IBRANI 13:17 - WUKE SUSI WATTI'U AL᷊AL᷊USASSA

¹⁷ Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

IBRANI 13:17 Iomraidhean Croise

PANDARIADDI 16:9

Mala'ekatta udde nabbisara, “Pabelengke ringanni tou wuṛṛu pangimbete si tou.”

SASABANGNGA 32:31

Ana see i Musa inaite apia sumaruanna Mawu wuṛṛu nabbisara, “Walahanna udde buatte na'ola'a rosa apan bahewalla. I mangitou na'ola'a monganna wuassu wul᷊awanna.

AMSAL 5:13

I ya'u maddaringikka manga huru'u wuṛṛu maddiri tumuṛṛutta si mangitou.

YESAYA 62:6

Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YEHEZKIEL 33:2

“Ei taumata apan mattate, wal᷊oa'e su walahannu manungku napawe i Ya'u mandantan pangalo su sambau wanua, eteindi apan sarun mariaddi. Tumana'u wanua udde sarun mamile suwallatti mangitou sangkatou mandariaga.

LUKAS 16:2

Nariaddi i tou namagote mangangadon roitta udde wuṛṛu nabbisara, ‘Apa indi niaringiṛṛangku atonna su ola'u pamamanaranu? Orassa indi, tantil᷊a'e si ya'u hessin manaranu su pinangatokku pa'a'ala'u. I'o tate wotongnge maola'a mananahipunna roi'u.’

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

ROMA 14:12

Nariaddi i ite sambau-sambau ṛinone pia sasimbakka su ola'u al᷊awo'u inolaanni ite su Ruata.

1 KORINTUS 16:16

I ya'u maddorongnga ringannu atonna-tonna tadea'u i yamiu tumuṛṛutta papiaṛṛa'u manga taumata ereudde, wuṛṛu manga taumata waine apan mammanara suadio'a wuṛṛu mangngimbe suadio'a ringanni mangitou.

EFESUS 5:21

Tadea'u ipangadatta si Kristus, ṛinone i yamiu uatatal᷊antupa sangkatou ringannu waine.

FILIPI 1:4

Wuṛṛu suapan i ya'u umal᷊iomanni yamiu sarangkanambone, i ya'u u'al᷊iomanna ringannu naungnga mal᷊uassa.

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

FILIPI 2:29

Nariaddi, sal᷊ohoite i tou ringannu ahewallu al᷊al᷊uassu naungnga ere sangkatou tuṛṛanga sulal᷊ummu pangangimanna sambau. Addate anambon taumata ere i tou.

FILIPI 3:18

I ya'u masokkate mamasingkata si yamiu, wuṛṛu orassa indi ta'u isul᷊e apia ringannu lulluai, manungku pia manambo taumata apan mabbiakka mangngal᷊iwun atappasannu papaten Kristus su alu arussa.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

2 TESALONIKA 3:14

Asinungka ta'e pia taumata apan maddiri tumuṛṛutta apa apan niapaasingkati yami sulal᷊ummu suratta indi. Paatehamma su saruannu taumata ereudde wuṛṛu arie maggawen tou tadea'u i tou masili.

1 TIMOTIUS 5:17

Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.

IBRANI 13:24

Wal᷊oa tabeang kami su anambon piaṛṛangu wuṛṛu su anambon walahannu Ruata. Sengkama lai tabea wuassu manga tuṛṛanga su Italia.

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.

YAKOBUS 4:7

Ana waugu udde, paatuṛṛutte Ruata wuṛṛu ro'apete Setanna, ne Setanna sarun tumal᷊angnga wuassi yamiu.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

1 SAMUEL 8:19

Arawe walahanna udde maddiri maddaringikka wisaran Samuel, ewe'e lai i mangitou nabbisara, “Wala'e! Salaiwe maola'a ereapa yami maapulun datu.