IBRANI 10:11 - WUKE SUSI WATTI'U AL᷊AL᷊USASSA

¹¹ Suapan imam taumatan Yahudi mappaamattu manarane ere sangkatou imam su miallo-miallo, wuṛṛu masokka i tou mangonggolu sasamba uasul᷊ungnga. Arawe manga sasamba udde atonna-tonna tawe maatubbusa rosa.

IBRANI 10:11 Iomraidhean Croise

SASABANGNGA 29:36

Miallo-miallo ṛinone ionggola sambau sapi esakka ipangampungnga rosa. Ringannu sasamba udde mezbah maola'a ma'ukkassa. Ana see i'o ṛinone mallana mezbah udde ringannu lanan zaitun tadea'u iṛṛa'e hunane si Ya'u.

YESAYA 1:11

Mawu nabbisara, “Su sunnanu i Ya'u maapulun al᷊awo'u sasamba apan sidutu ia'onggolli yamiu si Ya'u? Ya'u nualle manga domba sassambanu tattutunganna wuṛṛu tawan ana'u sapinu. Daṛṛan sapi esakka, domba wuṛṛu ambingnga i Ya'u maddirite.

YEHEZKIEL 45:4

Leta'a udde na'ukkassa, wuṛṛu nisaddia huna manga imam apan mammanara mammiaṛṛa'u patataṛṛamawu su Wal᷊e Mawu. Sambageanganna wuassu leta'a udde sarun maola'a tampa pa'olaanna wal᷊en mangitou, wuṛṛu sambageanganna lai hunan Bal᷊e Mawu.

DANIEL 11:31

Wua'udde i tou nangirimmu tantarane iapal᷊al᷊eo Wal᷊en Mawu. I mangitou sarun mamappassa sasamba miallo-miallo wuṛṛu mapararisikku sambau apan maata'utta apan isassaggo Alaleo apan makkimunsa'a.

DANIEL 12:11

Wuassu tempo sasamba mamiallo udde niapaaddo wuṛṛu sambau apan maata'utta apan isassaggo Alaleo apan makkimunsa'a udde iapararisikka, sarun mal᷊iu 1.290 su allone.

DANIEL 8:11

Ewe'e lai i tou mannal᷊u'atta panglima tantaran surga, napaaddon sasamba ia'onggolla miallo-miallo apan ia'onggolla su panglima udde, wuṛṛu napaaṛṛan wal᷊en patataṛṛamawuanna si tou.

DANIEL 9:21

Tantal᷊anna i ya'u u'al᷊iomanna, Gabriel apan buatte ta'u niassiloanna sulal᷊ummu sonda'u apan paarorone udde, tuttalla'a mattudda ringangku. Orassa udde temponete taumata mangonggollu sasamban bawallo.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

MIKHA 6:6

Apate apan sarun ionggolli ite su Mawu, Ruata su surga, napawe i ite rumanta mattaṛṛamawu si Tou? Ṛinone i ite mangapiddu sapi saṛṛentumuwo apan apianne maola'a sasamba itattambunna ionggolla si Tou?

REENGANNA 28:24

Ringannu olangnge udde lai yamiu ṛinone mangonggola su Mawu sasamba itattambunna al᷊annune pitu allo. Sasamba udde maola'a tatambane su sasamba itattambunna mamiallo ringannu sasamba ua'en anggore. Hal᷊urun sasamba udde ma'al᷊uassa naungngu Mawu.

REENGANNA 28:3

Indiwe sasamba apan ionggola su Mawu; Su sasamba mamiallo, darua ana'u domba esakka uukke santonna wuṛṛu tawe sangkule,

REENGANNA 29:6

Manga sasamba udde maola'a sasamba itattambunna apan ionggola suadio'a ringannu sasamba ia'imbene, su allo paarorone suapan bul᷊anna. See lai maola'a tatambane su sasamba itattambunna mamiallo apan ionggola suadio'a ringannu sasamba ia'imbe wuṛṛu sasamba ua'en anggore. Hal᷊urun sasamba itattambunna udde ma'al᷊uassa naungngu Mawu.

IBRANI 10:1

Titan agama Yahudi tumba'u mangngonggolu hambaranne apan mal᷊abbuka su ola'u manga inolaanna mapia apan sarun dumanta, wuṛṛu wal᷊ine hambaranna apan su ṛinone wuassu manga inolaanna udde. Tawe mariaddi tita udde wotongnge mapaasuungngu taumata apan rudanta massubba Ruata ringannu uaapiddu sasamba, salaiwe suapan tonna mannantilu manga sasamba apan uasul᷊ungnga.

IBRANI 10:4

ana waugu atonna ṛaṛṛan sapi wuṛṛu ṛaṛṛang kambinga esakka tawe maatubusa rosa.

IBRANI 5:1

Suapan imam bahewa nipile wuassu wallatu taumata, wuṛṛu nitenega iapa'imbe Ruata maola'a mangangapiddu tingikki mangitou. Manarane eteudde mangngapiddu manga aonggola su Ruata wuṛṛu sasamba ipangampunga rosa.

IBRANI 7:27

I Tou tawe ere manga imam wahewa waine, apan miallo-miallo ṛinone mangapiddu sasamba ana waugu manga rosane sassane rorone, wua'udde ana waugu rosan walahanna. Mawu Yesus nangapiddu sasamba tumba'u paassa ma'oman sara mal᷊annu-l᷊annu, su tempo i Tou nattingkaola'u wadang-Nge sassane naola'a sambau sasamba.

IBRANI 8:2

I Tou manarane naola'a sangkatou Imam Bahewa su Wabbo'a Lembon Susi, eteudde sulal᷊ummu rasannu Mawu apan tutune, apan niapararisikku Mawu, wal᷊ine niapararisikku taumata.

IBRANI 8:4

Unnu wisara i Tou uatana'a su runia indi, i Tou tawe maola'a imam, ana waugu piate imam apan mangapiddu sasamba radoronganna sulal᷊ummu titan agama Yahudi.