IBRANI 10:3 - WUKE SUSI WATTI'U AL᷊AL᷊USASSA

³ Arawe wutte'e manga sasamba apan tinantilla suapan tonna udde, ewe'e mappaanaungnga su taumata su ola'u manga rosa mangitou,

IBRANI 10:3 Iomraidhean Croise

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

IMAMATTA 16:34

Lal᷊aghu udde ṛinone olaanna santonna paassa tadea'u ipamaresi walahannu Israel wuassu al᷊awo'u rosan mangitou. Eteudde manga atoranna apan ṛinone iapaamatti mangitou saran mal᷊annu-l᷊annu. I Musa tinumuṛṛutta ere buatte niparentan Mawu si tou.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

YOHANES 2:17

Ne manga mallal᷊aṛṛenggen-Ne naanaungnga wageangngu Wuke Susi ereindi, “Naung-Ku su Wal᷊e-Nu, o Ruata, ma'atutungnga naung-Ku.”

IBRANI 9:7

Apan sussutta su wageangnge lal᷊umme su rasanna udde tumba'u imam wahewa. I tou mammanara udde tumbau santonna paassa. Udde mammanaranne ringannu mangngapiddu ṛaṛṛa ipassubba Ruata ana waugu watanganne sassane wuṛṛu ana waugu manga rosa apan niola'u pabbawalage su liuddu ṛingiranne.