IBRANI 13:14 - WUKE SUSI WATTI'U AL᷊AL᷊USASSA

¹⁴ Ana waugu su runia, i ite tawe tampa atatanaanna apan mal᷊annu; i ite maddea'a tampa atatanaanna apan sarun dumanta.

IBRANI 13:14 Iomraidhean Croise

MIKHA 2:10

Darisikke wuṛṛu roote; isindi tate lai matammudda. Manga rosanu buatte napaarantan asasilaka apan maata'utta su tampa indi.

1 KORINTUS 7:29

Pandumangku arendi, manga tuṛṛangnga: I ite tate tempone lai manambo. Manattaka orassa indi, suapan taumata apan piate awingnge, ṛinone i tou mabbiakka naal᷊ihida ere tawe awingnga;

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

EFESUS 2:19

Ana waugu udde, i yamiu tate lai nasutta taumata lo'a ara'e taumatan liudde. Orassa indi yamiu nareengke walahannu Ruata. I yamiu lai naola'e al᷊aṛṛana'u lal᷊oṛṛon araratuannu Ruata.

FILIPI 3:20

Arawe ete i ite tumana'u araratuannu surga. Ete wua isudde Ratun Punnu Sal᷊amatti ite, Mawu Yesus Kristus, sarun rumanta. Ete i Tou apan mangke raṛṛadoanni ite.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

IBRANI 12:27

Wisara “Paassa lai” mannantiro manungku ahewallu runia apan suete niolang-Nge sarun iio'a wuṛṛu iramme, tadea'u mallambe tumba'u sarannapa apan tawe umio'a.

IBRANI 2:5

Manga mala'ekatta tawe naasomba taṛṛino wuassu Ruata ipamarenta runia wakku apan sarun dumanta, eteudde runia apan tantal᷊anna ipagahatong kite indi.

IBRANI 4:9

Nariaddi, su walahannu Ruata ta'e pia pa'aire pangangillol᷊o ere lai Ruata nangillol᷊o su allo appitune udde.

IBRANI 9:11

Arawe i Kristus suete nirumanta ere sangkatou Imam Wahewa wuassu inolaanna apan mapia wuṛṛu piate. Su Rasannu Mawu suapa i Tou mappaamattu manarane ere sangkatou Imam Wahewa eteudde rasanna apan lembon mawantuga wuṛṛu lembon nasuungnga. Udde tawe niola'u taumata; atappasanne wal᷊ine niarantanne wuassu runia apan niriaddi indi.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

SONDAPPA 3:12

Taumata apan naa'untunga, sarun Ta'u olaanna ere sambau diṛṛi sulal᷊ummu Wal᷊e Susi Ruata-U, wuṛṛu i tou sarun matana'a su tampa udde saran mal᷊annu-l᷊annu. Arannu Ruata-U, wuṛṛu arannu soan Ruata-U – eteudde Yerusalem wakku apan sarun umonto'a wuassu surga, wuassu Ruata-U – sarun Ta'u iwoṛṛeta su wadangu taumata udde. Wuṛṛu lai arang-Ku apan wakku sarun Ta'u iwoṛṛeta su waddange.