IBRANI 11:32 - WUKE SUSI WATTI'U AL᷊AL᷊USASSA

³² Ne, i ya'u wotongnge lai tawe illol᷊one mabbisara, arawe orassa tawe natimu si ya'u. Ana waugu i ya'u lai taambe nanagon Gideon, i Barak, i Simson, i Yefta, i Daud, i Samuel wuṛṛu manga nabi.

IBRANI 11:32 Iomraidhean Croise

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

MATIUS 5:12

Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

LUKAS 13:28

Su tempo i yamiu naasilo si Abraham, si Ishak wuṛṛu si Yakub wuṛṛu anambon manga nabi lulluassa sulal᷊ummu Runia Wakku Ruata, i yamiu sarun lumuai wuṛṛu matataṛṛangnga susa ana waugu i yamiu sassane nillimbuaṛṛanna watukku liudde!

LUKAS 16:31

Arawe i Abraham sinumimbakka, ‘Amungkangngu i mangitou maddiri madaringikka tita Musa wuṛṛu manga nabi, atonna-tonna i mangitou tawe mangngimanna lai, salaiwe pia taumata nate mabbiakka apia.’ ”

YOHANES 21:25

Ta'e manambo lai hatto waine apan niola'u Mawu Yesus. Unnu wisara sarangkanambone udde iwoṛṛetta passam bau, i ya'u mammendamma tawe a'ionanne ahewallu runia indi pangadoannu anambon wuke apan sarun iwoṛṛeta udde.

WATTI'U MANGA RASUL 10:43

Anambo manga nabi mabatti'i Tou. I mangitou mabbisara manungku anambon taumata apan mangngimanna Mawu Yesus, sarun ampunganna rosane ringannu taṛṛino wuassu Ruata.”

WATTI'U MANGA RASUL 13:20

Sarangkanambone udde nariaddi appatu ṛasutta limam pul᷊o su tonnane al᷊annune. Napawe suete nattahia leta'u Kanaan udde, Ruata nangonggolu manga mallaṛṛuungnga si mangitou. Mallaṛṛuungnga panginsueanne eteudde i Nabi Samuel.

WATTI'U MANGA RASUL 3:24

Manga nabi apan suete namasingkattu watti'u Ruata, manattakka wuassi Nabi Samuel wuṛṛu manga nabi waine apan nirumanta sal᷊immurine, sarangkanambone namasingkatta su ola'u tempo indi.

ROMA 3:5

Arawe amungkangngu taṛṛinon Duata lembon nilumiatta'e, ana waugu i ite ma'ola'a pasasal᷊a, apa sarun iwisaran kite? Manungku Ruata wengkolla amungkangngu i tou maṛṛuumanni ite? (Atonna aiwal᷊o indi maṛṛia'a su taumata.)

ROMA 4:1

Amungkangngu aroddi, apa apan wotongnge iwisara su ola'i Abraham iupungngu al᷊amonan walahanni ite? Ereapa watti'u pabbiaṛṛanne?

ROMA 6:1

Amungkangngu aroddi, apa apan sarun iwisarang kite? Ṛinonewe i ite sidutu ma'ola'a rosa, tadea'u Ruata lembo mandangngu si ite?

ROMA 7:7

Amungkangngu aroddi, apa ipabbisaran kite? Manungku titan agama Yahudi lal᷊eo? Asinungka tawe. Arawe ete tita udde apan nangaṛṛa'a si ya'u su ola'u rosa. I ya'u sarun tawe maasingkatta awawal᷊iu udde apa, amungkangngu tawe titan agama namasingkatta. “Imbaṛṛangnga wal᷊iu.”

YAKOBUS 5:10

Manga tuṛṛangnga, paanaunge manga nabi apan mabbisara ringannu arannu Mawu. I mangitou masabbare wuṛṛu mataṛṛanga su asasusa. Nariaddi ola'e i mangitou ere sambau tul᷊ada.

2 PETRUS 1:21

Ana waugu, tawe saran paassa tanatan Duata ipappasingkata tumba'u ana waugu apulun taumata. Arawe Ghaṛṛahon Duata uataṛṛino su tamuata apan mammasingkatu tanata Ruata sassane.

