IBRANI 13:16 - WUKE SUSI WATTI'U AL᷊AL᷊USASSA

¹⁶ Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

IBRANI 13:16 Iomraidhean Croise

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

DARALO 51:19

Sasamba su Ruata uddewe naungnga apan natuno, naungnga matuṛṛutta wuṛṛu pia awawal᷊u tawe itol᷊ang-Ngu.

LUKAS 18:22

Naaringikka udde, Mawu Yesus nabbisara, “Ta'e pia lai sambau sarun olaannu: Wal᷊ua'e anambon darotongngu, onggol᷊a'e roinne su taumata asiangnga, ne i'o sarun maasomba darotongnga su surga. Wua'udde rantate wuṛṛu tantalongke si Ya'u.”

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

GALATIA 6:6

Taumata apan mannengkama al᷊aṛṛa'i Kristus, ṛinone mattahia ringannu hurune anambon apa apan mapia apan tatahuannanni tou.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

FILIPI 4:14

Arawe i yamiu suete nantul᷊ungku sulal᷊ummu asasusa'u; wuṛṛu apa apan niola'i yamiu udde atonna wuṛṛu mapia.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

2 TESALONIKA 3:13

Arawe i yamiu arie paawusa ma'ola'a apapia.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

FILEMON 1:6

I ya'u u'al᷊iomanna tadea'u pasasangkatuṛṛangi ite ere manga taumata mangngimanna sarun mahessin pasasunna apan lembon wahewalla su al᷊awo'u al᷊amatta apan tatahuananni ite ana waugu uaaukka ringanni Kristus.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.