IBRANI 10:34 - WUKE SUSI WATTI'U AL᷊AL᷊USASSA

³⁴ wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

IBRANI 10:34 Iomraidhean Croise

MANNANASE 3:6

Ruata nanantunnu tempo maasomba wuṛṛu tempo awul᷊ianna, tempo mangngalludda wuṛṛu tempo mangnginsue,

MATIUS 19:21

Mawu Yesus nabbisara si tou, “Amungkangngu i'o ma'apulu maola'a taumata nasuungnga, roote wal᷊ua'e manga darotongngu. Onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate tantalongke si Ya'u!”

LUKAS 10:42

arawe apa apan pia gunane tumba'u sambau. Wuṛṛu i Maria suete namile lembon apianne, apan tawe iaal᷊appa wuassi tou.”

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 9:25

Apa sombangnge su sangkatou taumata amungkangngu ahewallu runia indi maola'a pussaane, arawe i tou mandal᷊eo wuṛṛu awul᷊iannu wiakke?

WATTI'U MANGA RASUL 21:33

Piaṛṛangnge udde inaite ringanni Paulus see nanametta si tou, wuṛṛu nandolokku taumata niapaṛṛapussa si tou. Wua'udde piaṛṛangnge naiwal᷊o su ola'u isai i Paulus wuṛṛu apa apan suete niolangnge.

WATTI'U MANGA RASUL 28:20

Wuṛṛu ana waugu udde i ya'u madorongnga maisasommbang kamiu, maggahattong kamiu; ana waugu i ya'u ṛaṛṛapusanna, ana waugu Punnu Sal᷊amatta apan a'antimannu walahannu Israel.”

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

EFESUS 6:20

Ana waugu ete Watti'u Al᷊al᷊uassa udde, i ya'u naola'a sangkatou daroloṛṛanna, wuṛṛu orassa indi sulal᷊ummu tuttupanna. Aal᷊iomante tadea'u i ya'u waṛṛani mabbisara su ola'u Watti'u Al᷊al᷊uassa udde, su ereapa i ya'u ṛinone mabbisara.

FILIPI 1:7

Atonna su tampane i ya'u pia apendamma ereudde su saruanni yamiu, ana waugu i yamiu sarangkanambone sidutu marani su naungku. Ana waugu i yamiu lai suadio'a ringangku, nanengkamma al᷊amatta apan nionggolu Ruata si ya'u: mapia orassa indi tantal᷊anna i ya'u sulal᷊ummu tuttupanna ara'e lai su tempo i ya'u su liudde ana waugu mangngesakku Watti'u Al᷊al᷊uassa udde.

KOLOSE 1:5

I yamiu mangngimanna wuṛṛu i yamiu marangngu, ana waugu mangngantimma apa apan suete nissaddian Duata su surga hunan kamiu. I yamiu suete naaringikka su olangnge udde, su tempo Watti'u Al᷊al᷊uassa udde niapaasingkata si yamiu.

1 TIMOTIUS 6:19

Ringannu aroddi i mangitou mangngammulu paa'ala apan maola'a sambau roitta uaraddo apan mapia su tempo addantane. Wuṛṛu ringannu udde i mangitou sarun maasomba wiakka ma'oman sara mal᷊annu-l᷊annu, eteudde wiakka apan tutune.

2 TIMOTIUS 1:16

Arawe lal᷊oṛṛon bal᷊en Onesiforus masokkate malluassa naungku. Doronganna Mawu mapaal᷊iatta'u darangngu-Ne si mangitou. Salaiwe i ya'u sulal᷊ummu tuttupanna, Onesiforus tawe masilin inolaangku udde.

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

IBRANI 13:14

Ana waugu su runia, i ite tawe tampa atatanaanna apan mal᷊annu; i ite maddea'a tampa atatanaanna apan sarun dumanta.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

YAKOBUS 1:2

Manga tuṛṛangnga! Amungkangu yamiu sumaruanna al᷊awo'u hatin bawono'a, ṛinone itarimatti yamiu ere auntunganna.

1 PETRUS 1:4

I ite mangngantimma maatahuanna manga al᷊amatta apan suete nisaddian Duata su al᷊aṛṛanang-Nge, eteudde manga al᷊amatta apan niadone su surga, na'oman sara tawe mal᷊al᷊eo, ara'e mawukku'a ara'e mawulle.

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.