IBRANI 10:39 - WUKE SUSI WATTI'U AL᷊AL᷊USASSA

³⁹ I ite indi wal᷊inewe walahanna apan sussoṛṛota wuṛṛu u'al᷊iwu. Arawe i ite uddewe walahanna apan mangngimanna Ruata wuṛṛu apan iapaasal᷊amatta.

IBRANI 10:39 Iomraidhean Croise

DARALO 44:18

Sarangkanambone buatte naṛṛia'a si yami salaiwe i yami tawe maabul᷊i-Nu ara'e massinaadu paaire-Nu si yami.

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

AMSAL 14:14

Taumata lal᷊eo sarun mani'o wuan aaluanna, taumata mapia sarun mani'o wuan apapiane.

MARKUS 16:16

Taumata apan tawe mangngimanna sarun iṛṛuumanna. Arawe taumata apan mangngimanna wuṛṛu saṛṛanianna, sarun masal᷊amatta.

LUKAS 11:26

See i tou inaite wuṛṛu nangapiddu sire pitu ghaṛṛaho waine apan nangillembo aral᷊eoanne wuassi tou. Wua'udde i mangitou sinumuttate sulal᷊ummu taumata udde see natana'e isudde. Wuṛṛu panginsueanne taumata udde nangillemboten aral᷊eoanne wuassu paarorone.”

YOHANES 17:12

Su tempo i Ya'u ta'e su sambau ringanni mangitou, i Ya'u suete nallu'adda si mangitou ringannu taṛṛinon arannu Iamangnga – aranna apan suete nionggolu Iamangnga si Ya'u. I Ya'u suete nallu'adda si mangitou, wuṛṛu tawe saran sangkatou wuassi mangitou nawul᷊i; tumba'u i tou apan ṛinone sarun mawul᷊i; tadea'u ringannu aroddi matipusse apa apan uawoṛṛetta sulal᷊ummu Wuke Susi.

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

1 TESALONIKA 5:9

Ruata namile si ite wal᷊ine iṛṛuumanna, arawe tadea'u maasomba asasal᷊amatta wuassu Mawun kite Yesus Kristus.

2 TESALONIKA 2:3

Salaiwe ereapa, arie mapaawalan taumata mangawusu si yamiu. Ana waugu tantal᷊anna taambe nia'omanna allo udde, ṛinone mariaddi dorone olangnge indi: Manambo taumata sarun massinaadda, maddandilli Kristus; wuṛṛu Taumata Lal᷊eo apan suete nitantuna iapaasutta su naraka, sarun mamasilon batanganne.

1 TIMOTIUS 6:9

Arawe taumata apan maapulu maola'a ala, inawono'anna wuṛṛu niasamettu al᷊awo'u aapulu apan woddo wuṛṛu mandal᷊eo. Manga aapulu udde ma'ola'a taumata maṛṛimunsa'a wuṛṛu masilaka.

IBRANI 10:26

Ana waugu amungkangu watti'a apan atonna wuassu Ruata suete niapassingkata si ite, arawe i ite sidutu ma'ola'a rosa ringannu apulu naungnga, ne tate lai sasamba ipamappasa rosang kite.

IBRANI 10:38

Wuṛṛu pabbawala'u apan naṛṛino sarun mangngimanna wuṛṛu mabbiakka; arawe amungkangu pia wuassu wallatti mangitou apan sussoṛṛota ne i Ya'u tawe mal᷊uassa si tou.”

IBRANI 11:1

Pangangimanna eteudde mangngimanna atonna-tonna su manga apa apan a'antimanna, atappasanne pia pangangantima su apa apan tawe asiloanna.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

1 YOHANES 5:16

Amungkangu i yamiu naasilo sangkatou sansul᷊ungnga taumatan Saṛṛani ma'ola'a rosa apan tawe maaola'a taumata udde awul᷊iannu wiakka tutune wuṛṛu saran mal᷊annu-l᷊annu, ṛinone i yamiu umal᷊iomanna su Ruata; ne Ruata sarun mangonggolu wiakka udde si tou. Indi matataṛṛino si mangitou apan rosane tawe maawul᷊in wiakki mangitou udde. Arawe pia lai rosa apan maawul᷊in wiakka udde su taumata. Su olangnge udde i ya'u tawe mabbisara manungku i yamiu ṛinone umal᷊iomanna su Ruata.

1 YOHANES 5:5

Isai wotongnge maaroappa runia? Tumba'u taumata apan mangngimanna manungku Yesus udde Ana'u Ruata.

SONDAPPA 17:11

Wuṛṛu winatangnga apan rorone suete nabbiakka, arawe tempo indi tate nabbiakka lai; eteudde ratu aual᷊une. I tou udde sangkatou wuassu wallatu sire pitu ratu udde lai, apan orassa indi tantal᷊anna mattudan tampa apateanne.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.

1 SAMUEL 15:11

“I ya'u sinumassilla nanenegi Saul naola'a ratu, ana waugu i tou buatte tinumal᷊iudda si Ya'u, wuṛṛu tawe tumuṛṛutta parenta-U.” I Samuel mangke nasusa, wuṛṛu su al᷊o'engngu ṛabbi i tou sussal᷊ande Mawu.