IBRANI 12:2 - WUKE SUSI WATTI'U AL᷊AL᷊USASSA

² Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 12:2 Iomraidhean Croise

DARALO 110:1

Daralon Daud. Mawu nabbisara si tuangku, “A'iante su samba'a uanang-Ku, ma'oman sara manga seennu Ta'u iapasuṛṛubbawa si'o.”

DARALO 138:8

I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

REENGANNA 21:9

Ne i Musa na'ola'a atoanna wuassu atta'a wuṛṛu niaddo su sambua pati'anna. Suapan taumata apan nipul᷊issu atoanna, wotongnge mapia amungkangngu ma'ellega atoanna witu'a udde.

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

MARKUS 14:36

“Iamangnga, o Iamangnga,” wisara-Ne, “tawe saran sambau apan tawe maola'a su Iamangnga. Al᷊appe asasusa indi wuassia-U. Arawe arie tumuṛṛutta apulu-U ewe'e apulun Iamangnga.”

MARKUS 15:28

Ringannu aroddi nariaddite apa apan uawoṛṛetta sulal᷊ummu Wuke Susi, eteudde: “I Tou sassunnanna lai nareengnga taumata lal᷊eo.”]

MARKUS 16:19

Napawe Mawu Yesus suete nagahatto mangitou, i Tou nasengkengke watukku surga. Poiaroddi i Tou uaparenta su sampunna ringannu Ruata.

MARKUS 9:12

Mawu Yesus sinumimbakka, “I Elia atonna nirumanta paarorone ana waugu manuungngu sarangkanambone. Arawe ereapa olangnge ringannu Ana'u Taumata? Anio sulal᷊ummu Wuke Susi uawoṛṛetta manungku i Tou sarun matataṛṛangngu anambon asasusa wuṛṛu aal᷊uandahannu taumata?

MARKUS 9:24

Iamangngu ana'a udde lapiddu inumui, “Mawu, i ya'u mangngimanna, arawe pangangimangku adio'a. Tul᷊unga'a i ya'u tadea'u a'atambanna lai pangangimangku!”

LUKAS 17:5

Manga rasul nabbisara Mawu Yesus, “Mawu, tohassawe pangangimanni yami.”

LUKAS 23:11

I Herodes wuṛṛu manga tantarane mannalangnga wuṛṛu mangngal᷊uandaga Mawu Yesus, see nilluṛṛeannu laubbu awawantuga, wua'udde i Tou nirolokka apia ringanni Pilatus.

LUKAS 24:26

Wal᷊inewe Ratum Punnu Sal᷊amatta udde sarun mamendamma asasusa rorone, wua'udde na'omate su awawantug-Ge?”

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YOHANES 12:24

Mangke atonna wisara-U indi: Amungkangngu gandumma sambatu tawe iasi'a su leta'a wuṛṛu mate, i tou ta'e matatana'a sambatu. Arawe amungkangngu watun gandumma udde mate, wakkute udde i tou mabua manambo.

YOHANES 12:32

Arawe i Ya'u indi, amungkangngu i Ya'u suete niruitta su wowon runia, i Ya'u sarun mamago anambon taumata rumanta ringang-Ku.”

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

YOHANES 8:56

Iamangngu Abraham lembon lulluassa, manungku i tou sarun maasilo allo-U. I tou naasilote wuṛṛu i tou mangke lulluassa!”

WATTI'U MANGA RASUL 2:36

Ana waugu udde anambon taumatan Israel ṛinone maasingkatta atonna-tonna manungku Mawu Yesus apan niarussang kamiu udde, eteudde Mawu Yesus apan nitenegu Ruata maola'a Mawu wuṛṛu Ratum Punnu Sal᷊amatta!”

WATTI'U MANGA RASUL 3:15

Manga tuṛṛangnga namate si Tou, sumbal᷊i ete i Tou punnu wiakku taumata nambo. Wuṛṛu Ruata suete napaawiakki Tou apia wuassu papate. Wuṛṛu i yami suete naasilo sassane olangnge udde.

