IBRANI 10:27 - WUKE SUSI WATTI'U AL᷊AL᷊USASSA

²⁷ Tumba'u sambau apan piate si ite eteudde sumaruanna pamamarikisannu Ruata ringannu putungngu asasa'une apan sarun manutungnga ma'oman sara masue manga taumata apan lullawangnga si Tou!

IBRANI 10:27 Iomraidhean Croise

DARALO 21:9

I Tou sarun manametta anambon seenne, wuṛṛu manametta anambon taumata apan maddantinni Tou.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEHEZKIEL 38:19

Wuṛṛu ringannu tumaniten nasa'u i Ya'u sarun mamansaga, manungku su allo udde pia linukka apan bahewalla su wanua Israel.

DANIEL 5:6

I tou nabal᷊i namillossa wuṛṛu arodi ata'unne na'oman sara wuune mangngiladda.

HOSEA 10:8

Manga kuil su manga wuidda su Betel tampan taumatan Israel massubba paal᷊uanna, sarun ṛimunsaanna. Larangnga wuṛṛu nannal᷊o sarun tumuwo su mezbah i mangitou. Ana see i mangitou sarun mangintul᷊i sarun manga wowone, “Taapete i yami!” wuṛṛu su manga wuidda, “Soopete i yami!”

YOEL 2:30

Su langitta wuṛṛu su runia sarun Ta'u olaanna manambo al᷊aṛṛindu'a. Sarun pia papaturon daṛṛa, renggammu putungnga wuṛṛu sal᷊oin timbulla.

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

MATIUS 13:42

I mangitou sarangkanambone sarun iramme sulal᷊ummu sunggilla pia putungnge apan luṛṛenggamma, isudde i mangitou sarun lumuai wuṛṛu matataṛṛangnga.

MATIUS 13:50

Wua'udde manga taumata lal᷊eo udde iramme sulal᷊ummu sunggilla pia putungnge. Isuddewe i mangitou sarun lumuai wuṛṛu matataṛṛangnga.”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MATIUS 3:10

Bal᷊iungnga nasaddiate ipanuwangnga alu, ma'oman sara manga ṛamunne. Al᷊awo'u alu apan tawe mabbua apan mapia sarun tuwanganna wuṛṛu iramme sulal᷊ummu putungnga.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

MATIUS 8:29

I mangitou sinumabangnga wuassu manga liangngu lal᷊abinganna wuṛṛu mangngintul᷊i, “Ana'u Ruata sarun olaannu ereapa i yami? Apa I'o mappulute mannansara si yami salaiwe taambe tempone?”

LUKAS 16:24

‘Iamangnga Abraham!’ sasal᷊anden taumata ala udde. ‘Akkanaawe i ya'u. Doloṛṛa'a i Lazarus mangammon tal᷊imadone su ua'e, see rumanta maṛṛolo lila'u. I ya'u mangke nasansarate sulal᷊ummu putungnga indi!’

LUKAS 19:27

Wuṛṛu orassa indi apira'e inawarendi manga see'u udde apan maddiri ya'u maola'a ratune. Patete i mangitou su saruangku!’ ”

LUKAS 21:26

Taumata sarun matta'utta atonna-tonna sumaruanna apa apan sarun mariaddi su ahewallu runia indi, ana waugu manga tembonanne su winalanganna, sarun massongkakka.

LUKAS 23:30

Su tempo udde taumata sarun mabbisara su manga wowone, ‘Umpisanete i yami!’ Wuṛṛu su manga wuidda, ‘Soopete i yami!’

YOHANES 5:29

see sumabangnga wuassu lal᷊abinganna. Taumata apan suete na'ola'a apapia sarun mabangunna mabbiakka. Arawe taumata apan suete na'ola'a al᷊al᷊eo sarun mabangunna wuṛṛu iṛṛuumanna.”

TAHIUL᷊E 32:43

Wette manga walahanna, paddalote al᷊aṛṛana'u Mawu, ana waugu Mawu makkuumannu sarangkanambone apan namate si mangitou. I Tou nabbal᷊issa taddu'u naungnga su manga se'en-Ne arawe nangampungnga rosan manga al᷊aṛṛanang-Nge.”

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

IBRANI 12:29

Ana waugu Ruatang kite ere putungnga apan maatutungnga.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

YAKOBUS 5:3

Wul᷊awanna wuṛṛu sal᷊aanu nitaiante, taine sarun maola'a tatiala lumawangnga si yamiu wuṛṛu sarun umanna wadangu ma'oman sara masue ere putungnga. I yamiu suete nangombon darotongnga su tempo maraniten allon panginsueanne.

SONDAPPA 20:15

Manga taumata apan aranne tawe uawoṛṛetta sulal᷊ummu Wuken Taumata Wiakka, iramme sulal᷊ummu tahal᷊oangngu putungnga.

1 SAMUEL 2:25

Amungkangu pia taumata nassal᷊a su taumata waine, Ruata wotongnge manamba'a si tou; arawe amungkangu taumata na'ola'a rosa su Mawu, isai wotongnge mangontolla si tou?” Arawe i mangitou tawe maddaringikka tatantiron Eli iamangngi mangitou, ana waugu Mawu buatte nakkawessa sarun mamate si mangitou.