IBRANI 12:3 - WUKE SUSI WATTI'U AL᷊AL᷊USASSA

³ Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

IBRANI 12:3 Iomraidhean Croise

AMSAL 24:10

Napawe i'o niawul᷊iannu antimma sulal᷊ummu tempo apan susa, ne i'o nasutta taumata lome.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

MATIUS 11:19

Orassa indi Ana'u Taumata, nirumanta – i Tou u'anna wuṛṛu ma'inumma; see manga taumata mabbisara, ‘Pa'ellega taumata udde! Wal᷊iu, taṛṛa wu'anna, hawene maddarorongnga wose, wuṛṛu hawene taumata marosa.’ Salaiwe aroddi, apapande Ruata niatialanna wuassu manga wuane.”

MATIUS 12:24

Su tempo manga taumatan Farisi naaringikka aroddi, i mangitou sinumimbakka, “Taumata indi tumba'u wotongnge mallimbuakka ghaṛṛaho lal᷊eo, ana waugu i Beelzebul, tembonannu manga ghaṛṛaho lal᷊eo, suete nangagillu taṛṛino udde si Tou.”

MATIUS 15:2

“Anio manga mallal᷊aṛṛenggennu nilumawangnga addatta inanaramannu iupungngu al᷊amonang kite? Su tempo umanna, i mangitou tawe mangukkassa lima rorone ere su atoranna!”

MATIUS 21:23

Wua'udde Mawu Yesus nabelengke su Wal᷊e Mawu see sinumuttate wuṛṛu mangngaṛṛa'e isudde. Su tempo i Tou mangngaṛṛa'a, manga imam tembonanne wuṛṛu manga piaṛṛa'u Yahudi nirumanta ringanni Tou wuṛṛu naiwal᷊o, “Apa pinangiananne na'oman sara I'o ma'ola'a sarangkanambone indi? Isai nangonggolu taṛṛino udde Si'o?”

MATIUS 21:46

Nariaddi i mangitou mangke mappandumma manametta si Tou. Arawe i mangitou matta'uttu taumata nambo, ana waugu taumata nambo udde ma'ellega manungku Mawu Yesus ere sangkatou nabi.

MATIUS 22:15

Wua'udde manga taumatan Farisi inaite ma'ire su sampunna su ola'u ereapa i mangitou wotongnge mapaasal᷊a Mawu Yesus ringannu manga aiwal᷊o.

LUKAS 14:1

Su sambau allon Sabatta, Mawu Yesus inaite inumanna su wal᷊en sangkatou piaṛṛa'u Farisi. Isudde manga taumata mannutukka Mawu Yesus mapia-pia.

LUKAS 15:2

Manga taumatan Farisi wuṛṛu manga hurun agama mannattakke sussal᷊iomanna. I mangitou mabbisara, “Eh, taumata indi mannengkamma taumata lal᷊eo wuṛṛu u'anna lai su sampunna ringanni mangitou!”

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

LUKAS 5:21

Manga hurun agama wuṛṛu manga taumatan Farisi mannattakke uahahatto sangkatou ringannu sangkatou, “Isai taumata indi apan baṛṛani mangngadio'a Ruata? Isai wotongnge mangampungnga rosa, su liuddu Ruata sassane?”

YOHANES 10:20

Manambo taumata mabbisara, “I tou niasuttannu setanna! I tou wewa! Ipa'ura i yamiu madaringikka si Tou?”

YOHANES 18:22

Napawe Mawu Yesus suete nabbisara aroddi, sangkatou su wallattu mandariaga isudde namero si Tou wuṛṛu nabbisara, “Waṛṛani atonna I'o mabbisara aroddi su imam bahewa!”

YOHANES 5:16

Wuṛṛu ana waugu udde i mangitou mannattakke mapaasusa Mawu Yesus ana waugu i Tou mapaapian taumata su allon Sabatta.

YOHANES 7:12

Manambo taumata mannattake uasasal᷊imburungnga su ola'i Tou. Piaddu mabbisara, “I Tou taumata mapia.” Piaddu lai mabbisara, “Tawe! I Tou mangngal᷊iwun taumata nambo.”

YOHANES 8:13

“Orassa indi I'o mangngonggolu tatiala su ola'u riri-Nu sassane,” unnu manga taumatan Farisi udde si Tou, “Tatialanu udde awusu.”

YOHANES 8:52

See manga taumatan Yahudi udde nabbisara Mawu Yesus, “Orassa indi yami masingkatta I'o indi atonna-tonna niasuttannu setanna! I Abraham sassane natete, aroddi lai manga nabi. Arawe I'o mabbisara, ‘Taumata apan tuttuṛṛutta wisara-U, tawe mate saran mal᷊annu-l᷊annu.’

YOHANES 8:59

See manga taumatan Yahudi nanganute watu ipanuntungnga si Tou; arawe Mawu Yesus na'imbuni, see napul᷊ete nanantangngu Wal᷊e Mawu.

YOHANES 9:40

Manga pira taumatan Farisi naaringikka Mawu Yesus nabbisara aroddi, see i mangitou naiwal᷊o si Tou, “Pandumannu i yami indi lai wuta?”

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

2 KORINTUS 4:1

I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

2 KORINTUS 4:16

Ana waugu udde i yami tawe mangillol᷊o. Salaiwe sulal᷊ummu wadangngi yami al᷊al᷊eo aatambanna, arawe su pangangimanna i yami a'olaanna wakku su miallo-miallo.

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

TAHIUL᷊E 20:3

‘Tuṛṛa-tuṛṛangnga, paddaringikka! Allo indi yamiu inaite mapapangalo. Imbaṛṛangnga mata'utta ara'e maadio'a naungngu ara'e ial᷊iwune.

2 TESALONIKA 3:13

Arawe i yamiu arie paawusa ma'ola'a apapia.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 12:5

Wuṛṛu imbaṛṛanga maabul᷊in tanatan Ruata indi, apan nionggolla si yamiu manga al᷊aṛṛanang-Nge: “Al᷊aṛṛana'u, paatutuṛṛe paapia-pia al᷊aṛṛa'u Mawu, wuṛṛu arie naungngu maadio'a amungkangu i Tou masa'u si'o.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

SONDAPPA 2:3

I yamiu masabare wuṛṛu i yamiu uatataṛṛanga ana waugu i Ya'u, wuṛṛu naungngi yamiu tawe maadio'a.

1 SAMUEL 12:24

Pangaddatte Mawu wuṛṛu pattaṛṛamawute si Tou ringannu matammudda wuṛṛu ringannu ahewallu naungngu. Naungete manga inolaanna wahewalla apan buatte niolang-Nge si yamiu.