IBRANI 12:28 - WUKE SUSI WATTI'U AL᷊AL᷊USASSA

²⁸ Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

IBRANI 12:28 Iomraidhean Croise

DARALO 19:14

Paarauaawe i ya'u wuassu rosa apan nipattatudda, ariewe pabbala'a i ya'u tataṛinoanne. Ne i ya'u naola'e tawe sangkulle, wuṛṛu nal᷊iute wuassu pasasal᷊a mawakkata.

DARALO 2:11

Pattaṛṛamawute Mawu ringannu maadunna,

DARALO 89:7

Su langitta tawe sul᷊ungnge ere I'o, oh Mawu, tawe riaddiannu surga apan uasul᷊ung-Ngu.

AMSAL 28:24

Isai manna'o darotongngu hagurangnge i tou massunna manungku udde wal᷊ine rosa, naal᷊ihidda manga taṛṛa ta'o waine.

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

YESAYA 9:7

Mawu buatte nangema'u ṛuumanna su araratuannu Israel.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

LUKAS 1:33

Wuṛṛu i Tou sarun mamarenta ere sangkatou ratu wuassu papapulunni Yakub saran mal᷊annu-l᷊annu. Araratuan-Ne tawe panginsueanne.”

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

EFESUS 5:10

Paddea'awe maaillal᷊a apa apan maal᷊uassa naungngu Mawu.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

IBRANI 10:19

Ne, Manga tuṛṛangnga, ana waugu papate Mawu Yesus udde i ite orassa indi waṛṛani sumutta su Wabbo'a Lembon Susi.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

1 PETRUS 2:20

Ana waugu amungkangngu i yamiu masabare matataṛṛangu ṛuumanna apan ṛinone maṛṛia'a si yamiu ana waugu pasasal᷊a? Arawe amungkangu i yamiu ringannu sabare matataṛṛangnga asasusa apan naṛṛia'a si yamiu ana waugu na'ola'a apapia, ne Ruata sarun mangal᷊amatta si yamiu.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

SONDAPPA 1:6

wuṛṛu nandiadi si ite sambau walahannu manga imam, apan mangngimbe Ruata, Iamang-Nge. Mawu Yesus Kristus eteudde awantuhanne wuṛṛu uataṛṛino sarangkal᷊o'engnge. Amin!

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

SONDAPPA 5:10

I'o suete nandiaddi si mangitou sambau walahannu manga imam sassane, tadea'u i mangitou mangimbe Ruatang kite, wuṛṛu mamarenta su wowon runia.”