IBRANI 10:24 - WUKE SUSI WATTI'U AL᷊AL᷊USASSA

²⁴ Wuṛṛu ṛinone i ite ua'aellega sandingananna, tadea'u i ite wotongnge uasasasa mandangngu sansul᷊ungnga wuṛṛu ma'ola'a manga inolaanna apan mapia.

IBRANI 10:24 Iomraidhean Croise

DARALO 41:1

Su piaṛṛa'u mangangantari. Daralon Daud.

AMSAL 29:7

Taumata mapia masingkattu hakku taumata lome, arawe taumata lal᷊eo tawe maasunna.

WATTI'U MANGA RASUL 11:29

Ne anambo mallal᷊aṛṛenggennu Mawu Yesus na'ire mapaapiddu sumbala su manga tuṛṛangnge apan uatana'a su Yudea, sangkatou-sangkatou nangonggolla tumuṛṛuttu asombangnge.

ROMA 11:4

Apa sasimbakku Ruata si Elia? Ruata sinumimbakka, “I Ya'u buatte nanantangngu pitu ṛiwu su atoune hunane su riri-U sassane. Taambe saran paassa i mangitou nassubba paal᷊uanni Baal.”

ROMA 12:15

Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.

1 KORINTUS 10:33

Pabbiakke ere i ya'u. I ya'u maddea'a mapaal᷊uassu naungngu anambon taumata wuassu al᷊awo'u inolaanna, ringannu tawe pandumanne mapaal᷊uassu riri'u sassane. Tudda'u eteudde tumba'u tadea'u i mangitou sarangkanambone wotongnge masal᷊amatta.

1 KORINTUS 9:22

Su pattangngannu manga taumata apan pangangimanne lome, i ya'u lai mattiangkaola'a ere sangkatou apan pangangimanne lome tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Aunne, i ya'u ma'ola'a sarangkanambone hunane su anambon taumata tadea'u ringannu lal᷊anne salaiwe ereapa lai ya'u wotongnge manal᷊amatta sangkawageanganna wuassi mangitou.

2 KORINTUS 8:8

I ya'u tawe nandolokka udde maola'a sambau parenta. Arawe ringannu namasilo aroddi aṛṛimadde taumata waine mantul᷊ungngu taumata sansul᷊ungnge, i ya'u lai maapulu maasingkata na'oman sara suapa, darangngunu.

2 KORINTUS 9:2

I ya'u masingkata yamiu maapulu mantul᷊ungnga, wuṛṛu ya'u buatte nilumuassi yamiu su manga taumatan Makedonia. I ya'u nabbisara si mangitou, manungku ro'en tonna nal᷊iu manga tuṛṛangnga su Akhaya nasaddiate mangonggolu sumbala. Wuṛṛu apulunu udde naatohassa lai apulun sangkawageanganna wuassi mangitou.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

1 TESALONIKA 5:11

Ana waugu udde ṛinone i yamiu sidutu uasasasa wuṛṛu uatatohassa ere lai a'olaanni yamiu orassa indi.

2 TESALONIKA 3:9

I yami ma'ola'a udde wal᷊ine ana waugu i yami maapulu manul᷊adda si yamiu.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

TITUS 2:4

tadea'u ringannu al᷊aṛṛa'a udde i mangitou wotongnge maapangaṛṛa'a manga maṛṛuala mandangngu awingnge wuṛṛu al᷊aṛṛanangnge,

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

IBRANI 13:1

Ṛinone i yamiu sidutu mandangngu sangkatou ringannu waine ere sansul᷊ungngu manga taumatan Saṛṛani apan uasasangkatuṛṛanga.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

1 YOHANES 3:18

Al᷊aṛṛana'u! Arie i ite umakkana tumba'u su moṛṛonga ara'e tumba'u ringannu wisara. Ṛinone i ite umakkana ringannu aakkana apan tutune, apan niapaal᷊iatta'a ringannu inolaanni ite.