IBRANI 13:11 - WUKE SUSI WATTI'U AL᷊AL᷊USASSA

¹¹ Ṛaṛṛam binatangnga apan suete nionggolla maola'a sambau sasamba tatubbusa rosa, niapiddu imam bahewa watukku Wabbo'a Lembon Susi, arawe wadangu winatangnga udde sassane tutunganna su liuddu paddasananna.

IBRANI 13:11 Iomraidhean Croise

SASABANGNGA 29:14

Ṛemessa, pisi wuṛṛu tinain sapi esakka udde ṛinone itambunna su liuddu paddasananna. Eteudde maola'a aonggolla ipangampungnga rosan manga imam.

YEHEZKIEL 43:21

Wua'udde panganute sapi esakka aampunga rosa udde, wuṛṛu tambuna'e su tampa apan buatte nitantunna, eteudde su liuddu tampa na'ukkassu Wal᷊e Mawu.

IMAMATTA 16:27

Sapi esakka wuṛṛu ambinga olaanna sasamba ipangampunga rosa, apan daṛṛane niapidda sumutta watukku Wabbo'a Lembon Susi maola'a aampungnga rosa, ṛinone iapidda watukku liuddu paddasananna wuṛṛu itambunna. Pisine, ṛemene wuṛṛu lal᷊oṛṛon tiannu winatangnga darua udde ṛinone itambunna sarangkanambone.

IMAMATTA 6:11

Wua'udde i tou ṛinone mangal᷊innu laubba wuṛṛu mangapiddu awu udde su liuddu paddasananna, su tampa apan buatte niṛṛae pangadoannu awu udde.

IMAMATTA 6:30

Winatangnga apan ipaatta su lal᷊aghun pangangampunga rosa apan nianu wuassu sambageanganna daṛṛane apan iapidda watukku Wabbo'a Susi, ṛinone itambunna ma'oman sara masue wuṛṛu tawe wotongnge annananna.

IMAMATTA 9:11

Arawe ṛemessa wuṛṛu pisin binatangnga udde nitambunna su liuddu paddasananna.

IMAMATTA 9:9

Manga ana'i Harun nanogokku daṛṛan binatangnga udde si Harun, wuṛṛu i tou nangammon tal᷊imaddone sulal᷊ummu daṛṛa udde, apiddu namuṛṛa su manga tatandu'a su mezbah pabbuuanne appata. Wua'udde daṛṛa lambene niwokka su apampakku mezbah.

REENGANNA 19:3

Tantil᷊a'e sapi udde si Imam Eleazar. Winatangnga udde ṛinone iapidda su liuddu paddasananna ana see ṛatanna su saruannu imam.

REENGANNA 19:7

Wua'udde imam ṛinone mangukkassa laungnge wuṛṛu mandeno. Wua'udde i tou wotongnge sumutta sulal᷊ummu paddasananna, arawe i tou ta'e ma'arantinna maddatingngu matannallo umattuppa.