IBRANI 10:33 - WUKE SUSI WATTI'U AL᷊AL᷊USASSA

³³ Pattaṛṛa assa i yamiu a'al᷊uandahanna wuṛṛu a'olaanna tawe aregane su saruannu awada'alla. Pattaṛṛa assa lai yamiu uatataṛṛanga ringanni mangitou apan a'olaanna aroddi,

IBRANI 10:33 Iomraidhean Croise

DARALO 69:9

I ya'u nabbal᷊i ere taumata raho su manga tuṛṛangku, naal᷊ihidda ana'a uata'a su manga iaangku tuari'u.

DARALO 71:7

Pabbiaṛṛangku nabbal᷊i tul᷊ada su awadaalla, ana waugu ete I'o pattillummangku apan matohassa.

DARALO 74:22

Darisikke oh Ruata, ṛawesa'e hatto-Nu! Ana waugu su al᷊o'engngu allo I'o lallobbosannu manga taumata apan tawe mangimanna Si'o.

DARALO 79:12

Oh Mawu, wal᷊isete walahanna udde anambone paapitu ana waugu anambon aal᷊uandagi mangitou su saruan-Nu.

DARALO 89:51

Naungete oh Mawu, ereapa manga allang-Ngu indi aal᷊uandahanna, i ya'u uapasanna lal᷊obbossu manga walahanna.

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

NAHUM 3:6

Ta'u olaanni i'o ere sambau saranapa apan maarantinna, i'o Ta'u waretannu sapadda; i'o Ta'u olaanna wabbiallannu taumata.

ZAKARIA 3:8

Paddaringikke ei Imam Bahewa Yosua, wuṛṛu lai i yamiu manga imam apan naola'a ringanne, i yamiu sarangkanambone uddewe waneṛṛa tempo addantane apan mapia. Sutempo udde i Ya'u sarun mandolokku allang-Ku apan isassago ‘Sambau Solla’.

1 KORINTUS 4:9

Ana waugu tumuṛṛuttu addapa'u, i yami manga rasul, buatte niola'u Ruata ere apa wabbialanna su saruannu taumata wuṛṛu manga mala'ekatta. I yami naal᷊ihida ere taumata lal᷊eo apan niṛṛuumanna na'oman sara mate su saruannu awadaalla wuṛṛu aal᷊uandahannu runia.

2 KORINTUS 12:10

Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.

FILIPI 1:7

Atonna su tampane i ya'u pia apendamma ereudde su saruanni yamiu, ana waugu i yamiu sarangkanambone sidutu marani su naungku. Ana waugu i yamiu lai suadio'a ringangku, nanengkamma al᷊amatta apan nionggolu Ruata si ya'u: mapia orassa indi tantal᷊anna i ya'u sulal᷊ummu tuttupanna ara'e lai su tempo i ya'u su liudde ana waugu mangngesakku Watti'u Al᷊al᷊uassa udde.

FILIPI 4:14

Arawe i yamiu suete nantul᷊ungku sulal᷊ummu asasusa'u; wuṛṛu apa apan niola'i yamiu udde atonna wuṛṛu mapia.

1 TESALONIKA 2:14

Manga tuṛṛangnga, asasusa apan niapendamanni yamiu, suete niapendamannu manga jamaattu Ruata su Yudea apan naola'a pussa'an Kristus Yesus. I yamiu naapendamma asasusa wuassu walahanni yamiu sassane, ere lai niapendamannu manga jamaattu Ruata su Yudea udde wuassu wageangngu manga taumatan Yahudi.

2 TIMOTIUS 1:8

Ana waugu udde arie masili mangonggolu tatiala su ola'u Mawun kite, wuṛṛu arie lai masili su ola'u riri'u, apan niṛṛuumanna ana waugu i Tou. Arawe ṛinone i'o ringannu atatohassa wuassu Ruata, sidutu sulal᷊ummu asasusa lai ana waugu Watti'u Al᷊al᷊uassa udde.

IBRANI 11:26

I Musa mammendama manungku maareganne marau i tou maasomba aal᷊uandaga ana waugu Ratum Punnu Sal᷊amatta apan pina'iren Ruata udde, wuassu maasomba al᷊awo'u darotongngu wanuan Mesir, ana waugu Musa uaantima lal᷊antake su allo murine.

IBRANI 11:36

Piaddu lai a'al᷊uandahanna, pappuul᷊anna, niṛṛapussu ṛate wuṛṛu tinaṛṛo su tuttupanna.

IBRANI 12:4

Ana waugu sulal᷊ummu manaranu lullawangnga rosa, i yamiu taambe saran paassa mammanara na'oman sara napaaturon ṛaṛṛa.

IBRANI 13:13

Ana waugu udde, wette i ite inai ringanni Tou su liuddu padasananna wuṛṛu mamendama aal᷊uandaga suadio'a ringanni Tou.