2 PETRUS 3:2

I ya'u mandolokka tadea'u i yamiu mannaungnga manga wisara apan rorone suete niwisara manga nabi Ruata, wuṛṛu parentan Mawu. Ratum Punnu Sal᷊amatta apan niapassingkatu manga rasul si yamiu.

MAL᷊AṚṚUUNGNGA 13:24

Manga pira wul᷊anna wua'udde awingngi Manoah nanungkangngu sangkatou ana'a esakka wuṛṛu aranne nisaggo i Simson. Ana'a udde naola'a wahewalla wuṛṛu nial᷊amatannu Mawu;

MAL᷊AṚṚUUNGNGA 15:20

Ruan pul᷊o su tonnane al᷊annune i Simson uapiaṛa'u walahannu Israel su tempo i mangitou paparentannu taumatan Filistin.

MAL᷊AṚṚUUNGNGA 4:1

Napawe i Ehud natete, walahannu Israel na'ola'e rosa apia su Mawu.

MAL᷊AṚṚUUNGNGA 6:1

Paassa lai walahannu Israel na'ola'a rosa su Mawu, na'oman sara i Tou namalan walahannu Midian namarenta si mangitou pitu tonna al᷊annune.

MAL᷊AṚṚUUNGNGA 6:11

Su allo sambau mala'ekattu Mawu nirumanta su soa Ofra, ana see niuma'ianna su al᷊ungngu alu terpentin, pussa'an Yoas, sangkatou wuassu Amonanni Abiezer. Anangnge aranne i Gideon, tantal᷊anna mattappa gandumma sutampa pamakkannu anggore. I tou mammanara udde ringannu ma'imbuni tadea'u tawe asiloannu taumatan Midian.

MAL᷊AṚṚUUNGNGA 6:14

Wua'udde Mawu nangonggolu parenta indi si Gideon, “Ringannu ahewallu atatohannu roote pamallossu taumatan Israel wuassu parentan taumata Midian. Ete i Ya'u Mawu apan nandolokku.”

1 SAMUEL 1:20

Wawine udde piate illoṛṛo wuṛṛu nanungkangu sangkatou ana'a esakka. Ana udde nisaggo Samuel, wisarane, “Buatte ta'u niroronganna su Mawu.”

1 SAMUEL 12:11

Wua'udde Mawu nandolokki Gideon, ana see i Barak, wua'udde i Yefta, wuṛṛu panginsueanne ya'u. Yami sambau-sambau buatte namallossi yamiu wuassu seennu, na'oman sara i yamiu wotongnge mabbiakka mal᷊angnganna.

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”

1 SAMUEL 16:13

I Samuel lapiddu nanganu lanan zaitun wuṛṛu nanenegi Daud ringannu darohan pallal᷊ana su saruannu manga iaangnge. Su orassa udde lai i Daud niintaṛṛoannu Ghaṛṛahon Mawu. Nanattakka allo udde wuṛṛu su allo addantane Ghaṛṛahon Mawu sidutu uarundinganna si tou. Wua'udde i Samuel napul᷊ete watukku Rama.

1 SAMUEL 17:45

Arawe i Daud sinumimbakka, “I'o rumanta mando'appa si ya'u ringannu hal᷊ele, sambeangnga wuṛṛu wangkao, arawe ya'u rumanta mando'appa si'o ringannu arannu Mawu Apan Lembontaṛṛino, Ruatan tantaran Israel apan aal᷊uandahannu udde.

1 SAMUEL 2:11

Ana see i Elkana wuṛṛu amonanne napul᷊ete watukku Rama, arawe i Samuel, ana'a udde, natana'e su Silo wuṛṛu mangngimbe Mawu su al᷊ungngu lu'addi Imam Eli.

1 SAMUEL 2:18

Tantal᷊anna udde, i Samuel apan ta'e al᷊aṛṛana'a udde sidutu mangngimbe Mawu. I tou ual᷊uṛṛen laubba al᷊aṛṛaene wuassu linen, naal᷊ihidda laubbu patataṛṛamawun manga imam.

1 SAMUEL 2:4

Anaannu atumannaṛanne napaddite, arawe lembon matohasse taumata lome.