IBRANI 11:3 - WUKE SUSI WATTI'U AL᷊AL᷊USASSA

³ Ana waugu mangngimanna, ne i ite ma'asunna manungku runia indi niola'u ṛengetannu Ruata; nariaddi, apa apan a'asiloanna, niola'a wuassu apa apan tawe asiloanna.

IBRANI 11:3 Iomraidhean Croise

PANDARIADDI 1:1

Su al᷊amonane, su tempo Ruata nanattakke mandiaddi ul᷊ilin pati'uppa,

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

DARALO 33:9

Ana waugu i Tou nakkengetta, ana see sarangkanambone nariaddi; i Tou nanita, ana see sarangkanambone piate.

YESAYA 40:26

Paningngarate langitta, wuṛṛu panutukke! Isaite apan nallanginnu manga anumpitanna? I Tou apan mangngatokki mangitou naal᷊ihidda ere barisanna, i Tou masingkattu anambon mangitou sarangkanambone, wuṛṛu mammaggo sambau-sambau ringannu aranne. Tawe saran sambau apan mawul᷊i ana waugu ahewallu taṛṛinon Mawu!

YEREMIA 10:11

I yamiu, ei umatta, ṛinone mamasingkatta si mangitou mangungku manga monganna apan tawe nandiaddi langitta wuṛṛu runia udde sarun ṛimunsaanna. I mangitou sarun mawul᷊i wuassu wowon dunia.)

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YOHANES 1:3

Sarangkanambone niola'a sulal᷊ummi Tou, wuṛṛu wuassu al᷊awo'u apan piate, tawe saran sambau apan inola'a tawedi Tou.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

WATTI'U MANGA RASUL 17:24

Ruata apan nandiaddi runia indi wuṛṛu al᷊awo'u lal᷊oṛṛone, ete i Tou Ruatan su langitta wuṛṛu runia. I Tou tawe uatana'a su manga wal᷊em paal᷊uanna apan niola'u taumata.

ROMA 4:17

Ana waugu Ruata nabbisara arendi si Abraham, “I Ya'u suete nandiaddi si'o iamangngu al᷊awo'u walahanna.” Aroddite Ruata nangonggolu paaire udde si Abraham. Wuṛṛu Abraham mangngimanna si Tou. Ete i Tou Ruata apan mapaawiakku taumata nate; ete i Tou lai Ruata apan ringannu tumba'u mabbisara ma'ola'a apa apan taambe naola'a su runia, mariaddi su runia.

1 KORINTUS 2:7

Apapande apan ta'u iwal᷊o udde eteudde apapande wuassu Ruata. Apapande udde awaganannu runia, arawe Ruata suete nanaddia lal᷊umanna'i ite ro'en runia indi taambe niriaddi.

1 TIMOTIUS 4:5

Ana waugu al᷊amatta wuassu Ruata wuṛṛu aal᷊iomanna maaola'a anna udde tawe palline.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

IBRANI 6:5

I mangitou masingkata wuassu ola'u pabbiaṛṛani mangitou manungku wisaran Ruata udde mapia, wuṛṛu i mangitou suete naapendama manga al᷊amatta apan napenen taṛṛino wuassu tempo apan sarun dumanta.

2 PETRUS 3:5

I mangitou atonna tawe manga'u manungku su al᷊amonane Ruata nandiaddi langitta wuṛṛu runia wuassu ṛengtan-Ne. Runia niriaddi-Ne wuassu ua'e, wuṛṛu ringannu ua'e;

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”