊aṛṛanangnge wuṛṛu lal᷊oṛṛon wal᷊ene ringannu mapia.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

1 TIMOTIUS 3:4

Ṛinone i tou masingkata mangatokku lal᷊oṛṛon bal᷊ene ringannu mapia, wuṛṛu mangaṛṛa'a al᷊aṛṛanangnge matuṛṛuta wuṛṛu maadatta si tou.

1 TIMOTIUS 4:3

I mangitou mangngaṛṛa'a taumata ana see tawe maawingnga wuṛṛu tawe umanna anna ipappalli. Sumbal᷊i anna udde niola'u Ruata iapaanna ringannu aadiangkamanna si Tou wuassu taumata apan suete nangimanna si Kristus wuṛṛu naailal᷊ate al᷊aṛṛa'a apan atonna wuassu Ruata.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

TITUS 1:6

Sangkatou piaṛṛa'u jamaatta ṛinone sangkatou apan tawe sal᷊ane; i tou ṛinone tumba'u uatahuanna awingnga sangkatou; manga al᷊aṛṛanangnge ṛinone mangngimanna si Kristus wuṛṛu wal᷊inewe ana'a lal᷊eo wuṛṛu tawe iaatokka.

IBRANI 12:16

Paariagai tadea'u tawe piaddu mabbiakka sussandaga ara'e tawe mangadata inolaannu Ghaṛṛaho, ere suete niola'i Esau. I tou nabbal᷊u'u watanganne ere sangkatou ana'a pahul᷊u, ana waugu tumba'u sanlama'a anna.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.