IBRANI 11:37 - WUKE SUSI WATTI'U AL᷊AL᷊USASSA

³⁷ I mangitou tinuntungannu watu na'oman sara nate, piaddu niponggo'u laṛṛahari, wuṛṛu piaddu nipaten hal᷊ele. I mangitou lullallele ringannu laubba wuassu pisin domba ara'e pising kambinga; i mangitou asiangnga, pappateanna wuṛṛu sassansaranna.

IBRANI 11:37 Iomraidhean Croise

2 SAMUEL 12:31

Wua'udde lai tumanangnge niapidda, wuṛṛu niapaapiddu laṛṛahari, pasolla atta'a, wuṛṛu papaangnga atta'a ne i mangitou niapamanara su tampan pa'olaanna tela. Saṛṛene udde niolangnge lai su tumana'u manga soan Amon apan baine. Wua'udde i Daud wuṛṛu tantarane sarangkanambone nabelengke su Yerusalem.

1 MARARATU 18:13

Apa Iamangnga taambe naaringikka manungku sutempo Izebel namate manga nabi Mawu, i ya'u namuni 100 su atoune wuassi mangitou sulal᷊ummu loṛṛangnga – 50 suatoune sulal᷊ummu sambau loṛṛangnga – wuṛṛu nangonggollu anna wuṛṛu ua'e si mangitou?

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 19:1

I Ratu Ahab nabbatti'a su awingnge i Izebel, sarangkanambone apan buatte niola'i Elia, wuṛṛu lai ereapa i Elia namate anambon nabin Baal.

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”

1 MARARATU 19:13

Sutempo i Elia naaringikka tingikka udde, i tou nanaappa hatine ringannu jubane, see sinumabbangnga wuṛṛu dirumarisikka su moṛṛongngu loṛṛangnga udde. Ne niaringikke tingikka apan mabbisara, “Elia, tantal᷊anna ma'ura i'o isindi?”

1 MARARATU 19:14

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara ate su huna-Nu sassane. Arawe umattu Israel nilumawangnga pa'aire mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane apan nallambe, wuṛṛu orassa indi i mangitou maddea'a mamate si ya'u!”

1 MARARATU 19:19

Ne i Elia inaite wuṛṛu naaratingnga si Elisa tantal᷊anna mammajeko. Pia mapul᷊o dua su parene sapi su saruanne wuṛṛu i Elisa sassane mamajeko ringannu sapi sampare apan panginguseanne. Sutempo i Elia sinumabbi maranin Elisa, i Elia nalluatta jubane wuṛṛu nisampe su wambangngi Elisa.

1 MARARATU 21:10

Doloṛṛa'a ruan katou taumata lal᷊eo ua'ianna uasaruanna si tou wuṛṛu mangansilla si tou manungku i tou buatte nantal᷊an Duata wuṛṛu ratu. Ana see apira'e i tou watukku liuddu soa, wuṛṛu tuntungken batu ma'oman sara mate!”

2 MARARATU 1:8

“I tou ualuṛṛen Juba wuṛṛu aiittu lawanne niola'a wuassu pisin binatangnga,” sasimbakki mangitou. “O, udde i Elia!” sasimbakku ratu.

2 MARARATU 2:13

ana see namurutta juban Elia apan nanawo. Wua'udde i tou nabelengnga wuṛṛu dirumarisikka apia su wiwikku Sal᷊ukku Yordan,

2 MARARATU 2:8

I Elia namallossu jubane, ana see nilul᷊unna wuṛṛu niwal᷊atta su ua'en sal᷊ukka udde. Ne ua'en sal᷊ukka udde natahia darua, na'oman sara itaruan Elisa wotongnge naamatta su mamaranne.

1 TAWARIKH 20:3

Wua'udde i Daud nangapiddu tumana'u soan Raba udde wuṛṛu namata'i mangitou mammanara ringannu mappaattu laṛṛahari, pasolla, wuṛṛu papaangnga. Manara udde niolangnge lai su manga soan Amon waine. Wua'udde i Daud wuṛṛu anambon tantarane nabelengke watukku Yerusalem.

2 TAWARIKH 24:21

Arawe awadaalla apan uaammula udde suadio'a ringanni Ratu Yoas mannal᷊are si Zakharia. I tou tate mannaungnga inasaharanna wuṛṛu tatuṛṛutti Yoyada, iamangngi Zakharia. Wuassu parentan datu, Zakharia tinuntungannu watu na'oman sara nate su rallakku Wal᷊en Mawu. Sutempo i tou matete, i Zakharia sinumal᷊ande, “Antimanna Mawu ma'ellega inolaanna indi wuṛṛu mabbal᷊issa!”

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 26:23

Ana see i mangitou nangapiddi tou mabbelengna ringanni Ratu Yoyakim. Wua'udde ratu nandolokka niapapate si tou, wuṛṛu winal᷊unanne niramme su labbingngu awadaalla.

ZAKARIA 13:4

Su allo udde, manga nabi sarun maapendamma asasili ma'ola'a manaran sangkatou nabi. I mangitou tate malluṛṛen laubbu nabi ipamahia wuṛṛu ipamarabungan manga sondamme.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

MATIUS 21:35

Arawe manga mamamanaram bailla udde nanametta manga ralol᷊oṛṛannu tatahuannu leta'a udde. Sangkatou nipuulla, waine nipate wuṛṛu waine lai niwaretannu watu.

MATIUS 3:4

I Yohanes ual᷊uṛṛen laubba wuassu wambul᷊un unta. Papeṛṛenne wuassu pisim binatangnga wuṛṛu anni tou saṛṛapalanna wuṛṛu pul᷊an ahuranganna.

MATIUS 8:20

Mawu Yesus sinumimbakka, “Serigala pia loṛṛangnge wuṛṛu manu'u winalanganna pia sal᷊akke, arawe Ana'u Taumata tawe tampa lallalowanganne.”

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

WATTI'U MANGA RASUL 14:19

Manga pira taumatan Yahudi apan nirumanta su Listra wuassu Antiokhia su Pisidia wuṛṛu Ikonium mammono'a awada'alla, na'oman sara taumata nambo udde nanamba'a si mangitou. I mangitou nanuntungngu watu si Paulus, wuṛṛu namol᷊engnga si tou watukku liuddu soa. I mangitou massunna naudde i tou natete,

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

2 KORINTUS 12:10

Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.

IBRANI 11:25

Mappianne i tou matataṛṛanga su sambau ringannu walahannu Ruata wuassu i tou mattemma al᷊al᷊uassa tal᷊ang kadio'a mabbiakka su paddarosa.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”