IBRANI 11:9 - WUKE SUSI WATTI'U AL᷊AL᷊USASSA

⁹ Ringannu mangngimanna, i Abraham natana'a ere sangkatou raho su leta'a apan suete pina'iren Ruata si tou udde. I Abraham uatana'a isudde su rasanna. Aroddi lai Ishak wuṛṛu i Yakub, apan nanengkamma paaire apan nassul᷊ungnga wuassu Ruata.

IBRANI 11:9 Iomraidhean Croise

PANDARIADDI 12:8

Wua'udde i tou nanassukku amatanne watukku timukka, watukku wageangngu leta'a pia bowone su samba'an da'i soan Betel, wuṛṛu naddasanna suwallatu Betel wuṛṛu soa Ai; Betel su samba'an baṛṛata wuṛṛu Ai su samba'an da'i. Isudde lai i tou napararisikku mezbah wuṛṛu nassubba Mawu.

PANDARIADDI 13:18

Wua'udde i Abram nangingkattu rasanne ana see namanuate maranin manga punnu aaluanna pia taṛṛinone tampa patataṛṛamawuanna su Mamre maranin Hebron, wuṛṛu isudde i tou napararisikku mezbah su Mawu.

PANDARIADDI 13:3

Ne i tou inaite wuassu tampa sambau watukku tampa waine, mattuda watukku Betel. I tou na'omate su leta'a su wallatu Betel wuṛṛu Ai, su tampa pia taṛṛinone suapa i tou dorone naddasanna

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

PANDARIADDI 18:6

I Abraham nasasaṛṛawutta sinumutta sulal᷊ummu rasanne wuṛṛu nabbisara si Sara, “Paasaṛṛawutta manganu taponna sangkaronga apan apianne, wuṛṛu pa'ola'e roti mal᷊imbulunna.”

PANDARIADDI 18:9

Wua'udde i mangitou naiwal᷊o, “Suapa i Sara, awingngu?” “Poiaroddi sulal᷊ummu rasanna,” sasimbakki Abraham.

PANDARIADDI 21:34

Wua'udde i Abraham natana'e su wanuan taumatan Filistin.

PANDARIADDI 23:4

“I Ya'u indi taumata raho apan uatana'a su pattangngannu manga tuṛṛangnga; walaawe i ya'u mamalli leta'a tadea'u i ya'u wotongnge mallabingngu awingku.”

PANDARIADDI 25:27

Ana'a darua udde aatambanna ahewalle. I Esau nabbal᷊i limalul᷊u apan pande wuṛṛu apulune uatana'a su wadda'a, arawe i Yakub matammudda wuṛṛu apulune uatana'a su wal᷊en.

PANDARIADDI 28:4

Antimanna Mawu mangal᷊amatta si'o wuṛṛu papapulunnu, ere lai Tou buatte nangal᷊amatta si Abraham, wuṛṛu antimanna i'o manahuanna leta'a apan wawanuannu indi, apan buatte nionggolu Ruata si Abraham!”

PANDARIADDI 31:25

Su tempo udde i Yakub buatte napararisikku rasanne su sambau wuidda. Wua'udde su sambau wuidda waine su wageangu leta'a udde lai Laban wuṛṛu manga taumatane napararisiku rasanne.

PANDARIADDI 35:27

Ana see i Yakub na'omate ringanni Ishak iamangnge, su tampa atatanaanne su Mamre maranin Hebron. (Dorone i Abraham iupungnge, uataana'a lai poiaroddi).

PANDARIADDI 36:7

I Esau nattal᷊em i Yakub ana waugu darotongngi mangitou tumaniten manambo na'oman sara i mangitou tawe mapabiakka su sambau. Ana see lai su wanua apan atatanaanni mangitou udde tawe mattiudda annu winatangngi mangitou apan tumanite manambo udde.

PANDARIADDI 47:9

sasimbakki Yakub, “Allangngu nabiakka maṛṛasutta tallun pul᷊o su tonnane naola'a mamamal᷊intadda. Allangngu mabbiakka napenen asasusa wuṛṛu maautta amungkangngu isul᷊ungngu uukku al᷊amonan allangngu ere mamamal᷊intadda.”

DARALO 105:12

Dorone al᷊aṛṛana'u Ruata mabbiakka ere taumata raho poiaroddi reenganni mangitou tumba'u addio'a.

YEREMIA 35:7

I yami tawe wotongnge mabbailla, wuṛṛu lai wotongnge mamaṛṛe ara'e manahuanna waillu anggore. Su al᷊o'engngu pabbiaṛṛanna, i yami lai tawe wotongnge mapararisikku wal᷊en. I yami ṛinone matana'a su rasanna, tadea'u wotongnge mamanua su leta'a indi ere taumata raho.

IBRANI 6:17

Ruata ma'apulu manualaga su manga taumata apan manengkamma paaire-Ne, manungku i Tou tawe mamal᷊u ṛiin-Ne. Ana waugu udde i Tou nanamba sasalu su pa'aire-Ne udde.