IBRANI 11:6 - WUKE SUSI WATTI'U AL᷊AL᷊USASSA

⁶ Amungkangu tawe pangangimanna, tawe saran sangkatou apan wotongnge maal᷊uassa naungngu Ruata. Ana waugu taumata apan rumanta ringannu Ruata ṛinone mangngimanna manungku pia Ruata, wuṛṛu manungku Ruata mangonggolu wawal᷊inne su taumata apan maddea'a si Tou.

IBRANI 11:6 Iomraidhean Croise

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

AYUB 21:14

Sumbal᷊i i mangitou buatte nabbisara Ruata, “Pangindaute si yami wuṛṛu roote! I yami tawe maddaringikka wuṛṛu maddiri massunna pandumanna wuṛṛu apulu-Nu su pabbiaṛṛanni yami.”

DARALO 106:24

Wua'udde i mangitou nanol᷊a'u wanua apan maṛṛamaga udde ana waugu tawe mangimanna pairen Duata.

DARALO 119:10

Ringannu ahewallu naungku i ya'u mattinsahadda ma'illal᷊a Si'o, arie pabbala'a i ya'u sumewadda wuassu parenta-Nu.

DARALO 58:11

Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

DARALO 73:28

Arawe si ya'u tumaniten mapia maranin Duata, Mawu Ruata ta'u niola'a tampa pattillummangku, tadea'u i ya'u wotongnge mamasingkattu al᷊awo'u inolaan-Ne.

DARALO 78:22

ana waugu i mangitou tawe mangimanna Ruata, su taṛṛino-Ne apan wotongnge manal᷊amatta si mangitou.

DARALO 78:32

Salaiwe aroddi al᷊aṛṛanang-Nge sidutu marosa, manga al᷊aṛṛindung-Nge tawe naola'a si mangitou mangimanna.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YESAYA 7:9

Israel tawe mattohasanna wuassu Samaria, inangngu soane, wuṛṛu Samaria tawe mattohassanna wuassi Ratu Pekah. Amungkangngu i yamiu tawe atonna-tonna mangngimanna si Ya'u, i yamiu sarun tawe maaro'appa.”

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

REENGANNA 14:11

Mawu nabbisara si Musa, “Ta'e pira tempo lai al᷊annune manga taumata indi lullawangnga si Ya'u? Sara tingngera i mangitou maddiri mangimanna si Ya'u, salaiwe i Ya'u buatte na'ola'a aroddi anambone al᷊aṛṛidu'a su wallati mangitou?

REENGANNA 20:12

Arawe Mawu nabbisara si Musa wuṛṛu si Harun, wisara-Ne, “Ana waugu pangangimanni raddua si Ya'u tumaniten matul᷊ungnga, i Ya'u mapal᷊iatta'u taṛṛino-U apan susi su saruannu walahannu Israel, iraddua tawe maapiaṛṛa'i mangitou sumutta su wanua apan pina'ire-U si mangitou.”

MATIUS 11:26

Eteudde ma'al᷊uassa naungngu Iamangnga.”

MATIUS 5:12

Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

MARKUS 16:17

Maola'a sambau tatiala manungku i mangitou mangngimanna, manga taumata udde sarun mallimbuakka ghaṛṛaho lal᷊eo ringannu arang-Ku; i mangitou sarun mabbisara sulal᷊ummu al᷊awo'u wisara apan taambe niasingkatanni mangitou.

LUKAS 12:31

Arawe i yamiu ṛinone padea'a tadea'u Ruata mamarenta sulal᷊ummu wiakku, ne waine udde lai sarun ionggolu Ruata si yamiu.”

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

ROMA 10:14

Arawe ereapa lal᷊anne taumata wotongnge maitul᷊ungnga su Mawu amungkangngu i mangitou taambe nangimanna? Wuṛṛu ereapa i mangitou wotongnge mangngimanna Mawu amungkangngu i mangitou taambe naaringikka su ola'i Tou? Wuṛṛu ereapa lai i mangitou wotongnge maaringikka Watti'u Mawu amungkangngu tawedu mamasingkata?

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

IBRANI 11:26

I Musa mammendama manungku maareganne marau i tou maasomba aal᷊uandaga ana waugu Ratum Punnu Sal᷊amatta apan pina'iren Ruata udde, wuassu maasomba al᷊awo'u darotongngu wanuan Mesir, ana waugu Musa uaantima lal᷊antake su allo murine.

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

IBRANI 4:2

Ana waugu Watti'u Al᷊al᷊uassa udde suete niapaasingkata si ite ere lai si mangitou. Arawe si mangitou watti'a udde tawe gunane. Ana waugu su tempo i mangitou naaringikka, i mangitou tawe mangngimanna.

IBRANI 4:6

Nariaddi i mangitou apan paarorone atonna naaringikka watti'a su ola'u Watti'u Al᷊al᷊uassa udde, tawe maasengkamma pangangillol᷊o udde ana waugu i mangitou tawe mangngimanna. Amungkangu aroddi natualage manungku pia manga taumata waine apan botonge maasengkamma pangangillol᷊o udde.

IBRANI 7:19

Titan agama Yahudi tawe maaola'a sambau inolaanna apan masuungnga. Ana waugu udde i ite orassa indi nionggol᷊annu pangangantima lembon apianne; ringannu aroddi i ite wotongnge mangundanin Ruata.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

2 PETRUS 1:5

Ana waugu udde, pattinsahadde atonna-tonna tadea'u i yamiu sidutu mangngimanna Mawu Yesus Kristus wuṛṛu pangangimannu udde rarundinganannu wiakka apan mapia. Su liuddu wiakka apan mapia i yamiu wotonge maola'a taumata pia asingkata,

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

RUT 2:12

Antimanna Mawu mabbal᷊issa al᷊awo'u apapianu. Antimanna i'o manengkamma al᷊awo'a apan ṛinone ionggolu Mawu, Ruatan Israel si'o, ana waugu i'o nirumantate mangimanna wuṛṛu uasirungnga si Tou!”