IBRANI 10:2 - WUKE SUSI WATTI'U AL᷊AL᷊USASSA

² Unnu wisara, manga taumata apan massubba Ruata udde atonna-tonna suete niwaresi wuassu rosa, i mangitou tate lai pia naungnga uapendama rosa, wuṛṛu sasamba tate lai itantila.

IBRANI 10:2 Iomraidhean Croise

DARALO 103:12

Araune wuassu ra'i maddatingngu waṛṛata, araune udde lai niramme-Ne manga rosan kite.

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!

ZAKARIA 9:11

Mawu nabbisara su uman-Ne, “Ringannu paaire apan Ta'u niola'a si yamiu, paaire apan nitialanu daṛṛan sasamba, sarun Ta'u ipallossa tumanangngu apan uatataṛṛangnga sulal᷊ummu pamamuanganna naal᷊ihidda taumata apan uataṛṛo sulal᷊ummu paṛṛihi mamara.

IBRANI 10:17

Ruata nabbisara lai, “I Ya'u tate mannaungnga manga rosa wuṛṛu manga al᷊al᷊eo mangitou.”

1 PETRUS 2:19

Ruata sarun mangal᷊amatta si yamiu, amungkangu i yamiu ana waugu naatutukka apulun Duata, masabare maataṛṛanga inolaanna apan wengkolla.