IBRANI 11:13 - WUKE SUSI WATTI'U AL᷊AL᷊USASSA

¹³ Anambon taumata udde sidutu mangngimanna ma'oman sara mate. I mangitou tawe naasengkamma manga inolaanna apan pina'iren Ruata, arawe tumba'u ma'ellega wuṛṛu mannal᷊oho wuassu marau. Wuṛṛu ringannu udde i mangitou nabbal᷊o manungku i mangitou tumba'u taumata raho wuṛṛu mamamal᷊intadu runia indi.

IBRANI 11:13 Iomraidhean Croise

PANDARIADDI 21:34

Wua'udde i Abraham natana'e su wanuan taumatan Filistin.

PANDARIADDI 23:4

“I Ya'u indi taumata raho apan uatana'a su pattangngannu manga tuṛṛangnga; walaawe i ya'u mamalli leta'a tadea'u i ya'u wotongnge mallabingngu awingku.”

PANDARIADDI 47:9

sasimbakki Yakub, “Allangngu nabiakka maṛṛasutta tallun pul᷊o su tonnane naola'a mamamal᷊intadda. Allangngu mabbiakka napenen asasusa wuṛṛu maautta amungkangngu isul᷊ungngu uukku al᷊amonan allangngu ere mamamal᷊intadda.”

PANDARIADDI 48:21

Ana see i Yakub nabbisarate si Yusuf, “Erete lai aellehannu, papate'u maranite, arawe Ruata sarun mantul᷊ungngi yamiu wuṛṛu mangapiddi yamiu mabelengnga watukku wanuan al᷊amonanu.

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

PANDARIADDI 49:28

Eteudde mapul᷊o dua ṛuangannu Israel, wuṛṛu manga wisara apan niwisaran iamangngi mangitou napawe nangonggolu tabbean patatal᷊ei si mangitou sambau-sambau.

PANDARIADDI 49:33

Napawe i Yakub buatte nananata su manga anangnge, i tou nilumallowangke ana see natete.

PANDARIADDI 50:24

Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

AYUB 19:25

I ya'u masingkatta manungku su surga pia Mananambaa'u; panginsueanne i Tou sarun dumanta mangontolla si ya'u.

DARALO 119:19

Tawe mal᷊annu i ya'u matana'a su runia, ariewe mamunin tita-Nu si ya'u.

DARALO 39:12

Taumata ana waugu pasasal᷊ane; niṛṛuuman-Nu wuṛṛu pappuul᷊an-Nu naal᷊ihidda wiangnga niṛṛimunsa-Ngu apa apan maarega si tou. Atonna, taumata naal᷊ihidda sasabbangu singangu.

SASABANGNGA 2:22

I Zipora nanungkangngu sangkatou ana'a esakka. Ana'a udde aranne nissaggo i Gersom, ana waugu i Musa naṛṛingidda, “I ya'u sangkatou raho isindi.”

IMAMATTA 25:23

Letangngu tawe wotongnge iwal᷊u'a sarangkal᷊o'engnge, ana waugu leta'a udde wal᷊ine pussaanu, ewe'e pussa'an Duata. I yamiu tumba'u ere taumata raho apan niwala mappaattu leta'a udde.

REENGANNA 10:30

Sasimbakki Hobab, “Adiangkamanna, arawe i ya'u mappulu mabelengnga su wanua'u.”

REENGANNA 24:17

Ellehangku i tou, arawe wal᷊ine orassa indi; saileangku i tou, arawe ro'en marau. Sangkatou ratu wuassu Israel darantane, sarun dumanta naal᷊ihidda anumpitanna masemakka. Manga piaṛṛa'u Moab sarun ṛimunsaanne walahanni Set sarun pateanne.

MATIUS 13:17

Paanaunge, manambonabi wuṛṛu taumata apan tuttuṛṛutta Ruata maapulu ma'ellega apa apan a'ellehanni yamiu orassa indi, arawe i mangitou tawe maasilo. I mangitou ma'apulu maddaringikka apa apan raddaringiṛṛanni yamiu su orassa indi, arawe i mangitou tawe maaringikka.”

