IBRANI 10:1 - WUKE SUSI WATTI'U AL᷊AL᷊USASSA

¹ Titan agama Yahudi tumba'u mangngonggolu hambaranne apan mal᷊abbuka su ola'u manga inolaanna mapia apan sarun dumanta, wuṛṛu wal᷊ine hambaranna apan su ṛinone wuassu manga inolaanna udde. Tawe mariaddi tita udde wotongnge mapaasuungngu taumata apan rudanta massubba Ruata ringannu uaapiddu sasamba, salaiwe suapan tonna mannantilu manga sasamba apan uasul᷊ungnga.

IBRANI 10:1 Iomraidhean Croise

IMAMATTA 9:16

Wua'udde i tou nanganu binatangnga maola'a sasamba iatattambunna, wuṛṛu nionggoli tou tumuṛṛuttu atoranna.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

KOLOSE 2:17

Sarangkanambone udde tumba'u mappaellegu inolaanna apan sarun rumanta, arawe semakku al᷊awo'u inolaanna udde eteudde Kristus!

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

IBRANI 7:11

Su al᷊ungngu piaṛṛa'u manga Imam Lewi, titan agama Yahudi nionggolla su taumatan Israel. Ana waugu manga Imam Lewi dorone udde tawe maaola'a ringannu masuungnga apa apan mammanaranne, ne ṛinone pia imam baine, eteudde apan ere Imam Melkisedek, wuṛṛu wal᷊ine lai wuassu wageangngu Imam Harun!

IBRANI 8:5

Manara apan a'olaanni mangitou ere sangkatou imam udde, tumba'u sambau hambaranna ara'e lintau wuassu apa apan su surga. Udde suete niapaasingkatu Ruata si Musa rorone, su tempo i Musa ma'apulu mapararisikku Rasannu Mawu. Ruata nabbisara arendi si Musa, “Naunge! Sarangkanambone udde ṛinone olaannu tumuṛṛuttu tul᷊adane apan niapaasilo si'o raso su wowone.”

IBRANI 9:11

Arawe i Kristus suete nirumanta ere sangkatou Imam Wahewa wuassu inolaanna apan mapia wuṛṛu piate. Su Rasannu Mawu suapa i Tou mappaamattu manarane ere sangkatou Imam Wahewa eteudde rasanna apan lembon mawantuga wuṛṛu lembon nasuungnga. Udde tawe niola'u taumata; atappasanne wal᷊ine niarantanne wuassu runia apan niriaddi indi.

IBRANI 9:23

Ringannu olangnge ereudde manga sarannapa apan mammasilo manga inolaanna su surga, ṛinone ukkasanna. Arawe su manga inolaanna su surga udde sassane raddeaanna sasamba apan lembon apianne.

IBRANI 9:25

Imam wahewan Yahudi suapan tonna sussutta watukku Wabbo'a Lembon Susi sulal᷊ummu Wal᷊e Mawu ringannu uaapiddu ṛaṛṛan sambau winatangnga. Arawe i Kristus tawe sinumutta manantillu watangan-Ne masokka-sokka.