WATTI'U MANGA RASUL 5:31

Ruata suete nangonggolu aiananna wuṛṛu taṛṛino apan matanggakka si Tou eteudde Piaṛṛangnge wuṛṛu Punnu Sal᷊amatta; tadea'u walahannu Israel onggol᷊annu tempo mawal᷊u wuassu manga rosane wuṛṛu ampunganna.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

1 KORINTUS 1:18

Ana waugu su taumata apan mattudam papate, watti'a su ola'u papaten Kristus su alu arussa naudde watti'a wahia. Arawe si ite apan buatte niapaasal᷊amattu Ruata, watti'a udde maola'a lal᷊annu Ruata mapaal᷊iatta'u taṛṛino-Ne.

1 KORINTUS 1:23

Arawe i ite tumba'u mabbatti'i Kristus apan nate niarussa. Watti'a udde lai mammasendeka naungngu taumatan Yahudi, wuṛṛu sassunannu manga taumata wal᷊ine Yahudi udde awusu. Wuṛṛu taumata apan wal᷊ine Yahudi massunna udde sambau awawoddo.

EFESUS 2:16

Wuassu papate-Ne su alu arussa, Kristus napaaukku walahanna darua udde, wuṛṛu nandamen mangitou ringannu Ruata, na'oman sara nawul᷊ite pasaseetta udde.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

FILIPI 3:20

Arawe ete i ite tumana'u araratuannu surga. Ete wua isudde Ratun Punnu Sal᷊amatti ite, Mawu Yesus Kristus, sarun rumanta. Ete i Tou apan mangke raṛṛadoanni ite.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

IBRANI 1:13

Tawe saran paassa Ruata nabbisara arendi su saran sangkatou mala'ekatta, “Aiana'e su samba'a uanang-Ku, ma'oman sara manga seennu Ta'u iapaasubba Si'o.”

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

IBRANI 10:14

Nariaddi ringannu sasamba sambau, i Kristus napaasuungngu manga taumata apan suete niwaresi wuassu rosa.

IBRANI 10:33

Pattaṛṛa assa i yamiu a'al᷊uandahanna wuṛṛu a'olaanna tawe aregane su saruannu awada'alla. Pattaṛṛa assa lai yamiu uatataṛṛanga ringanni mangitou apan a'olaanna aroddi,

IBRANI 11:36

Piaddu lai a'al᷊uandahanna, pappuul᷊anna, niṛṛapussu ṛate wuṛṛu tinaṛṛo su tuttupanna.

IBRANI 12:3

Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

IBRANI 13:13

Ana waugu udde, wette i ite inai ringanni Tou su liuddu padasananna wuṛṛu mamendama aal᷊uandaga suadio'a ringanni Tou.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

IBRANI 7:19

Titan agama Yahudi tawe maaola'a sambau inolaanna apan masuungnga. Ana waugu udde i ite orassa indi nionggol᷊annu pangangantima lembon apianne; ringannu aroddi i ite wotongnge mangundanin Ruata.

IBRANI 8:1

Punnu anambon hatto indi eteudde: I ite uatahuanna Imam Wahewa apan ereudde, apan ua'ianna mammarenta su sambau ringannu Ruata Lembon Ahebal᷊anne su surga.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

YAKOBUS 2:1

Manga tuṛṛangku! Ere sangkatou taumata apan mangngimanna Mawu Yesus Kristus, Mawu Apan Mawantuga, arie i yamiu mamile taumata ana waugu ola'u ririne.

1 PETRUS 1:11

I mangitou mammarikissa ereapa wuṛṛu angngerate olangnge udde sarun mariaddi, apan ipappandumu Ghaṛṛahon Kristus sulal᷊ummu wadangi mangitou. Su tempo udde Ghaṛṛaho-Ne nabbal᷊o si mangitou su ola'u manga asasusa apan ṛinone apendamanni Kristus wuṛṛu su ola'u awawantu-Ge apan manansuna wua'udde.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

SONDAPPA 1:8

“Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.