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

YOHANES 8:56

Iamangngu Abraham lembon lulluassa, manungku i tou sarun maasilo allo-U. I tou naasilote wuṛṛu i tou mangke lulluassa!”

ROMA 4:21

I tou mangngimanna atonna manungku Ruata wotongnge manipussa paaire-Ne.

ROMA 8:24

Ana waugu ringannu mangngantimma, i ite sarun masal᷊amatta. Arawe amungkangngu apa apan aantimanni ite suete niasiloanni ite, ne udde wal᷊ine lai antimma. Ana waugu isai lai mangantimma apa apan buatte niasiloanne?

2 KORINTUS 4:18

Ana waugu i yami tawe ma'innunu manga inolaanna apan aasiloanna, arawe apa apan tawe aasiloanna. Apan aasiloanna tumba'u tal᷊an kadio'a, arawe apa apan tawe aasiloanna udde mal᷊annu-l᷊annu sarangkal᷊o'engnge.

2 KORINTUS 5:6

Ana waugu udde naungngi yami sidutu uapendama atatohassa. I yami masingkata manungku tantal᷊anna yami ta'e uatana'a sulal᷊ummu wadangngi yami indi, yami marau wuassu wal᷊e apan sarun atanaanni ami suadio'a ringannu Mawu.

EFESUS 2:19

Ana waugu udde, i yamiu tate lai nasutta taumata lo'a ara'e taumatan liudde. Orassa indi yamiu nareengke walahannu Ruata. I yamiu lai naola'e al᷊aṛṛana'u lal᷊oṛṛon araratuannu Ruata.

IBRANI 11:14

Taumata apan nabbisara aroddi mapaal᷊iatta'a ringannu masemakka, manungku i mangitou tantal᷊anna maddea'a wanua apan maola'a leta'a pussa'a atatanaanni mangitou.

IBRANI 11:17

Ana waugu mangngimanna lai, i Abraham nanantilli Ishak maola'a sambau sasamba su tempo i tou niannamannu Ruata. Ete tumba'u si Abraham Ruata nangonggolu pa'aire-Ne, arawe i Abraham ma'apulu nanantillu anangnge apan man sambau udde.

IBRANI 11:27

Ana waugu mangngimanna, ne i Musa nanantangu Mesir ringannu tawe matta'utta su asasa'un ratu. Musa niumamatta mattudam pattudanne ere ola'u i tou naasilote Ruata apan tawe asiloanna udde.

IBRANI 11:39

Tumanitem wahewalla auntunganna apan niaobaannu anambon taumata udde ana waugu pangangimanni mangitou! Arawe i mangitou tawe maasengkamma apa apan suete pina'iren Ruata,

1 PETRUS 1:1

Manga tuṛṛangnga walahanna nipilen Duata, apan uasal᷊iawukka su anambon banua su leta'u Pontus, Galatia, Kapadokia, Asia wuṛṛu Bitinia! I ya'u, Petrus, rasulli Yesus Kristus, mangngantimma doronganna Ruata mangonggolu al᷊amatta wuṛṛu paddarame si yamiu ringannu manambo-nambo. I yamiu nipile maola'a al᷊aṛṛana'u Ruata uasul᷊ungngu ere pandumannu Ruata Iamangnga. Wuṛṛu Ghaṛṛahon Duata suete na'ola'a si yamiu walahanna apan na'ukkassa, tumba'u su Ruata, tadea'u i yamiu matuṛṛuta su Mawu Yesus Kristus wuṛṛu niukkassu ṛaṛṛa-Ne.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

1 YOHANES 3:19

Aroddiwe olangnge i ite maasingkatta manungku i ite nareengnga al᷊aṛṛana'u Ruata apan atonna, wuṛṛu naungngi ite wotongnge matammuda su saruannu Ruata.