IBRANI 12:15 - WUKE SUSI WATTI'U AL᷊AL᷊USASSA

¹⁵ Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

IBRANI 12:15 Iomraidhean Croise

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

SASABANGNGA 32:21

I tou nabbisara si Harun, “Apate niola'i mangitou si'o na'oman sara niwalanu i mangitou na'ola'a rosa wahewalla?”

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

YESAYA 5:4

Apate lai apan sarun Ta'u olaanna, arawe taambe Ta'u niola'a su waillu anggore-U udde? Anio wua mapakkadda apan niapasabbangnge, wal᷊inewe wua mapia ere apan a'antimang-Ku?

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

YEREMIA 2:21

I'o Ta'u nisuanna ere punnu anggore apan Ta'u nipile wuassu wualanna apan apianne. Arawe orassa indi i'o nawal᷊ute, naola'a sasuanna lul᷊u wuṛṛu tawe gunane.

LUKAS 22:32

Arawe i Ya'u suete inumal᷊iomanni yamiu, Simon, tadea'u pangangimannu tawe mallome. Wuṛṛu napawe i'o mabelengke ringang-Ku, i'o sarun manohassa manga tuṛṛangngu.”

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

1 KORINTUS 13:8

Tawe tempone, manungku taumata udde tawe maddarangngu. Orassa indi pia taumata apan masingkata mabbatti'u Watti'a wuassu Ruata, arawe i tou sarun mangillol᷊o mabbatti'u watti'a udde. Orassa indi piaddu masingkata mabbisara sulal᷊ummu al᷊awo'u sasinaukka apan maaṛṛindu'a, arawe i tou sarun mangillol᷊o mabbisara sulal᷊ummu manga sasisaukka udde. Orassa indi pia taumata apan masingkatu anambon inolaanna, arawe sal᷊immurine apa apan aasingkatanni mangitou udde sarun abbul᷊iananna.

1 KORINTUS 15:33

Arie awahianna! Pagahahawe apan lal᷊eo, mandal᷊eo pallal᷊agu mapia.

1 KORINTUS 5:6

Tawe su ṛinone i yamiu mamunga. Asinungka i yamiu naasingkate sasanato'a indi, “Ragi apan adio'a ma'aola'a aompengu taponna tumuwo!”

2 KORINTUS 13:5

Annama'o i yamiu maannammu watanganni yamiu sassane, apa i yamiu atonna-tonna mabbiakka ana waugu mangngimanna si Kristus! I yamiu sarun maatutukka manungku Kristus Yesus udde sulal᷊ummu naungngi yamiu! – waine lai olangnge amungkangngu i yamiu tawe mangngimanna atonna-tonna.

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

GALATIA 2:13

Manga tuṛṛangnga Yahudi apan waine lai nattanno ere lilangkamal᷊e'i Petrus, na'oman sara Barnabas niawoheanna lai nattanno pallal᷊agun mangitou.

GALATIA 5:4

Amungkangngu i yamiu maapulu masasangkapia apia ringannu Ruata wuassu lal᷊ummu titan agama, udde atappasanne paa'aukku ringanni Kristus nabassute. Ringannu aroddi yamiu mabbiakka su liuddu darangngun Ruata.

EFESUS 5:3

Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

TAHIUL᷊E 29:18

Nariaddi paatehamma imbaṛṛangnga pia sangkatou suwallati yamiu, esakka ara'e wawine, tuṛṛangnga ara'e ṛuanganna apan uarisikka isindi, tumal᷊iudda Mawu Ruatan kite wuṛṛu massubba manga Mawu balahanna waine. Inolaanna udde naal᷊ihidda ṛamutta apan tinumuwo naola'a sasuanna mapetta wuṛṛu ere pasangkada.

TAHIUL᷊E 32:32

Ana waugu i mangitou lal᷊eo ere Sodom wuṛṛu Gomora, ere punnu anggore apan mapetta wuṛṛu wuane ma'apate.

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

TITUS 1:15

Sarangkanambone udde susi su manga taumata apan susi. Arawe su manga taumata apan ṛingiranne lal᷊eo wuṛṛu tawe pangangimanne, tawe sambau sarannapa apan susi, ana waugu ṛingiranne wuṛṛu lal᷊ummu naungngi mangitou nalal᷊eote!

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.

IBRANI 4:11

Ana waugu udde, wette i ite maddea'a ringannu atonna-tonna ana see maasengkamma allom pangangillol᷊oanna apan suete nipa'iren Ruata udde. Arie pia sangkatou wuassi ite tawe maasomba ere i mangitou rorone, ana waugu tawe mangngimanna Ruata.

IBRANI 6:11

I yami ma'apulu taasul᷊unge tadea'u i yamiu sangkatou-sangkatou maṛṛimadda saran panginsueanne, ma'oman sara i yamiu manengkamma apa apan a'antimanni yamiu udde.

YOSUA 6:18

Imbaṛṛanga manganu saran sambau wuassu anambon saranapa apan ṛinone ṛimunsaanna. Amungkangu i yamiu manganu, paddasanannu Israel sarun aṛṛiaannu asasilaka wuṛṛu asasusa.

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

2 PETRUS 3:11

Ana waugu sarangkanambone udde sarun ṛimunsaanna ringannu olangnge apan aroddi, ereapate ṛinone i yamiu mabbiakka? I yamiu mabbiakka susi wuṛṛu hunane tumba'u su Ruata sassane,

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

2 YOHANES 1:8

Ana waugu udde, paariaggaite arie ma'oman sara i yamiu awul᷊iannu apa apan suete nionggoli yami si yamiu. Paddea'e tadea'u i yamiu manengkamma lal᷊antake wuassu Ruata.